Сщмч. Иларион (Троицкий), архиепископ Верейский

Па́мять пра́веднаго с похвала́ми,/ тебе́ же довле́ет свиде́тельство Госпо́дне, Предте́че:/ показа́л бо ся еси́ вои́стину и проро́ков честне́йший,/ я́ко и в струя́х крести́ти сподо́бился еси́ Пропове́даннаго./ Те́мже за и́стину пострада́в ра́дуяся,/ благовести́л еси́ и су́щим во а́де Бо́га я́вльшагося пло́тию,/ взе́млющаго грех ми́ра,// и подаю́щаго нам ве́лию ми́лость.

Перевод: Память праведника чтится похвалами, тебе же довольно свидетельства Господня, Предтеча, ведь явился ты поистине из пророков славнейшим, ибо удостоился в струях крестить Проповеданного. Потому за истину пострадав с радостью, благовествовал ты и находящимся во аде Бога, явившегося во плоти, подъемлющего грех мира и подающего нам великую милость.

Проро́че Бо́жий и Предте́че благода́ти,/ главу́ твою́ я́ко ши́пок свяще́ннейший от земли́ обре́тше,/ исцеле́ния всегда́ прие́млем,// и́бо па́ки, я́коже пре́жде в ми́ре пропове́дуеши покая́ние.

Перевод: Пророк Божий и Предтеча благодати, главу твою как священнейшую розу в земле обретя, мы всегда получаем исцеления, ибо снова, как и прежде, ты возвещаешь в мире о покаянии.

И нра́вом прича́стник,/ и престо́лом наме́стник апо́столом быв,/ дея́ние обре́л еси́, Богодухнове́нне,/ в виде́ния восхо́д:/ сего́ ра́ди сло́во и́стины исправля́я,/ и ве́ры ра́ди пострада́л еси́ да́же до кро́ве,/ священному́чениче Елевфе́рие,// моли́ Христа́ Бо́га спасти́ся душа́м на́шим.

Перевод: И нравам апостольским сопричастником, и престола их наследником став, делами ты, Богодухновенный, восхождения к созерцанию достиг; потому слово истины право возвещая, ты за веру пострадал до крови, священномученик Елевферий, ходатайствуй пред Христом Богом о спасении душ наших.

Я́ко удобре́ние свяще́нников, преподо́бне,/ и предувеща́ние страстоте́рпцев вси восхваля́ем/ и про́сим тя, священному́чениче Елевфе́рие,/ любо́вию па́мять твою́ пра́зднующия/ бед многообра́зных свободи́,// моля́ непреста́нно о всех нас.

Перевод: Как украшение священников, преподобный, и ободрение всех страстотерпцев, прославляем и просим тебя, священномученик Елевферий, от многообразных бед освободи (Елевферий от греч. ἐλεύθερος — «свободный») празднующих с любовью память твою, моля непрестанно обо всех нас.

Я́ко Безпло́тных единовсе́льника/ и всем преподо́бным соо́бщника,/ всесла́вне Па́вле, пое́м тя и мо́лим тя:/ моли́ся всегда́ о нас,// я́ко да обря́щем ми́лость.

Перевод: Как поселившегося вместе с Бесплотными (ангелами) и всех преподобных собеседника, всеми прославляемый Павел, воспеваем тебя и молим: молись всегда о нас, чтобы мы обрели милость.

От ю́ности, му́дре, я́же па́че смы́сла вожделе́л еси́ му́жески,/ мирски́й мяте́ж оста́вил еси́/ и был еси́ Боже́ственнаго ра́ди жи́тельства Тро́ицы жили́ще/ и просвети́л еси́ ве́рою приступа́ющия тебе́.// Тем зове́м: ра́дуйся, Па́вле пребога́те.

Перевод: С юности, мудрый, мужественно возжелал ты превыше разума мирскую суету оставить и стал обителью Троицы из-за святой своей жизни, и просветил с верой приходящих к тебе. Потому взываем: «Радуйся, Павел преблаженный».

Я́ко святи́тель со безпло́тными единожи́тель быв,/ священному́чениче Стефа́не,/ восприе́м бо Крест, я́ко ору́жие,/ и став кре́пко сопроти́в иконоукори́теля и духобо́рцев,/ не покланя́ющихся Пречи́стому О́бразу Христа́ Бо́га на́шего,/ и отсе́кл еси́ вся́ку е́ресь лука́вых./ Того́ ра́ди прие́м муче́ния вене́ц,/ изба́вил еси́ град твой Суро́ж от вся́кия неприя́зни./ И ны́не мо́лим тя, свя́те,/ да изба́виши нас от вся́ких злых искуше́ний, и бед,// и ве́чныя му́ки.

