21Сентября.Понедельник. Седмица 16-я по Пятидесятнице. Поста нет. Глас 6-й

25 Ноябрь 2024

(Админ)

A+ R A-

ЗАДАТЬ ВОПРОС

Карты

21Сентября.Понедельник. Седмица 16-я по Пятидесятнице. Поста нет. Глас 6-й

Подробности: Создано 21.09.2020 13:42; Дата публикации; Родительская категория: НОВОСТИ, БОГОСЛУЖЕНИЕ,СВЯТЫЕ ДНЯ; Просмотров: 1305

Рождество Пресвятой Владычицы нашей Богородицы и Приснодевы Марии.

Утренние Богослужение. Божественная Литургия.Престольное Торжество.

Празднечную Божественную Литургию Возглавил Протоиерей Евгений Настоятель Богородице Рождественского Прихода в со служении Иерея Вячеслава Гутова Настоятиля Свято Зиновьевского Прихода.

Память.Прпп. Иоа́нна (1957) и Гео́ргия (1962), исповедников (Груз.).

Икон Божией Матери: София – Премудрость Божия (Киевская); «Рождество Богородицы» Сямская (1524); «Рождество Пресвятой Богородицы» Глинская (Пустынно-Глинская) (XVI); «Рождество Богородицы» Лукиановская (XVI); «Рождество Богородицы» Исааковская (1659); Холмская; «Зна́мение» Курская-Коренная (1295); Почаевская (1559); Леснинская; Домницкая

(1696).

РОЖДЕСТВО БОГОРОДИЦЫ

святитель Димитрий Ростовский

Господь, на небесах живущий, восхотев явиться на земле и пожить с человеками, прежде уготовал на ней место селения славы Своей – Пречистую Свою Матерь: ибо в обычае у царей, когда они хотят придти в какой-либо город, предуготовлять себе в нем для пребывания палату. И как палаты земных царей созидаются искуснейшими мастерами из драгоценнейших предметов, на возвышеннейшем месте, прекраснее и обширнее всех иных жилищ человеческих, так имела создаться и палата славы Царя Небесного. В Ветхом Завете, когда Бог восхотел жить в Иерусалиме, Соломон1 создал Ему храм (3Цар.5-7 гл.; 2Пар.2-4 гл.) чрез искуснейшего строителя Хирама2, который был исполнен художества, разума и знания на всякое дело. Создал же Соломон храм из драгоценнейших веществ, из превосходного камня (3Цар.5:17-18), из благовонных деревьев: кедра и кипариса (2Цар.6:9-10), привозимых с Ливана3, и из чистого золота, на возвышеннейшем месте, на горе Мориа4. Храм был тем прекраснее, что на стенах его были еще изваяны изображения херувимов, различных деревьев и плодов (3Цар.6:18-35, 7:18-22, 29-42). Пространством храм был столь велик, что в нем могло вместиться без тесноты всё множество людей израильских, и снизошла на него слава Господня во огне и облаке (3Цар.8:10-11). Однако храм сей был недостаточен для вмещения в себе Невместимого Бога. Соломон создал Ему храм, но Вышний не в рукотворенных храмах живет. «Какой дом созиждете Мне, – говорит Господь, или какое место для покоя Моего?» (Деян.7:49). И вот Бог благоизволил, чтобы в начале новозаветной благодати был создан нерукотворенный храм – Пречистая, Преблагословенная Дева Мария. Каким же строителем создан был храм тот? Воистину – премудрейшим, самою Премудростью Божиею, как говорит Писание: «Премудрость построила себе дом» (Притч.9:1), а всё сотворенное Премудростью Божиею прекрасно и совершенно. А поелику Премудрость Божия создала одушевленную палату Слова, – посему создался совершенный храм для совершенного Бога, пресветлая палата для пресветлого Царя, пречистый и неоскверненный чертог для пречистого и нескверного Жениха, непорочное селение для непорочного Агнца. Сему – верный свидетель на небе, говорящий к Ней: «Вся ты прекрасна, возлюбленная моя, и пятна нет на тебе!» (Песн.4:7). И святой Дамаскин пишет: «Вся – чертог Духа, вся – град Божий, море благодатей, вся – добра, вся – ближняя Богу» (Слово 1 на Рождество Пресвятой Богородицы).

Из каких же веществ создалась сия палата? Воистину – из драгоценнейших: ибо произошла, как от драгоценного камня, из царского рода, от Давида, который вложенным в пращу камнем, прообразовавшим камень – Христа, поразил Голиафа5 (1Цар.17:39-51); и, как из благовонных деревьев кедра и кипариса, Дева Богородица родилась из рода архиерейского, приносящего благовонные жертвы Богу. Отец ее святой праведный Иоаким был сыном Варлафира, ведущего свое происхождение от сына Давидова Нафана, а мать ее, святая праведная Анна, была дочерью священника Матфана из племени Ааронова; таким образом, Пречистая Дева по отцу была рода царского, а по матери – архиерейского. О, из сколь драгоценнейших веществ, – разумею пречестнейшее происхождение, – создалась Царю славы одушевленная палата! И как в Соломоновом храме каменные и деревянные здания приобретали особенную ценность от чистого золота, которым были позолочены; так в рождестве Пресвятой Богородицы благородства царского и архиерейского происхождения еще более заслужило почтения от целомудрия святых Ее родителей, которое дороже, «нежели от золота: она дороже драгоценных камней; и ничто из желаемого тобою не сравнится с нею» (Притч.3:15). Ибо Пресвятая Дева родилась от целомудренных родителей, что выше всякого благородства. О сем святой Дамаскин, обращаясь к святым праведным Богоотцам говорит так: «О блаженные супруги, Иоаким и Анна! Воистину по плоду чрева вашего вы явились непорочными, по слову Господню: «По плодам их узнаете их» (Мф.7:16, 20). Вы устроили свою жизнь, как благоугодно Богу и как достойно сие Рожденной от вас. Ибо, живя целомудренно и праведно, вы произрастили сокровище девства, – разумею Деву: прежде рождества Деву, в рождестве Деву, по рождестве Деву, и всегда Деву, единую приснодевствующую и умом, и душою, и телом. Подобало же, чтобы девство, от целомудрия рожденное, было принесено плотию Самому Единородному Свету. О, двоица чистейших словесных горлиц, Иоаким и Анна! вы, соблюв целомудренно закон природы, божественно сподобились сверхъестественных дарований, и родили миру Деву Божию Матерь. Вы, благочестиво и праведно пожив в человеческом естестве, произвели Дщерь высшую ангелов и ныне владычествующую над ангелами. О, прекраснейшая и сладчайшая Дщерь! О, крин, выросший посреди терния от благороднейшего царского корня! Тобою обогатилось царство священства»6. Сими словами святой Дамаскин ясно показывает, от каковых родителей рождена Божия Матерь, из сколь драгоценнейших веществ устроена палата Царя Небесного.

