18 Июля ЧЕТВЕРГ Седмица 5-я по Пятидесятнице Поста нет. Глас 3-й

Подробности: Создано 18.07.2019 17:39; Дата публикации; Родительская категория: НОВОСТИ, БОГОСЛУЖЕНИЕ,СВЯТЫЕ ДНЯ; Просмотров: 1477

18 июля 2019 года память. Прп. Афана́сия, игумена Афонского (1000); Обре́тение честных мощей прп. Се́ргия, игумена Радонежского, всея России чудотворца (1422).

Мцц. А́гнии (А́нны) девы и Кири́ллы (Кипри́ллы) Киринейской (304); прп. Лампа́да Иринопольского (X).

Сщмч. Генна́дия Здоровцева, пресвитера, прмцц. вел. кн. Елисаветы и инокини Варва́ры (Яковлевой)(1918); исп. Агапи́та (Таубе), монаха (1936).

Икона Божией Матери: «Экономисса» («Домостроительница»).

Дивен Бог во святых Своих! Прославляя Своих избранников, Он через них же устрояет и наше спасение.

В трудные для Церкви времена, когда благопотребна была особенная помощь Божия к укреплению веры православной в сердцах людских или когда нечестие людское грозило подавить собою благочестие и веру, в такие трудные времена Бог нарочито посылал особых избранников Своих, которые, будучи преисполнены благодати Божией, своей дивной жизнью, своим смирением привлекали к себе сердца людей и делались наставниками и руководителями в духовной жизни для всех.

Одним из таких великих избранников Божиих был преподобный Сергий, дарованный Богом земле Русской именно в такое тяжкое время, когда татары заполонили почти все пределы ее, когда междоусобия князей доходили до кровавых побоищ, когда эти усобицы, бесправие, татарское насилие и грубость тогдашних нравов грозили русскому народу совершенной гибелью. Полтораста с лишком лет томилась многострадальная Русь под тяжелым игом татарским. И вот наконец призрел Господь Бог мольбы Руси Православной – приближался час освобождения, в котором Сергий явился истинным печальником родной земли.

Но чтобы сбросить варварское иго и ввести инородцев в ограду Христианской Церкви, для этого нужно было приподнять и укрепить нравственные силы, приниженные вековым порабощением и унынием. Этому нравственному воспитанию народа и посвятил свою жизнь преподобный Сергий. Самым сильным средством, доступным и понятным тому веку, был живой пример, наглядное осуществление нравственного правила. Он начал с самого себя и продолжительным уединением, исполненным трудов и лишений среди дремучего леса, приготовился быть руководителем других пустынножителей. Жизнеописатель, сам живший в братстве, воспитанном Сергием, живыми чертами описывает, как оно воспитывалось, с какой постепенностью и любовью к человеку, с каким терпением и знанием души человеческой. На страницах древнего жития повествуется о том, как Сергий, начав править собиравшейся к нему братией, был для нее поваром, пекарем, мельником, дровоколом, портным, плотником, каким угодно трудником, служил ей, как раб купленный, по выражению жития, ни на один час не складывал рук для отдыха; как потом, став настоятелем обители и продолжая ту же черную хозяйственную работу, он принимал искавших у него пострижения, не спускал глаз с каждого новичка, возводя его со степени на степень иноческого искуса, указывал дело всякому по силам, ночью дозором ходил мимо келлий, легким стуком в дверь или окно напоминал празднословящим, что у монаха есть лучшие способы проводить досужее время, а поутру осторожными намеками, не обличая прямо, не заставляя краснеть, «тихой и кроткой речью» вызывал в них раскаяние без досады. В этом повествовании видно практическую школу благонравия, в которой сверх религиозно-иноческого воспитания главными житейскими науками были уменье отдавать всего себя на общее дело, навык к усиленному труду и привычка к строгому порядку в занятиях, помыслах и чувствах. Наставник вел ежедневную терпеливую работу над каждым отдельным братом, над отдельными особенностями каждого брата, приспособляя их к целям всего братства. Наблюдение и любовь к людям дали умение тихо и кротко настраивать душу человека и извлекать из нее, как из хорошего инструмента, лучшие ее чувства.