Перевод: Как святитель ты служил вместе с бесплотными (ангелами), священномученик Стефан, ибо взяв Крест, как оружие, и став твердо против иконоборца и духоборцев, не поклоняющихся Пречистому Образу Христа Бога нашего, отсек ты всякую ересь лукавых. Потому получил мученический венец, избавив город твой Сурож от всякого зла. И сейчас молим тебя, святой, избавь нас от всяких злых искушений и бед, и вечной муки.

Вы́шняго си́лою, свяще́нне, укрепи́вся,/ царе́ва низложи́л еси́ иконобо́рная шата́ния./ Днесь Суро́жу и нам ве́рным предлежа́т/ сла́ва и бога́тство, святы́я твоя́ мо́щи,/ и́хже свы́ше дароно́сят а́нгельстии чи́нове,/ пе́сньми и пе́нием славосло́вят тя,// вели́кий свяще́нный Стефа́не.

Перевод: Всевышнего силой, святитель, укрепившись, ты ниспроверг царскую иконоборческую ересь. Сегодня Сурожу и нам, верующим, вверяются слава и богатство - святые твои мощи, приносимые в дар ангельскими чинами, прославляющими молитвенными песнопениями тебя, великий святитель Стефан.

О, свяще́нная главо́, кре́пкий наш моли́твенниче и засту́пниче, святи́телю о́тче Стефа́не, услы́ши нас, с ве́рою и любо́вию призыва́ющих тя. Помина́й нас у Престо́ла Вседержи́телева и не преста́й моли́тися за нас. Испроси́ предста́тельством твои́м у всеми́лостивейшаго Спа́са на́шего: мир Це́ркви Его́, па́стырем Бо́жиим ре́вность и си́лу, правосла́вней стране́ на́шей мир и спасе́ние. Умоли́ Небе́снаго Отца́ всем пода́ти коему́ждо благопотре́бен дар: ве́ру и́стинную, наде́жду тве́рдую, любо́вь неоску́дную, градо́в на́ших утвержде́ние, ми́ра умире́ние, от гла́да и губи́тельства избавле́ние, от наше́ствия иноплеме́нников сохране́ние, ю́ным благо́е в ве́ре возраста́ние, ста́рым и немощны́м утеше́ние и укрепле́ние, боля́щим исцеле́ние, си́рым и вдови́цам ми́лость и заступле́ние, бе́дствующим по́мощь. Не посрами́ нас во упова́нии на́шем, споспеше́ствуй, я́ко оте́ц чадолюби́вый, и нам понести́ благо́е и́го Христо́во во благоду́шии и терпе́нии и всех нас упра́ви в ми́ре и покая́нии непосты́дно живо́т свой сконча́ти и Ца́рствия Бо́жия насле́дницы бы́ти, иде́же ты ны́не водворя́ешися со А́нгелы и все́ми святы́ми, вы́ну хваля́ Бо́га в Тро́ице сла́вимаго, Отца́ и Сы́на и Свята́го Ду́ха. Ами́нь.

Днесь све́тло красу́ется Це́рковь Кры́мская/ и ра́достно торжеству́ют правосла́вных мно́жества,/ соверша́я па́мять Таври́ческих всех святы́х,/ от апо́стол Христо́вых до ны́не просла́вленных,/ с ни́ми же новому́чеников и испове́дников ве́ка двадца́таго,/ и́хже предста́тельством и моли́твами/ да́руй, Го́споди, всем нам по́мощь Боже́ственную/ непоколеби́мы пребыва́ти в Правосла́вии,// Твою́ бога́тую ми́лость, благоде́нствие и спасе́ние душ на́ших.

Перевод: Сегодня светло празднует Церковь Крымская и радостно торжествует православный народ, совершая память всех святых Таврических, от апостолов Христовых до прославленных сейчас, с ними же новомучеников и исповедников двадцатого века, их представительством и молитвами даруй, Господи, всем нам помощь Божественную, чтобы непоколебимо пребывать в Православии, Твою богатую милость, благоденствие и спасение душ наших.