На каком же месте была устроена сия одушевленная палата? Воистину – на высочайшем, ибо Церковь дает о ней следующее свидетельство: «истинно вышши всех еси Дево чистая»7; но выше – не местом, а добродетелями и высотою Божиих дарований. Местом же, где родилась преблагословенная Дева, был небольшой город в земле Галилейской, называемый Назаретом, зависевший от большого города Капернаума8, и жители его были презираемы, почему и о Христе было сказано: «из Назарета может ли быть что доброе?» (Ин.1:46). Но Господь, «Который, обитая на высоте, приклоняется, чтобы призирать на небо и на землю» (Пс.112:5-6), благоизволил, чтобы Его Пречистая Матерь была рождена не в Капернауме, в своей гордыне до неба вознесшемся, а в смиренном Назарете, «ибо что высоко у людей, то мерзость пред Богом» (Лк.16:15), а презираемое и уничижаемое ими высоко и драгоценно у Него. Самое имя Назарета при сем изображает высоту добродетелей Пречистой Девы. Ибо как в Своем рождестве Господь чрез Вифлеем, что значит: «дом хлеба»9, тайно прообразовал то, что Он есть хлеб, сшедший с неба10 для оживотворения и укрепления людей: так и в рождестве Пречистой Своей Матери Он чрез Назарет изображает возвышенные предметы; ибо наименование «Назарет» означает цветущее, огражденное, увенчанное и сокровенное место11: и всё сие ясно предъизображает Пресвятую Деву. Она есть цвет, прозябший от неплодной и застарелой утробы сухого дерева, цвет неувядаемый, присноцветущий девством, цвет благоухающий, родящий благоухание Единого Царя, – цвет, приносящий плод – Христа Бога Господа, единственное яблоко благовонное. Она освящена благодатью нашедшего на Нее и осенившего Ее Святого Духа и есть святейшая всех святых, как родившая «всех святых святейшее слово»12. Она исключена из числа грешных земнородных, как чистая и непорочная, и не только Сама чужда греха, но и грешников отводит от беззаконий, как и взывает к ней Церковь: «радуйся, скверных изымающая дел»13. Она увенчана славою и честью: увенчана славою, ибо произросла из царского корня; увенчана честью, потому что произошла из племени архиерейского. Увенчана славою, потому что произошла от целомудренных родителей; увенчана честью, потому что почтена благовещением и служением архангела. Увенчана славою, как Матерь Божия; ибо что может быть славнее того, как родить Бога? Увенчана честью, как Приснодева; ибо что может быть почетнее, как пребыть и по рождестве девою? Увенчана славою, «славнейшая серафим», как серафимски возлюбившая Бога. Увенчана честью, «честнейшая херувим»14, как превзошедшая херувимов мудростью и познанием Божества: «слава и честь и мир всякому, делающему доброе» (Рим.2:10), говорит Апостол. Но найдется ли кто из земнородных более добродетельный, чем Пречистая Дева? Она сохранила все заповеди Господни, исполняла всю волю Господа, все наставления Его соблюла, все слова Его сокрыла в сердце Своем, оказала ближним все дела милосердия. Посему достойно Она увенчана, как творящая всеблагое. Она же есть и некое хранилище; ибо сохраняла сокровище своего девического целомудрия столь тщательно, что даже ангелу не хотела вверить оное, потому что, увидев ангела, Она смутилась от слов его и размышляла, что бы значило сие приветствие (Лк.1:29). Всё сие Назарет прообразовал в Пречистой Деве своим наименованием. И кто не скажет, как высоко воздвиглась та палата Христова по добродетелям и дарованиям Божиим? Она высока, ибо дарована с неба, хотя родилась на земле от земнородных; – с неба, ибо, как говорят некоторые из богопросвещенных мужей, архангел Гавриил, благовестивший Захарии о рождении Иоанновом, благовестил Иоакиму и Анне о зачатии Пресвятой Богородицы и принес с неба Ей преблагословенное имя, говоря неплодной матери: «Анна, Анна! родишь ты Дочь преблагословенную, и наречется имя Ей: Мария». Итак Она, без сомнения, может быть названа градом святым, Иерусалимом новым, сходящим с неба от Бога (Откр.21:2), скиниею Божиею. Высока сия Божия скиния, ибо, родив Царя Христа, она возвысилась паче серафимов. О, высота, неудобовосходимая для человеческих помыслов!

А какова красота той мысленной Христовой палаты, – о сем послушай того же сладкоглаголивого Иоанна Дамаскина, вещающего о Ней следующее: «Она принесена Богу, Царю всех, одеянная благолепием добродетелей, как бы золотою ризою, украшенная благодатью Духа Святого, и слава Ее внутри Нее: ибо как для всякой жены слава ее – муж, приходящий отвне, так слава Богородицы внутри Ее, т.е. плод чрева Ее»15. И еще Дамаскин говорит, обращаясь к Ней: «О, Дево Богоблагодатная, святая Церковь Божия, которую духовно создал оный сотворивший мир Соломон (Премудрый Творец мира) и вселился в Нее! Не золотом, не бездушными камнями украшена Она, но, вместо золота, сияет Духом, вместо дорогих камней имеет многоценный бисер – Христа16. Таково украшение той палаты, гораздо прекраснее бывшего в храме Соломоновом, в котором были изображены подобия херувимов, деревьев и цветов. Но и в сей одушевленной Церкви, в Пречистой Деве, ясно виден образ херувимский; ибо своим херувимским житием Она не только сравнялась с херувимами, но и превзошла их. Если Церковь обыкла иных святых называть херувимами, воспевая: «что вас наречем святии; херувимы, яко на вас почил есть Христос»17, то тем паче Дева Богородица есть херувим, ибо в Ней Христос почил телом Своим, и на пречистых руках Ее Бог воссел, как на престоле: Дева стала престолом херувимским. Она имеет в Себе подобия и деревьев благоплодовитых, духовно соделавшись маслиною плодовитою в дому Божием и цветущим фиником (Пс.55:10), почему ныне и именуется садом живоносным, когда Церковь воспевает: «от неплоднаго корене сад живоносен израсти нам, Матерь Свою, иже чудес Бог»18. Всё сие говорится о красоте Ее духовной. Но Она не была лишена и красоты телесной, как о том свидетельствуют многие учители церковные, что во всей подсолнечной не было и не будет такой прекрасной девы, какова была Дева Богородица, узрев Которую, святой Дионисий Ареопагит19 хотел бы наречь Богом, если бы не знал Бога, от Нее рожденного. Ибо Божественная благодать, коей Она была исполнена внутри, просиявала и на Ее пресветлом лице. Таковую предуготовал себе палату на земле Царь Небесный, – палату прекрасную душою и телом, «приготовленный как невеста, украшенная для мужа своего» (Откр.21:2), – притом палату пространную: «чрево Ее пространнее небес содела»20, и вместился в Ней «невместимый Христос Бог».

Палаты царские обыкновенно строятся обширными, так чтобы они могли вместить не только царя, но и множество предстоящих слуг и приходящих к нему отовсюду людей. Обширное селение Слова, Пречистая Дева, пространно не только для Бога Слова, как Царя, но и для нас, притекающих рабов Божиих в Нее вселяющемуся: Бога вмещает во утробе, нас же в Своем благоутробии. Избранный сосуд Божий, святой Апостол Павел, движимый любовью, говорил к своим возлюбленным чадам: «сердце наше расширено. Вам не тесно в нас» (2Кор.6:11-12). Но у кого из святых может найтись столь пространное благоутробие, как Мариино о Боге благоутробие? Здесь вмещается и целомудренный, и грешному здесь не тесно. Кающийся имеет в Ней свое место, и для отчаявшихся и некающихся Она есть невозбранное пристанище, подобно тому, как Ноев ковчег служил пристанищем не только чистым, но и нечистым животным. В благоутробии Ее без тесноты вмещаются все скорбящие, обидимые, алчущие, странствующие, обуреваемые, больные: ибо не может не быть милосердной та утроба, которая родила нам благого Бога. Палаты царей земных охраняет много вооруженной стражи, которая не всякого, желающего войти в них, впускает, но удерживает, внимательно расследуя, откуда и зачем идет. А одушевленная палата Христова, хотя и окружена херувимами и серафимами и бесчисленными ликами ангелов и всех святых, но, тем не менее, в двери Ее благоутробного милосердия никто не препятствует войти, если бы кто сего пожелал: ни стражи не отталкивают, ни воины не отгоняют и не расследуют, зачем кто идет, но всякий входит в них беспрепятственно с молением и приемлет дар по благопотребному прошению.

Итак, будем прибегать к милосердию Рожденной от неплодной утробы с таковым приветствием:

Радуйся, всенепорочная палата Царя всех! Радуйся, селение Бога и Слова, Коему со Отцом и Святым Духом, и Тебе, Дочери Отца, Матери Сына, Невесте Святого Духа, да будет от нас смертных честь и слава во веки. Аминь.

Тропарь Рождества Пресвятой Богородицы, глас 4

 
0:00

Рождество́ Твое́, Богоро́дице Де́во,/ ра́дость возвести́ всей вселе́нней:/ из Тебе́ бо возсия́ Со́лнце пра́вды Христо́с Бог наш,/ и, разруши́в кля́тву, даде́ благослове́ние,// и, упраздни́в сме́рть, дарова́ нам живо́т ве́чный.

Перевод: Рождество Твое, Богородица Дева, радость возвестило всей вселенной, ибо из Тебя воссияло Солнце правды, Христос Бог наш; и, отменив проклятие, Он дал благословение и, упразднив смерть, даровал нам жизнь вечную.

Кондак Рождества Пресвятой Богородицы, глас 4

 
0:00

Иоаки́м и А́нна поноше́ния безча́дства,/ и Ада́м и Е́ва от тли сме́ртныя свободи́стася, Пречи́стая,/ во святе́м рождестве́ Твое́м./ То пра́зднуют и лю́дие Твои́,/ вины́ прегреше́ний изба́вльшеся,/ внегда́ зва́ти Ти:// непло́ды ражда́ет Богоро́дицу и пита́тельницу Жи́зни на́шея.

Перевод: Иоаким и Анна от поношения за бездетность и Адам и Ева от тления смертного освободились святым Твоим рождеством, Пречистая. Его празднуют и люди Твои, от осуждения за грехи избавленные, восклицая Тебе: «Неплодная рождает Богородицу и Питательницу Жизни нашей!»

Величание Рождеству Пресвятой Богородицы

Велича́ем Тя, Пресвята́я Де́во, и чтим святы́х Твои́х роди́телей, и всесла́вное сла́вим Рождество́ Твое́.

Молитва в день Рождества Пресвятой Богородицы

О, Пресвята́я и Богоизбра́нная Де́во, Влады́чице на́ша Богоро́дице, Небеси́ и земли́ Цари́це, на ра́дость и утеше́ние всему́ от безпло́дных и безча́дных роди́телей Бо́гом дарова́нная! Роди́вшися Бо́жиим промышле́нием, Ты разреши́ла еси́ непло́дствие ро́ждшия Тя, и ны́не непло́дное се́рдце мое́ плодоно́стно сотвори́ предста́тельством Твои́м у Престо́ла Вседержи́телева, непло́дствовати же соде́лай мя злы́ми де́лы, гнелы́ми словесы́ и нечи́стыми помышле́ньми. О, Всеблаже́нная, да явлю́ся ча́до Бо́жие, доброде́телей благопло́дие при́сно принося́щее. Ты утоли́ла еси́ Пречи́стым Рождество́м Твои́м плач прама́тери на́шея Е́вы, и пра́ведныя роди́тели Твоя́ изба́вила еси́ поноше́ния безча́дства, и ны́не утоли́ плач и воздыха́ния многоболе́зненныя и грехолюбо́вныя души́ моея́ и изба́ви всех нас поноше́ния злосмра́дных дел на́ших, страсте́й безче́стия и от вся́кого порабоще́ния вра́жескаго. Наипа́че же да́руй нам, Пресвята́я Богоро́дице Де́во, во всесве́тлый день Рождества́ Твоего́ чи́стым се́рдцем разуме́ти и па́мятовати, с коли́кою ра́достию и благодаре́нием непло́дная утро́ба святы́я пра́ведныя А́нны ноша́ше Тя, да и мы не то́чию словесы́, но наипа́че де́лы свои́ми вы́ну бу́дем со умиле́нием серде́чнем прославля́ти Тя, вопию́ще: Сла́ва прише́ствию Твоему́, Чи́стая. Сла́ва Рождеству́ Твоему́. Сла́ва де́вству Твоему́, Ма́ти Безневе́стная. Ку́пно же с Тобо́ю сподо́би нас непреста́нно сла́вити и велича́ти Всесвяты́й Плод Твой, Сло́во воплоще́нно, во чре́ве Твое́м неопа́льно носи́мо, Ему́же сла́ва подоба́ет, честь и поклоне́ние, со Безнача́льным Его́ Отце́м, и с Пресвяты́м и Благи́м и Животворя́щим Его́ Ду́хом ны́не и при́сно и во ве́ки веко́в. Ами́нь.

КАНОН РОЖДЕСТВУ ПРЕСВЯТОЙ БОГОРОДИЦЫ

Песнь 1

Ирмос: Грядите людие, поим песнь Христу Богу, раздельшему море, и наставльшему люди, яже изведе из работы египетския, яко прославися.

Грядите вернии, Духом Божественным радующеся, Иже от неплодове днесь пришедшую, человеков на спасение, Приснодеву Отроковицу песньми почтим.

Радуйся Чистая, Мати и рабо Христа Бога, Яже Первому Ходатаица блаженству, человеческий род Тя, вси достойно песньми славим.

Жизни раждается днесь Мост, Имже человецы воззвание падения еже от ада обретшии, Христа Жизнодавца песньми прославляют.

Песнь 3

Ирмос: Утверди нас в Тебе, Господи, древом умерщвлей грех, и страх Твой всади в сердца нас поющих Тя.

Непорочно Богу пожившии, всех родисте Спасение, Богомудрии родителе, Зиждителя Рождшия и Бога нашего.

Всем жизнь источаяй Господь, от неплодове произведе Деву, в Нюже вселитися изволи, и по Рождестве сохранив нетленну.

Аннин плод, Марию, днесь, Грозд рождшую живоносный, яко Богородицу воспоим, Предстательницу же всех и Помощницу.

Седален, глас 4

Дева Мариа и Богородица истинно, яко облак света днесь возсия нам, и от праведных предгрядет в славу нашу. Не ктому Адам осуждается, и Ева от уз свободися, и сего ради зовем вопиюще со дерзновением Единей Чистей: радость возвещает Рождество Твое всей вселенней.

Песнь 4

Ирмос: Услышах Господи, слух Твоего смотрения, и прославих Тя, Едине Человеколюбче.

Воспеваем Тя Господи, верным спасительное Пристанище подавшаго всем, Тебе Рождшую.

Тя Богоневесто, похвалу всем Христос яви и державу, поющим верно Твое таинство.

Неискусобрачная Владычице, Твоими молитвами избавляеми прегрешений, благоразумно вси Тя ублажаем.

Песнь 5

Ирмос: Сеннописанный мрак гаданий разорив, и верных прибытием истины, Богоотроковицею озарив сердца, и нас светом Твоим Христе, настави.

Воспоим людие всех Вину, сущаго по нам быти Виновнаго: Еяже образу радовахуся сподобляеми пророцы, явленное спасение от Тоя плодяще.

От суха прозябение жезла иереева, Израилю показа проразсуждение: и ныне светлость прозябших преславно светит, от неплодове всеславное Рождение.

Песнь 6

Ирмос: Ко Господу от кита Иона возопи: Ты мя возведи из глубины ада, молюся, да яко Избавителю, во гласе хваления, истины же духом пожру Тебе.

Ко Господу в скорби неплодства возопиша, Богоматере Богомудрии родители, и Сию в роды родов родиша, на общее спасение и похвалу.

Прияша небесный Дар от Бога достоин, Богоматере Богомудрии родители, самех Херувимов превышшее Носило, Слова и Зиждителя Родительницу.

Кондак, глас 4

Иоаким и Анна поношения безчадства, и Адам и Ева от тли смертныя свободистася, Пречистая, во святем Рождестве Твоем. То празднуют и людие Твои, вины прегрешений избавльшеся, внегда звати Ти: неплоды раждает Богородицу и Питательницу жизни нашея.

Икос

Молитва купно и воздыхание, неплодства и безчадства, Иоакима же и Анны благоприятное, и во уши Господни вниде, и прозябе Плод живоносен миру. Ов бо молитву на горе творяше: ова же в саде поношение ношаше: но с радостию неплоды раждает Богородицу, и Питательницу жизни нашея.

Песнь 7

Ирмос: Купина в горе огненеопальная, и росоносная пещь халдейская, яве предписа Тя, Богоневесто, Божественный бо Невещественный в вещественнем чреве, Огнь неопально прияла еси. Темже из Тебе Рождшемуся поем: благословен еси Боже отец наших.

Твое в вещественных явлениих законоположник возбранися разумети, и великое, Пречистая, таинство, не мудрствовати земноревностная образно наказуемь иногда. Темже удивлься чудеси, глаголаше: благословен Бог отец наших.

Гору и Дверь небесную, и мысленную Тя Лествицу Боголепно лик Божественный пронарече: от Тебе бо Камень отсечеся не руками мужескими, и Дверь Еюже пройде Господь, Иже чудес Бог отец наших.