Я́ко же́ртву непоро́чну и благоуго́дну Христу́ принося́ще,/ Правосла́вная Це́рковь Кры́мская све́тло пра́зднует,/ соверша́юще собо́рную па́мять святы́х уго́дников Таври́ческих,/ от земли́ на́шея восте́кших/ и насе́льниками ра́йских селе́ний бы́вших./ И мы вси под кров их моле́ний притека́ющи,/ избавля́емся от належа́щих бед и зол,/ воспева́я ку́пно с ни́ми Святу́ю Тро́ицу,// да́рующую нам спасе́ние и ве́лию ми́лость.

Перевод: Жертву непорочную и угодную Христу (Рим.12:1) принося, Православная Церковь Крымская светло празднует, совершая общую память святых угодников Таврических, от земли нашей восшедших и жителями райских селений ставших. И мы все, под покров их молитв приходя, избавляемся от теснящих нас бед и зла, воспевая вместе с ними Святую Троицу, дарующую нам спасение и великую милость.

О, преблаже́ннии и пресла́внии му́ченицы и испове́дницы Таври́честии, Це́ркви Христо́вой досто́йное украше́ние, ско́рии засту́пницы и те́плии пред Го́сподем предста́телие и моли́твенницы, зе́млю на́шу житие́м, по́двигом и кро́вию освяти́вшии, священному́чениче Порфи́рие, архипа́стырю Кры́мский, и священнослужи́телие, во у́зах да́же до сме́рти и́мя Христо́во испове́давшии Дими́трие, Нико́лае, Варфоломе́е, Тимофе́е, Иоа́нне, Влади́мире, Анто́ние, Нико́лае, Андре́е, Елеаза́ре и му́ченицы Дими́трие и Стефа́не воззри́те ми́лостивно на ны́, чту́щих пресве́тлую па́мять ва́шу. Вы́ бо ревни́телие еди́нства Це́ркви бы́ли есте́ и ны́не на́шу зе́млю во святе́м правосла́вии утверди́те, от раско́лов и шата́ний огради́те, враго́в, ополча́ющихся на ны́, ви́димых и неви́димых, низложи́те. Испроси́те Человеколюби́ваго Бо́га дарова́ти на́м ти́хое и безмяте́жное житие́ да сподо́бимся моли́твами ва́шими получи́ти оставле́ние грехо́в и дости́гнути Ца́рства Небе́снаго, и́де же вы́ непреста́нно сла́вите Всесвяту́ю Тро́ицу Отца́ и Сы́на и Свята́го Ду́ха во ве́ки веко́в. Ами́нь.

Во́ине Христо́в Иларио́не, сла́во и похвало́ Це́ркве Ру́сския, пред ги́бнущим ми́ром Христа́ испове́дал еси́, кровьми́ твои́ми Це́рковь утверди́ся, ра́зум Боже́ственный стяжа́л еси́, лю́дем ве́рным возглаша́ше: без Це́ркви не́сть спасе́ния.

Святи́телю Христо́в Иларио́не,/ сла́во и похвало́ Це́ркве Ру́сския,/ ра́зум боже́ственный стяжа́в,/ пред безбо́жники Христа́ дерзнове́нно испове́дал еси́,/ Его́же ра́ди страда́ния претерпева́я,/ лю́дем ве́рным возглаша́л еси́:// без Це́ркве несть спасе́ния.

Иларио́не, священному́чениче Христо́в, служи́телей гряду́щаго анти́христа не убоя́лся еси́, Христа́ му́жески испове́дал еси́, за Це́рковь Бо́жию живо́т тво́й положи́. Красо́ новому́ченик Росси́йских, Руси́ святы́я похвало́, ты́ Це́ркве на́шея сла́ва и утвержде́ние.

Сла́ву ми́ра сего́ оста́вив,/ Христу́ до́блественне после́довал еси́/ и, святи́тельское служе́ние восприи́м,/ венце́м му́ченичества украси́лся еси́,/ и ны́не, Престо́лу Бо́жию предстоя́,/ моли́ся, Иларио́не, иера́рше прему́дре,// спасти́ся душа́м на́шим.