Песнь 8

Ирмос: В пещи отрочестей прообразил еси иногда Твою Матерь Господи, образ же Сия из огня изымаше, неопально входящия. Юже поем явльшуюся Тобою концем днесь, и превозносим во вся веки.

Яже к Богу нашего примирения, предопределенная Скиния, еже быти ныне начинает, имущи родити Слова, нам дебельством плоти явльшася. Егоже поем, из не сущих во еже быти Тем приемшии, и превозносим во вся веки.

Неплодства преложение, мирское благих разреши неплодство, и ясно чудо Христа показа, к земным пришедша Егоже поем, из не сущих во еже быти Тем приемшии, и превозносим во вся веки.

Песнь 9

Ирмос: Яже прежде Солнца Светильника Бога возсиявшаго, плотски к нам пришедшаго, из боку Девичу, неизреченно воплотившая, Благословенная Всечистая, Тя Богородице величаем.

Иже непокоривым людем из камене источив воду, благопокоривым же языком дарует от чресл неплодных Плод на веселие нам Тя, Богомати Пречистая, Юже достойно величаем.

Напраснаго древняго отъятельницу осуждения и праматере исправление: юже рода к Богу выну присвоения, к Зиждителю Мост, Тя Богородице величаем.

Светилен

От неплодныя днесь Анны Цвет произыде Богородица, вся благовония Божественнаго исполняющи концы мира, и радости всю наполняющи тварь: Юже поюще достойно восхваляем, яко сущу земнородных Превышшую.

КАНОН РОЖДЕСТВУ ПРЕСВЯТОЙ БОГОРОДИЦЫ (2-Й)

Песнь 1

Ирмос: Сокрушившему брани мышцею Своею, и проведшему Израиля сквозе Чермное море, поим Ему, яко Избавителю нашему Богу: яко прославися.

Да ликовствует вся тварь, да веселится же и Давид: яко от колена и от семене его произыде Жезл, Цвет носящи Господа, Творца всяческих.

Святая святых, во святем святилищи Младенец возлагается воспитатися от руки ангеловы: вси убо верно спразднуим в Рождестве Ея.

Неплоды нераждающая Анна, но не безчадна Богу: се бо пронаречеся от родов Чистая Дева Мати. Темже естества израсти Зиждителя в рабии образе.

Тя незлобивую Агницу, Агнца Христа, Младенца от чрева Твоего приведшую в наше существо, вси, от Анны рожденную Тя, песньми почитаем.

Троичен: Три Безначальна славлю, Три Свята пою, Три Соприсносущна в Существе Едином проповедую: Един бо во Отце, и Сыне, и Дусе, славословится Бог.

Богородичен: Кто виде Отроча, Егоже не всея Отец, млеком питаемое; или где видена бысть Дева Мати; истинно паче ума обоя, Богородительнице Чистая.

Песнь 3

Ирмос: Утвердися сердце мое во Господе, вознесеся рог мой в Бозе моем, разширишася на враги моя уста моя, возвеселихся о спасении Твоем.

Воспитавшися во Святая святых, Дево Пречистая Богородице, вышши явилася еси твари, Зиждителя плотию порождши.

Благословено чрево Твое, целомудренная Анно, Плод бо израстила еси девства, Юже безсеменно Питателя твари Рождшую и Избавителя Иисуса.

Тя блажит, Приснодево, вся тварь, от Анны днесь рождшуюся, от корене Иессеева Жезл Пречист Цвет, Христа израстившую.

Тя вышитую всея твари Богородице, показуя Чистая, Сын Твой, еже от Анны величит Твое Рождество, и всех веселит днесь.

Троичен: Тебе покланяемся, Отче, Безначальне Существом, поем Безлетнаго Сына Твоего, и чтем Соприсносущнаго Духа Твоего, яко Единаго Трое естеством Бога.

Богородичен: Светодавца и Начальника жизни человеческия, рождшая Чистая Богородице, явилася еси Сокровище жизни нашея, и Дверь неприступнаго Света.

Седален, глас 4

Дева Мариа и Богородица истинно, яко облак света днесь возсия нам, и от праведных предгрядет в славу нашу. Не ктому Адам осуждается, и Ева от уз свободися, и сего ради зовем вопиюще со дерзновением Единей Чистей: радость возвещает Рождество Твое всей вселенней.

Песнь 4

Ирмос: Пророк Аввакум, умныма очима провиде Господи, Пришествие Твое, тем и вопияше: от юга приидет Бог. Слава силе Твоей, слава снизхождению Твоему.

Патриарх Иаков, провидев, Спасе, величия ясно строения Твоего, вопияше Духом, ко Иуде глаголя тайно: от леторасли возшел еси Сыне мой, возвещая Тя от Девы Бога.

Ныне Жезл Ааронов, от корене Давидова прозябший, ныне Дева Чистая происходит: и сликовствует небо и земля, и вся отечествия языков, и Анна и Иоаким таинственно.

Ныне да веселится небо, да радуется же земля, и да ликуют Иоаким и Давид. Ов убо яко родитель Твой, истинно Рождшия Бога: ов же яко праотец Твой, проповедая Твоя величествия, Чистая.

Срадуется Тебе днесь, богомудренная Анно, вселенная: Избавителя бо тоя Матерь процвела еси, Юже от корене прозябшую Давидова, Жезл Силы нам носящую Цвет, Христа.

Троичен: Славлю Безначальна Бога, Отца и Сына и Святаго Духа, Единосущную Троицу Несозданную, Ейже предстоят Серафими благоговейно, зовуще: Свят, Свят, Свят еси Боже.

Богородичен: Пребезначальное Начало начало приемлет из Тебе, Богородительнице, плотским временем, и пребывает собезначально, и воплощся Слово Отчее, и Духу соприсносущное, сохраняя Божественное достоинство.

Песнь 5

Ирмос: Господи Боже наш, мир даждь нам, Господи Боже наш, стяжи ны, Господи, разве Тебе иного не вемы, Имя Твое именуем.

Пречистое Твое Рождество, Дево Непорочная, несказанное, и зачатие неизглаголанно и рождение Твое, Невесто Неневестная: Бог бо бе весь в мя облекийся.

Днесь да веселятся ангельстии чини, песньми да ликуют сущии из Адама: родися бо Жезл, Цвет возрастивший Христа Единаго, Избавителя нашего.

Днесь Ева разрешается осуждения, разрешается же и неплодство, и Адам древния клятвы, о Рождестве Твоем: Тобою бо от тли избавихомся.

Слава Тебе прославльшему неплодную днесь: родися бо Жезл присноцветущий от обещания, от Негоже прозябе Христос, Цвет жизни нашея.

Троичен: Слава Тебе, Отче Святый, Боже Нерожденне: слава Тебе, Сыне Безлетне, Единородне: слава Тебе, Душе Божественный и Сопрестольный, от Отца происходяй, и в Сыне пребываяй.

Богородичен: Бысть чрево Твое Солнца носило: пребысть чистота Твоя якоже прежде невредима, Дево: Христос бо Солнце, яко от чертога Жених, явися из Тебе.

Песнь 6

Ирмос: Яко воды морския, Человеколюбче, волнами житейскими обуреваюся, темже яко Иона, тако вопию Ти: возведи от тли живот мой, блатоутробне Господи.

Святую святых сущу, целомудреннии родители Твои, Чистая, возложиша Тя в храме Господни воспитатися честно, и уготоватися в Матерь Ему.

Неплоды и матери ликуйте, дерзайте и играйте безчадныя: безчадна бо неплоды Богородицу прозябает, яже избавит от болезней Еву, и клятвы Адама.

Слышу Давида поюща Тебе: приведутся Девы во след Тебе, приведутся в храм Царев. И с ним Тя и аз, Дщерь Цареву, воспеваю.

Поем святое Твое Рождество, чтим и непорочное зачатие Твое, Невесто Богозванная и Дево: славят же с нами Ангелов чини, и святых души.

Троичен: В Тебе Троическое таинство поется, и славится Чистая: Отец бо благоволи, и Слово вселися в Тя, и Божественный Дух Тебе осени.

Богородичен: Златая Кадильница была еси, Огнь бо во утробе Твоей вселися, Слово от Духа Свята, и человеческим зраком в Тебе видеся, Богородительнице Чистая.

Кондак, глас 4

Иоаким и Анна поношения безчадства, и Адам и Ева от тли смертныя свободистася, Пречистая, во святем Рождестве Твоем. То празднуют и людие Твои, вины прегрешений избавльшеся, внегда звати Ти: неплоды раждает Богородицу и Питательницу жизни нашея.

Икос

Молитва купно и воздыхание, неплодства и безчадства, Иоакима же и Анны благоприятное, и во уши Господни вниде, и прозябе Плод живоносен миру. Ов бо молитву на горе творяше: ова же в саде поношение ношаше: но с радостию неплоды раждает Богородицу, и Питательницу жизни нашея.

Песнь 7

Ирмос: Халдейская пещь огнем распаляемая, орошашеся Духом, Божиим предстоянием, отроцы пояху: благословен еси, Боже отец наших.

Празднуем, Чистая, и верно покланяемся святому Твоему Рождеству, поюще Сына Твоего, Имже избавихомся древняго Адамова ныне осуждения.

Ныне Анна веселится, и вопиет хвалящися: неплоды сущи родих Божию Матерь, Еяже ради осуждение Евино разрешися, и яже в печалех болезнь.

Адам свободися, и Ева ликует, и вопиют духом к Тебе Богородице: Тобою избавихомся первородныя клятвы, явльшуся Христу.

О, чрево, вместившее Божие Селение! О, утробо, носившая небес Ширшую, Престол святый, мысленный Кивот Священия.

Троичен: Отца прославим, Сына, и Духа, во Единстве Божества Троицу Пресвятую, Нераздельную, Несозданную, и Соприсносушную, и Единосущную.

Богородичен: Ты Бога Едина родила еси Дево преславно, Ты естество обновила еси Рождеством Твоим, Марие, Ты Еву разрешила еси первородныя клятвы, Богородительнице Чистая.

Песнь 8

Ирмос: Покрываяй водами превыспренняя Своя, полагаяй морю предел песок, и содержай вся, Тя поет солнце, Тя славит луна, Тебе приносит песнь вся тварь, яко Содетелю всех во веки.

Сотворивый преславная неплодней утробе, отверзый Анны нераждающая ложесна, и Плод ей дав, Ты Боже Святый, Ты Сыне Девы, Ты от Сея плоть приял еси, Присноцветущия Девы и Богородицы.

Затворяяй бездну, и отверзаяй ю, возносяй воду во облацех и даяй дождь, Ты давый Господи, от неплоднаго корене прозябнути Анны святыя пречист Плод, и родити Богородицу.

Делателю мыслей наших и Насадителю душ наших, Ты неплодную землю благоплодну показавый, Ты древле сухую, родовиту, благокласну, бразду плодоносну соделал еси Анну святую, Пречист Плод израстити Богородицу.

Приидите вси узрим, яко от чертога мала, Божий Град ныне раждаемый, иже от двери утробныя исход имущую, вход же не ведущу общения: Един Бог Зиждитель Сею пройде стезею странною.

Троичен: О, Троице Присущная, Единице Собезначальная! Тя поет и трепещет множество Ангел, Небо и земля, и бездны ужасаются, человецы благославят, огнь работает, вся послушают Тебе, Троице Святая, со страхом, яже в твари.

Богородичен: О, новейшаго слышания: Бог, Сын Жены! О, безсеменнаго Рождества! Безмужная Мати и Рожденное Бог! О, ужаснаго видения! О, зачатия страннаго Девы! О, несказаннаго Рождества! Истинно паче ума вся, и видения.

Песнь 9

Ирмос: Чужде матерем девство, и странно девам деторождение: на Тебе, Богородице, обоя устроишася. Тем Тя вся племена земная непрестанно величаем.

Достойное, Богомати, Твоея чистоты Рождество наследовала еси, чрез обещание: иногда бо неплодней, Богопрозябен Плод вдалася еси: тем Тя вся племена земная непрестанно величаем.

Исполнися вопиющаго пророчество, глаголет бо: возставлю скинию падшую священнаго Давида, в Тебе Чистая преобразившуюся, Еяже ради всех человеков персть в тело создася Божие.

Пеленам покланяемся Твоим Богородице, славим давшаго Плод прежде неплодней, и отверзшаго ложесна нераждающей преславно. Творит бо вся, елика хощет, Бог Сый Самовластен.

Яко дар Тебе, Богородице, песнопение от Анны рождшейся верно дароносим: матери Матерь, девы же Деву Едину славословяще покланяемся Тебе, поем и славим.

Троичен: Чужде есть беззаконным славити Безначальную Троицу, Отца, и Сына же, и Святаго Духа, несозданное Вседержавство, Еюже мир весь содержится, манием Державы Ея.

Богородичен: Вместила еси во утробе Твоей, Дево Мати Единаго от Троицы Христа Царя, Егоже поет вся тварь, и трепещут вышнии чини: Того моли, Всечистая, спастися душам нашим.

Светилен

От неплодныя днесь Анны Цвет произыде Богородица, вся благовония Божественнаго исполняющи концы мира, и радости всю наполняющи тварь: Юже поюще достойно восхваляем, яко сущу земнородных Превышшую.

АКАФИСТ РОЖДЕСТВУ ПРЕСВЯТОЙ БОГОРОДИЦЫ

Конда́к 1

Избра́нней от челове́ческаго ро́да и ро́ждшейся от непло́дове, Пречи́стей Де́ве Мари́и соста́вим похвалу́, я́ко рождество́м Ея́ нача́ло спасе́ния на́шего бы́сть и прише́ствие в ми́р Изба́вителя возвести́ся. Те́мже ра́достно Е́й возопии́м:

Ра́дуйся, Пречи́стая Де́во, Ма́терию Спаси́теля ми́ра от ве́ка предъизбра́нная.

И́кос 1

А́нгел небе́сный предстоя́й пред Бо́гом, по́слан бы́сть к пра́ведным Иоаки́му и А́нне возвести́ти и́м ра́дость ве́лию, я́ко по непло́дствии свое́м и́мут роди́ти Дще́рь Преблагослове́нную, от Нея́же всему́ ми́ру ра́дость произы́дет. Те́мже и мы́, ра́дости сея́ прича́стницы, похва́льная пе́сни Де́ве воспое́м:

Ра́дуйся, в Тро́ичном Сове́те Ма́терию Сы́на Бо́жия от ве́ка предъизбра́нная;

ра́дуйся, дре́вними проро́ками с патриа́рхи многообра́зне в о́бразех и се́нех прообразова́нная.

Ра́дуйся, вя́щшие пяти́ ты́сящ ле́т от созда́ния ми́ра ве́рными Бо́жиими рабы́, я́ко Ма́терь Изба́вителя ожида́нная;

ра́дуйся, ле́ствицею Иа́ковом ви́денною, Бо́жие к челове́ком снизше́ствие прообразова́вшаго предука́занная.

Ра́дуйся, неопали́мою купино́ю в пусты́ни Сина́йстей Моисе́ом ви́денною, предвозвеще́нная;

ра́дуйся, Чермны́м мо́рем Изра́илю су́х пу́ть да́вшему, фарао́на же потопи́вшему, о́бразне преднапи́санная.

Ра́дуйся, написа́тися на́м в кни́зе Живота́ Ве́чнаго посо́бствующая;

ра́дуйся, Ца́рствия Небе́снаго невозбра́нный вхо́д на́м хода́тайствующая. Ра́дуйся, Пречи́стая Де́во, Ма́терию Спаси́теля ми́ра от ве́ка предъизбра́нная.

Конда́к 2

Ви́дяще пра́веднии Иоаки́м и А́нна я́вльшагося и́м А́нгела, возвеща́юща рождество́ Твое́, Пресвята́я Де́во, возблагодари́ша Бо́га, призре́вшаго отъя́ти поноше́ние безча́дия и́х, и все́м се́рдцем те́пле возопи́ша: Аллилу́иа.