Пути́, вводя́щаго в жизнь, наста́вник и учи́тель был еси́:/ пе́рвее бо, преподо́бне о́тче наш Три́фоне,/ прише́л еси́ в часть Норве́гския земли́/ и в после́дних конце́х се́верныя страны́ язы́ки просвети́л еси́,/ породи́в водо́ю и Ду́хом Святы́м,/ и свяще́нная твоя́ ча́да в безпло́дней пусты́ни,/ я́ко древа́ ма́сличная, насади́л еси́,/ ве́лию оби́тель Святы́я и Живонача́льныя, Единосу́щныя и Неразде́льныя Тро́ицы созда́л еси́/ и мона́хов мно́жество собра́в./ Тем, я́ко апо́столом и пустынножи́телем равноче́стна чту́ще тя,/ приле́жно припа́дающе, вопие́м:/ моли́ всех Бо́га за Ру́сскую зе́млю, за о́бласть твою́ и за вся лю́ди,// почита́ющия па́мять твою́.

Перевод: Пути, ведущего к жизни, наставник и учитель ты был, ибо сначала, преподобный отче наш Трифон, пришел ты в Норвежскую землю, а потом и в самых дальних концах северного края ты просветил народы, породив их (в Крещении) водой и Духом Святым, и насадил священные чада твои, как масличные деревья в бесплодной пустыни, создал великую обитель Святой и Живоначальной, Единосущной и Нераздельной Троицы, собрав множество монахов. Потому, почитая тебя равным с апостолами и пустынножителями, усердно коленопреклоненно взываем: моли Бога всех о русской земле, о крае твоем и обо всех людях, почитающих память твою.

Все твое́ у́мное жела́ние к Бо́гу впери́в,/ Того́ зва́нию невозвра́тно от души́ после́довал еси́,/ в пусты́ню коне́чную всели́вся,/ и, та́мо а́нгельски и равноапо́стольне пожи́в,/ мно́гим путь был еси́ ко спасе́нию./ Сего́ ра́ди и Христо́с тя просла́ви и да́ром чуде́с обогати́./ Те́мже вси вопие́м ти:/ ра́дуйся, испове́дниче Христа́ Бо́га на́шего;// ра́дуйся, гра́ду твоему́ неколеби́мое утвержде́ние, Три́фоне, о́тче наш.

Перевод: Все твое духовное стремление обратив к Богу, Его призыву неуклонно от души последовал ты, в пустыни далекой поселился и, там подобно ангелам и апостолам прожив, для многих ты был путем ко спасению. Потому и Христос тебя прославил и даром чудес обогатил. Поэтому все взываем к тебе: «Радуйся, исповедник Христа Бога нашего, радуйся, города твоего непоколебимая крепость, Трифон, отче наш».

О, всесвяты́я Тро́ицы уго́дниче, о блаже́ннейший и равноапо́стольный па́стырю, преподо́бне о́тче наш Три́фоне! Не забу́ди твоея́ па́ствы, помина́й во святы́х твои́х и богоприя́тных моли́твах, приноси́мых в Тро́ице сла́вимому Бо́гу, ста́до твое́, е́же сам, по благове́стию от А́нгела, прише́ствием твои́м собра́л и упа́сл еси́. Поне́же в сро́дстве твоего́ мирска́го жили́ща, слы́шав во святе́й це́ркви на у́трени пою́щих: «пусты́нным живо́т сокрове́н есть, Боже́ственным раче́нием воскриля́ющимся», и от того́ воспери́вся Боже́ственною любо́вию, оста́вль дом и сродство́ и прише́д в край се́верныя страны́, просвети́л еси́ святы́м креще́нием неве́дующий Творца́, всех Бо́га, лопа́рский наро́д, за е́же, во утвержде́нии Христиа́нския ве́ры, мно́га изгна́ния и злоключе́ния подъя́л еси́; и близ реки́ Пече́неги в пу́стыню всели́вся, бра́тию из мно́гих градо́в и ве́сей собра́в, ве́лию оби́тель воздви́гл еси́, и при отше́ствии к Небе́сным селе́нием, о посеще́нии твоея́ оби́тели проро́чествия дар от Бо́га восприя́л еси́, и по сме́рти на мо́ри и на су́ше мно́га чудеса́ и цельбы́ с ве́рою прося́щим сотвори́л еси́ и ны́не твори́ши. Те́мже мо́лим тя, не забу́ди присеща́ти чад твои́х, моли́ за ны, преподо́бне о́тче, приходя́щая к тебе́ с ве́рою, и за вся христиа́ны, я́ко име́яй дерзнове́ние к безсме́ртному Царю́ Христу́ всех Бо́гу; не премолчи́ за ны ко Го́споду и не пре́зри нас, ве́рою и любо́вию чту́щих тя и помина́ющих святу́ю па́мять твою́. А́ще бо ты и преста́вился еси́ от нас те́лом, но и по сме́рти, живы́й ду́хом, всегда́ чудоде́йствуеши. Моли́твами твои́ми сохраня́й нас от стрел и ко́зней вра́жиих, и вся́кия пре́лести бесо́вския, и от враг ви́димых и неви́димых. Па́стырю наш до́брый! А́ще мо́щи твоя́ в ра́це незри́мы нам суть, оба́че, поне́же всегда́ в Тро́ице сла́вимому Бо́гу, при престо́ле Его́ непостижи́маго вели́чествия неотсту́пно в моли́твах предстои́ши, усе́рдно к тебе́ прибега́ем и про́сим: умоли́ и испроси́ нам вре́мя к покая́нию, да в час исхо́да души́ пре́йдем от земны́х к Небе́сным, мыта́рств же возду́шных и ве́чныя му́ки изба́вимся, и Небе́сному Ца́рствию насле́дницы бу́дем со все́ми от ве́ка угоди́вшими. О всеблаже́нне и преподо́бне о́тче наш Три́фоне! Не пре́зри и ны́не нас, притека́ющих к тебе́, я́ко да, моли́твами твои́ми и по́мощию спаса́емы, сла́ву и благодаре́ние, хвалу́ и поклоне́ние за вся в Тро́ице еди́ному Бо́гу, всех Созда́телю, возсыла́ем, Отцу́ и Сы́ну и Свято́му Ду́ху, ны́не и при́сно и во ве́ки веко́в. Ами́нь.