И́кос 2

Ра́зум Боже́ственнаго строи́тельства и на зе́млю снизше́ствия Своего́ Всеблаги́й Госпо́дь испо́лнити начина́я, посла́нием А́нгела Своего́ возвести́ти Иоаки́му и А́нне о рождестве́ Твое́м, Пресвята́я Де́во. Те́мже вопие́м Ти́ хвале́бно:

Ра́дуйся, ра́зума Боже́ственнаго проявле́ние;

ра́дуйся, ди́внаго смотре́ния Его́ исполне́ние.

Ра́дуйся, дре́вле предуста́вленная послужи́ти воплоще́нию Сы́на Бо́жия;

ра́дуйся, от все́х родо́в в жили́ще все́х Царя́ предъизбра́нная.

Ра́дуйся, еще́ в ра́й изрече́нием искуси́телю зми́ю о положе́нии вражды́ между́ те́м и Жено́ю и Се́менем Ея́ предука́занная;

ра́дуйся, по исполне́нии време́н от непло́дове изволе́нием Бо́жиим сла́вне произше́дшая.

Ра́дуйся, ро́д челове́ческий рождество́м Свои́м возвесели́вшая;

ра́дуйся, се́тование ча́явших уте́хи Изра́илевы преложи́вшая.

Ра́дуйся, Пречи́стая Де́во, Ма́терию Спаси́теля ми́ра от ве́ка предъизбра́нная.

Конда́к 3

Си́ла Вы́шняго разреши́ непло́дство заматоре́вшия во дне́х свои́х пра́ведныя А́нны: зача́т бо Тя́, Пречи́стая, и, ча́я Твоего́ рожде́ния, ра́достно поя́ше Бо́гу Изра́илеву хвале́бную пе́снь: Аллилу́иа.

И́кос 3

Иму́щая безму́жно роди́ти Спаси́теля ду́ш и теле́с на́ших, Ты́ и Сама́, я́ко чу́до пред ве́лиим и непостижи́мым чудесе́м, от непло́дных роди́телей сла́вно роди́ся, Пресвята́я Де́во. Те́мже воспева́ем Ти́ си́це:

Ра́дуйся, от ко́рене Иессе́ова и Дави́дова произше́дшая;

ра́дуйся, от непло́дных ложе́сн пра́ведныя А́нны ди́вно прозя́бшая.

Ра́дуйся, проро́чеством Иса́ии пре́жде ле́т дре́вних Де́ва-Ма́терь проявле́нная;

ра́дуйся, по обетова́нию А́нгела рожде́нная.

Ра́дуйся, ски́ниею свиде́ния и Ковче́гом заве́та прообразова́нная;

ра́дуйся, процве́тшим жезло́м Ааро́новым обра́зне прознаменова́нная.

Ра́дуйся, пре́жде рождества́ Твоего́ в Ма́терь Бо́гу-Сло́ву освяще́нная и предугото́ванная;

ра́дуйся, рожде́нием Твои́м ми́р освети́вшая.

Ра́дуйся, Пречи́стая Де́во, Ма́терию Спаси́теля ми́ра от ве́ка предъизбра́нная.

Конда́к 4

Бу́ри поноше́ний челове́ческих о непло́дствии свое́м изба́вльшеся в зача́тии Твое́м, Пресвята́я Де́во, пра́веднии роди́телие Твои́ ра́довахуся, и в че́сть рождества́ Твоего́ учрежде́ние ве́лие творя́ху сро́дником и зна́емым, и ти́и сра́довахуся и́м, вопию́ща Бо́гу, сотво́ршему ми́лость Свою́, хвале́бную пе́снь: Аллилу́иа.

И́кос 4

Слы́шавше окре́стные лю́дие, я́ко дщи́ Иоаки́ма и А́нны нарече́на бы́сть Мари́я, си́есть Госпожа́, проразумева́ху, Пречи́стая, вели́ку и сла́вну Тя́ бы́ти не то́кмо в лю́дех, но и у Бо́га. Мы́ же сбытие́ сего́ до́бре ве́дуще, велича́ем Тя́ си́це:

Ра́дуйся, Пресвята́я Де́во, не от челове́ка, но от А́нгела и́мя Себе́ еще́ пре́жде зача́тия прия́вшая;

ра́дуйся, по и́мени сему́ Госпоже́ю всея́ тва́ри бы́ти сподо́бльшаяся.

Ра́дуйся, я́ко пра́веднии роди́телие Твои́ воздаю́ще Бо́гу благодаре́ние за рожде́ние Твое́, вели́кия да́ры в же́ртву Тому́ принесо́ша;

ра́дуйся, я́ко сро́дником и зна́емым, ку́пно же и убо́гим ве́черю любве́ сотвори́ша.

Ра́дуйся, я́ко от свяще́нников, в до́м роди́телей Твои́х на торжество́ позва́нных, благослове́на еси́;

ра́дуйся, я́ко от все́х на весе́лие о́но собра́вшихся, похвале́на и просла́влена была́ еси́.

Ра́дуйся, вы́ше вся́кия че́сти и похвалы́ я́вльшаяся;

ра́дуйся, Ма́терию Бо́га-Сло́ва бы́ти сподо́бльшаяся.

Ра́дуйся, Пречи́стая Де́во, Ма́терию Спаси́теля ми́ра от ве́ка предъизбра́нная.

Конда́к 5

Боготе́чная звезда́, возвеща́ющая прише́ствие Со́лнца Пра́вды, Христа́ Бо́га на́шего, в рождестве́ Твое́м яви́ся, о, Пресвята́я Де́во; те́мже лю́дие Бо́жии, прише́ствия Изба́вителя ве́рою ча́явшии, ви́дяще Тя́ чу́дно от непло́дове ро́ждшуюся, та́инственно возвесели́шася и возопи́ша: Аллилу́иа.

И́кос 5

Ви́девши пра́веднии Иоаки́м и А́нна ро́ждшуюся от ни́х Богоотрокови́цу Мари́ю, о Не́йже А́нгел Бо́жий не́кая чу́дная и ди́вная те́м провозвести́, я́ко киво́ту Бо́жию, То́й послужи́ша, воспитава́юще и храня́ще Ю́, я́коже зе́ницу о́ка. Те́мже и мы́ похваля́юще Богоотце́в, сподо́бившихся роди́тельми бы́ти таковы́я Дще́ри, Де́ве Мари́и ра́достно воспева́ем:

Ра́дуйся, Пречи́стая Де́во, я́ко по рождестве́ Твое́м роди́телие Твои́ вельми́ возликова́ху;

ра́дуйся, я́ко в явле́нии Твое́м в ми́р А́нгели и челове́цы согла́сно возра́довахуся.

Ра́дуйся, я́ко о Тебе́ вси́ проро́цы многообра́зне предглаго́лаху;

ра́дуйся, я́ко еди́н от ни́х Врата́ми затворе́нными, и́н же Горо́ю преосене́нною Тя́ именова́ху.

Ра́дуйся, я́ко вся́ пресла́вная дре́вле та́инственно о Тебе́ предглаго́лано бы́ша;

ра́дуйся, я́ко Градо́м и Селе́нием Бо́жиим псало́мская уста́ Тя́ наименова́ша.

Ра́дуйся, седмосве́щным свети́льником, я́ко седмию́ дара́ми Свята́го Ду́ха испо́лнена бы́ти име́вшая, предука́занная;

ра́дуйся, позлаще́нною трапе́зою с хле́бами предложе́ния, я́ко Хле́б Жи́зни, Христа́, роди́ти име́вшая, предука́занная.

Ра́дуйся, Пречи́стая Де́во, Ма́терию Спаси́теля ми́ра от ве́ка предъизбра́нная.

Конда́к 6

Пропове́дник богоно́сных веща́ния и глаго́лы исполня́я, изволе́нием Зижди́теля тва́ри на земли́ яви́лася еси́, Пресвята́я Де́во, естества́ на́шего цве́те, Ада́ма же и Е́вы воззва́ние и на пе́рвую добро́ту возведе́ние. Те́мже вси́ ве́рнии в рождестве́ Твое́м ра́дость обре́тши, духо́вно торжеству́ющим, пою́ще ди́вному в Сове́те Свое́м Бо́гу на́шему: Аллилу́иа.