Све́тлый со́нме подви́жников земли́ Ко́льския,/ Се́вера тьму́ сия́нием ве́ры озари́вшии/ отцы́ святи́и, благоче́стием преукраше́ннии,/ служи́телие Та́ин Бо́жиих благогове́йнии,/ боголюби́вии и́ноцы и учи́телие покая́ния,/ миря́не, чи́стым житие́м Созда́телю угоди́вшии,/ язы́ка ло́пскаго богому́дрии просвети́телие и наста́вницы,/ новому́ченицы и испове́дницы, за Христа́ души́ положи́вшии,/ в го́рьких рабо́тах да́же до сме́рти Его́ испове́давшии,// моли́теся ко Го́споду спасти́ся душа́м на́шим.

Перевод: Светлое собрание подвижников земли Кольской, тьму Севера сиянием веры озарившие, отцы святые, благочестием украшенные, служители Тайн Божиих благоговейные, Боголюбивые монахи и учителя покаяния, миряне, чистотой жизни Создателю угодившие, народа лопского Богомудрые просветители и наставники, новомученики и исповедники, за Христа жизни отдавшие, в тяжких трудах даже до смерти Его исповедавшие, молитесь Господу о спасении душ наших.

Дне́сь ли́к святы́х, в земле́ Ко́льстей Бо́гу угоди́вших,/ предстои́т в це́ркви и неви́димо за ны́ мо́лится Бо́гу,/ прииди́те, христоимени́тии лю́ди,/ па́мять и́х почти́м и возопии́м к ни́м:/ Ра́дуйтеся, отцы́ преблаже́ннии Три́фоне, Феодори́те и Варлаа́ме,/ со мно́гими на́шего кра́я небе́сными покрови́тели,/ вы́ бо, я́ко зве́зды светоза́рныя, во мра́це Се́вера возсия́ли есте́,/ словесы́ и чудесы́ свои́ми вся́ просвети́вше,/ и ны́не моли́теся Го́сподеви/ ве́ру Правосла́вную зде́ незы́блему соблюсти́// и дарова́ти на́м ве́лию ми́лость.

Перевод: Сегодня собрание святых, в земле Кольской Богу угодивших, предстоит в церкви и невидимо о нас молится Богу. Придите, христиане, память их почтим и воззовем к ним: «Радуйтесь, отцы преблаженные Трифон, Феодорит и Варлаам, со многими прочими нашего края небесными покровителями, ибо вы, как звезды блистающие, во мраке Севера воссияли, своими учениями и чудесами всех просветив, и сейчас молитесь Господу веру Православную здесь незыблемой сохранить и даровать нам великую милость».