И́кос 6

Возсия́ в рождестве́ Твое́м, Пречи́стая, заря́ спасе́ния на́шего, во исполне́ние Боже́ственнаго смотре́ния, и́мже еди́на Ты́ от все́х родо́в досто́йна яви́лася еси́ пло́ть заимода́ти Зижди́телю Твоему́, прише́дшему спасти́ ро́д на́ш от дре́вния пра́отеческия кля́твы. Сего́ ра́ди взыва́ем Ти́ си́це:

Ра́дуйся, Ада́ма и Е́вы воззва́ние;

ра́дуйся, дре́вния кля́твы разреше́ние.

Ра́дуйся, сено́внаго зако́на коне́ц и но́выя благода́ти нача́ло;

ра́дуйся, промышле́ния Боже́ственнаго Таи́нница и на де́лания блага́я на́с при́сно наставля́ющая.

Ра́дуйся, еди́на во все́х ро́дех досто́йно обре́тшаяся бы́ти Ма́терию Бо́га-Сло́ва;

ра́дуйся, и на́м но́вым во Христе́ лю́дем духо́вная Ма́ти я́вльшаяся.

Ра́дуйся, Ма́терним Твои́м попече́нием николи́же на́с оставля́ющая;

ра́дуйся, в сы́ны и дще́ри Сы́ну Твоему́ досто́йны и благоуго́дны на́с приуготовля́ющая.

Ра́дуйся, Пречи́стая Де́во, Ма́терию Спаси́теля ми́ра от ве́ка предъизбра́нная.

Конда́к 7

Хотя́ще обе́ты своя́ Го́сподеви возда́ти, пра́веднии роди́телие Твои́, Пресвята́я Де́во, триле́тствующую Тя́ отрокови́цу приведо́ша в хра́м Госпо́день со сла́вою и ра́достию мно́гою, первосвяще́нник же (Заха́рия), Ду́хом Бо́жиим объя́тый, введе́ Тя́ во Свята́я Святы́х, я́же проо́бразом то́кмо бы́ша Твоея́ Святы́ни. Ты́ бо вмести́ла в Себе́ не киво́т Заве́та, но святы́х Святе́йшаго Сы́на Бо́жия, во утро́бе Твое́й де́вственней пло́ть восприя́вшаго. Ему́же Ты́ с ли́ки деви́ческими вы́ну воспева́ла еси́: Аллилу́иа.

И́кос 7

Но́вое и пресла́вное промышле́ние Боже́ственное бы́сть о Тебе́, Де́во Мари́е. В хра́ме бо Бо́жием жи́тельствующи пи́щу от ру́к А́нгельских принима́ла еси́, Пресвята́я. Те́мже мо́лим Тя́: напита́й на́с пи́щею благода́тною, да возрасте́м духо́вно в му́жа соверше́нна и Тебе́, Всецари́це, похва́льная возопие́м:

Ра́дуйся, преукраше́нная доброде́тельми, Отрокови́це, в хра́ме Бо́жием жи́ти и А́нгелом Собесе́днице бы́ти сподо́бльшаяся;

ра́дуйся, посыла́вшуюся Тебе́ Бо́гом пи́щу от А́нгелов во Свята́я Святы́х принима́вшая.

Ра́дуйся, небе́сным хле́бом во хра́ме чуде́сно воспита́нная;

ра́дуйся, к вели́кому та́инству воплоще́ния Сы́на Бо́жия та́мо предугото́ванная.

Ра́дуйся, я́ко повеле́нием Бо́жиим А́нгели на земли́ Тебе́ усе́рдно служа́ху;

ра́дуйся, я́ко ти́и ны́не на Небесе́х, я́ко Цари́це, благогове́йно Тебе́ слу́жат.

Ра́дуйся, я́ко и мы́ недосто́йнии пе́сньми хвале́бными при́сно Тя́ велича́ем;

ра́дуйся, я́ко и ро́ждших Тя́ Богоотце́в всегда́ ублажа́ем и в моли́твах и́х призыва́ем.

Ра́дуйся, Пречи́стая Де́во, Ма́терию Спаси́теля ми́ра от ве́ка предъизбра́нная.

Конда́к 8

Стра́нное рождество́ Пречи́стыя Де́вы ви́девше, устрани́мся су́етнаго ми́ра, у́м на Небеса́ прело́жше, иде́же Богома́терь во сла́ве предстои́т Сы́ну Своему́ и Бо́гу, хода́тайствующи пред Ни́м о все́х ве́рных, всесла́вное рождество́ Ея́ (и в хра́м введе́ние) любо́вию пра́зднующих и вопию́щих Бо́гу: Аллилу́иа.

И́кос 8

Вся́ тва́рь в рождестве́ Твое́м, Пречи́стая, обре́те ра́дость, печа́ль праоте́ческую потребля́ющую: произше́дшим бо от Тебе́ Христо́м Бо́гом, па́дшее во гре́х преслуша́ния естество́ на́ше от паде́ния воста́ и па́ки любе́зно Зижди́телю сотвори́ся. Те́мже уми́льно Ти́ взыва́ем:

Ра́дуйся, всеми́рныя ра́дости предвозвеще́ние;

ра́дуйся, та́инство от ве́ка сокрове́ннаго явле́ние.

Ра́дуйся, Е́юже паде́ния воста́хом;

ра́дуйся, Е́юже пре́жде отринове́нное естество́ на́ше и́стее Бо́гу присво́ися.

Ра́дуйся, Е́юже Иоаки́м и А́нна поноше́ния безча́дия свободи́шася;

ра́дуйся, Е́юже безпло́дие серде́ц на́ших в благопло́дие примени́ся.

Ра́дуйся, Е́юже оби́лие бла́г ве́чных ве́рным от Го́спода подае́тся.

Ра́дуйся, Пречи́стая Де́во, Ма́терию Спаси́теля ми́ра от ве́ка предъизбра́нная.

Конда́к 9

Вси́ А́нгели Бо́жии не ве́девшии та́йны Боговочелове́чения в Сове́те Триипоста́снаго Божества́ от ве́ка сокрове́нныя и напосле́док Де́вою Мари́ею явле́нныя, вельми́ удивле́ни бы́ша, зря́ще, ка́ко Дщи́ Иоаки́ма и А́нны необы́чно естеству́ же́нскому, во Свята́я Святы́х введе́ся. Те́мже недоуме́нием объя́ти бы́вше, благогове́йно вопия́ху: Аллилу́иа.

И́кос 9

Вети́я дре́внейший, всему́дрый в царе́х Изра́илевых Соломо́н, прови́дя рождество́ Твое́, Пречи́стая, в Пе́снех Пе́сней со удивле́нием возглаша́ша: “Кто́ Сия́, проница́ющая, а́ки у́тро, добра́, я́ко луна́, избра́нна, я́ко со́лнце”. Те́мже Це́рковь ликовству́ющи в пра́зднице Твое́м, ве́село Тебе́ вопие́т:

Ра́дуйся, невече́рняго дне́ Богове́дения у́тро светле́йшее, в зако́нней се́ни, я́ко во мра́це, возсия́вшее;

ра́дуйся, солнцеобра́зная Де́во, и́стинное Со́лнце — Христа́, де́вственным воплоще́нием в ми́р вве́дшая и те́м вся́ просвети́вшая.

Ра́дуйся, светови́дная стихи́я, су́щественно прия́вшая Бо́га, живу́щаго во све́те непристу́пнем;

ра́дуйся, Свои́м ма́лым чре́вом объя́вшая Безпреде́льнаго, вся́ концы́ вселе́нныя объе́млющаго.

Ра́дуйся, по́лная луно́, све́т боже́ственный непосре́дственно восприе́млющая и на́с те́м озаря́ющая;

ра́дуйся, чисте́йшее зерца́ло, в не́мже мно́гая соверше́нства Бо́жия чу́дно и ве́рно изобража́ются.

Ра́дуйся, соверше́нством Твои́х доброде́телей и на́с к тому́ же подвиза́ющая;

ра́дуйся, немощны́я на́ши си́лы к творе́нию до́брых де́л подкрепля́ющая.

Ра́дуйся, Пречи́стая Де́во, Ма́терию Спаси́теля ми́ра от ве́ка предъизбра́нная.

Конда́к 10

Спасти́ хотя́ ро́д челове́ческий от перворо́дныя кля́твы, ди́вное смотре́ния Своего́ та́инство сотвори́ Госпо́дь: избра́ бо Тя́, Пречи́стая, от ро́да Авраа́мля и Дави́дова, и от Тебе́ безсе́менно воплоти́тися благоизво́ли, преше́д уста́вы естества́, но и тя́ произведе́ от заматоре́вша и непло́дна ко́рене Иоаки́ма и А́нны пра́ведников. Те́мже рождество́ Твое́ (и в хра́м вхожде́ние) дне́сь пра́зднующи и ро́ждших Тя́ пе́сньми восхваля́ющи, вопие́м Бо́гу: Аллилу́иа.

И́кос 10

Царю́ Небе́сный, спасе́ния на́шего ра́ди хотя́ на земли́ яви́тися и с челове́ки пожи́ти, черто́г свя́т воплоще́ния Своего́, Тя́, Пречи́стая, предугото́ва, пода́в пло́д безча́дной А́нне, сле́зно с супру́жником Свои́м, моли́вшимся о разреше́нии своего́ непло́дства. Те́мже мо́лим Тя́, Богома́ти: разреши́ непло́дие ду́ш на́ших, да возмо́жем принести́ Бо́гу пло́д благи́х де́л доброде́тели, взыва́юще Ти́ си́це:

Ра́дуйся, пресве́тлый Черто́же безсе́меннаго Бо́жия воплоще́ния;

ра́дуйся, одушевле́нная Пала́то, в жили́ще все́х Царя́ предугото́ванная.

Ра́дуйся, светле́йший о́блаче, и́мже Седя́щий на престо́ле Божества́ к на́м сни́де;

ра́дуйся, Посре́днице зако́на и благода́ти, запечатле́ние Ве́тхаго и Но́ваго Заве́тов.

Ра́дуйся, неувяда́емая Лозо́, прекра́сный цве́т — Спаси́теля ми́ра, произрасти́вшая;

ра́дуйся, благово́нное я́блоко, от непло́дове произра́стшее и Христу́ благоуго́дно я́вльшееся.

Ра́дуйся, и на́с, певце́в Твои́х, благоуго́дны Христу́ предста́вити тща́щаяся;

ра́дуйся, я́ко и на́с, безпло́дны су́щих де́лы благи́ми, не лиша́еши духо́внаго утеше́ния.

Ра́дуйся, Пречи́стая Де́во, Ма́терию Спаси́теля ми́ра от ве́ка предъизбра́нная.

Конда́к 11

Пе́снь хвале́бную рождеству́ Твоему́ (и в хра́м введе́нию) принося́щих не отри́ни, Влады́чице Блага́я, но ро́ждших Тя́ ра́ди, благоцве́тлива на́м бу́ди, моля́щи о на́с Сы́на Твоего́ и Бо́га на́шего, да пода́ст грехо́в проще́ние и жития́ исправле́ние, е́же в покая́нии сле́зном вы́ну благода́рно воспева́ем Ему́: Аллилу́иа.

И́кос 11

Светоприе́мная и преми́рная Боже́ственнаго све́та Свеща́, единоро́дная Дще́рь Иоаки́ма и А́нны, предъизбра́нная в Ма́терь Единоро́дному Сы́ну Бо́жию, дне́сь от непло́дове пресла́вно произы́де, и просвеща́ет все́х рождество́ Ея́ (и в хра́м вхожде́ние) ве́рно пра́зднующих и благогове́йно взыва́ющих:

Ра́дуйся, светоза́рная Свеще́, Боже́ственным пла́менем возжже́нная;

ра́дуйся, и на́с те́м благода́тно просвеща́ющая и согрева́ющая.

Ра́дуйся, та́инственная Клеще́, У́гль Боже́ственный Христа́ Го́спода во утро́бе и на рука́х Твои́х носи́вшая;

ра́дуйся, и на́с в Та́инстве Причаще́ния приима́ти Того́ сподобля́ющая.

Ра́дуйся, живы́й и преукраше́нный Хра́м Госпо́день, о Не́мже пое́т Дави́д: “Свя́т Хра́м Тво́й, ди́вен в пра́вде”;

ра́дуйся, Кади́льнице Свята́я, не фимиа́м, в возду́хе разлива́ющийся, но Христа́, ве́чное благово́ние в Себе́ вмести́вшая, и всю́ тва́рь те́м облагоуха́вшая.

Ра́дуйся, Престо́ле, превознесе́нный со сла́вою, одушевле́нное седа́лище Вели́каго Царя́, на́шего же Спаси́теля и Го́спода;

ра́дуйся, Цари́це Небесе́ и земли́, с Сыно́м Твои́м и Бо́гом ве́чно ца́рствующая и на́с, убо́гих, не забыва́ющая.

Ра́дуйся, Пречи́стая Де́во, Ма́терию Спаси́теля ми́ра от ве́ка предъизбра́нная.

Конда́к 12

Благода́ти па́че, не́же естества́ де́йство прояви́ся в рождестве́ Твое́м, Пречи́стая; моли́тву бо безча́дных роди́телей Твои́х, Госпо́дь услы́шав, подаде́ Тя́ и́м в утеше́ние, я́коже Авраа́му и Са́рре Исаа́ка, восхоте́в вку́пе и Своего́ смотре́ния та́инство на Тебе́ соверши́ти и угото́вати Тя́ в Ма́терь Единоро́дному Сы́ну Своему́, обетова́нному на́шему Искупи́телю. Ему́же благода́рно пое́м: Аллилу́иа.

И́кос 12

Пою́ще сла́вное Твое́ от непло́дове рожде́ние (и в хра́м Госпо́день введе́ние), хва́лим Тя́ Пречи́стая, я́ко Таи́нницу Бо́жия о на́с спаси́тельнаго смотре́ния, воплоще́нием от Тебе́ Бо́га-Сло́ва явле́ннаго, и вопие́м Ти́ си́це:

Ра́дуйся, чи́стая Но́ева Голуби́це, рождество́м Твои́м преста́тие пото́ка сме́ртнаго возвести́вшая;

ра́дуйся, ве́твь благове́стия Христа́ Спаси́теля погиба́вшему грехо́м ро́ду челове́ческому прине́сшая.

Ра́дуйся, еди́на блаже́нная в жена́х, послуша́нием Твои́м Бо́гу преслуша́ние прама́тери Е́вы испра́вившая;

ра́дуйся, печа́ль Ада́ма и про́чих пра́отцев, (истоми́вшихся ожида́нием прише́ствия Изба́вителя) рождество́м Твои́м в ра́дость преложи́вшая.

Ра́дуйся, я́ко рождество́ Твое́ ра́дость возвести́ все́й вселе́нной;

ра́дуйся, я́ко в рождестве́ Твое́м ма́тери ра́дуются и непло́ды веселя́тся (ве́дуще, я́ко и Ты́ от непло́дове произошла́ еси́).

Ра́дуйся, я́ко и все́х рождество́ Твое́ (и в хра́м вхожде́ние) ве́рно и благоче́стно пра́зднующих сподобля́еши благода́тнаго весе́лия;

ра́дуйся, с Сыно́м Твои́м, одесну́ю Отца́ во сла́ве Его́, спосади́ти на́с, Его́ мно́го умоля́ющая.

Ра́дуйся, Пречи́стая Де́во, Ма́терию Спаси́теля ми́ра от ве́ка предъизбра́нная.

Конда́к 13

О, Всепе́тая и Пречи́стая Ма́ти Де́во, приими́ сие́ на́ше хвале́бное пе́ние в че́сть пресла́внаго рождества́ Твоего́ (и в хра́м введе́ния) приноси́мое, и возроди́ в на́с жела́ние бла́г ве́чных, вку́пе же и изба́ви на́с, Це́рковь Твою́ Святу́ю, Оте́чество на́ше и оби́тели и́ноческия от вся́ких бе́д и напа́стей, от враго́в ви́димых и неви́димых, и бу́дущия изми́ му́ки и Небе́снаго Ца́рствия на́с сподо́би, да во ве́ки веко́в о Тебе́ вопие́м: Аллилу́иа.

Этот конда́к чита́ется три́жды, зате́м и́кос 1 и конда́к 1.