Так воспитывалось дружное братство, производившее, по современным свидетельствам, глубокое назидательное впечатление на мирян. Мир приходил к монастырю, пытливым взглядом смотрел на чин жизни, и то, что он видел, быт и обстановка пустынного братства, поучали его самым простым правилам, которыми крепко людское христианское общежитие. В монастыре все было бедно и скудно или, как выразился разочарованно один мужичок, пришедший в обитель преподобного Сергия повидать прославленного величественного игумена, «все худостно, все нищетно, все сиротинско». Случалось, все братия по целым дням сидели чуть не без куска хлеба. Но все были дружны между собой и приветливы к пришельцам, во всем следы порядка и размышления, каждый делал свое дело, каждый работал с молитвой, и все молились после работы. Во всех чуялся скрытый огонь, который без искр и вспышек обнаруживался живительной теплотой, обдававшей всякого, кто вступал в эту атмосферу труда, мысли и молитвы. Мир видел все это и уходил ободренный и освеженный. Пятьдесят лет делал свое тихое дело преподобный Сергий в Радонежской пустыни; целые полвека приходившие к нему люди вместе с водой из его источника черпали в его пустыни утешение и ободрение и, воротясь в свой круг, по каплям делились им с другими. И эти капли нравственного влияния, подобно закваске, вызывающей живительное брожение, западая в массы, незаметно изменяли направление умов, перестраивали весь нравственный строй души русского человека XIV века.

Преподобный Сергий примером своей святой жизни, самой возможностью такой жизни дал почувствовать заскорбевшему народу, что в нем еще не все доброе погасло и замерло, помог ему заглянуть в свой собственный внутренний мрак и разглядеть там еще тлевшие искры того же огня, которым горел сам он. И народ, привыкший дрожать при одном имени татарина, собрался наконец с духом, встал на поработителей и не только нашел в себе мужество встать, но и пошел искать татарские полчища в открытой степи и там повалился на врагов несокрушимой стеной, похоронив их под своими многотысячными костями.

Чувство нравственной бодрости, духовной крепости, которое преподобный Сергий вдохнул в русское общество, еще живее и полнее воспринималось русским монашеством. В жизни русских монастырей со времени Сергия начался замечательный перелом: заметно оживилось стремление к иночеству. Древнерусское монашество было точным показателем всего мирского общества: стремление покинуть мир усиливалось не от того, что в миру скоплялись бедствия, а по мере того, как в нем возвышались нравственные силы. Преподобный Сергий со своей обителью и своими учениками был образцом и начинателем в этом оживлении монастырской жизни, «начальником и учителем всем монастырям, иже в Руси», как называет его летописец. Он уподобил и продолжает уподоблять своей духовной природе и всех близко соприкасающихся с ним людей. Он напитал своим крепким духом целые сонмы, целые поколения монашествующих. До 70-ти монастырей было основано его учениками и учениками его учеников; его духовное потомство было одной из главных духовных сил, содействовавших духовному претворению разных полуязыческих племен, раскинутых по пространству Северной и Средней России, в одно целое великорусское племя, объединенное, одушевленное, скрепленное духом Православия. И наши летописцы имели полное основание именовать преподобного Сергия игуменом всея Руси, и Святая Церковь достойно и праведно величает его возбранным воеводою Русской земли!

Родиной преподобного Сергия была земля Ростовская, поэтому «он вышел из нас, был плоть от плоти нашей и кость от костей наших, а поднялся на такую высоту, о которой мы и не чаяли, чтобы она кому-нибудь из наших была доступна». А преподобный прошел общим путем скорбей и подвига крестного прежде, чем явился тем дивным благодатным мужем, каким мы видим его в последние годы жизни. Сбылось дивное обетование Господа: Аще кто любит Мя, слово Мое соблюдет; и Отец Мой возлюбит его, и Аз возлюблю его, и к нему приидем и обитель у него сотворим (Ин.14,21-23). Преподобный Сергий опытно познал тайну Живоначальной Троицы, потому что жизнью своей соединился с Богом, приобщился к самой жизни Божественной Троицы, то есть достиг возможной на земле меры обожения, став причастником Божеского естества (2Пет.1,4). И в душе его «сотворила обитель» Святая Троица; он сам сделался «обителью Святой Троицы», и всех, с кем общался преподобный, он возводил и приобщал к ней. Справедливо замечает его ученик и описатель жития его, что Сергий был «яко един от древних великих отцев». За свою крепкую веру он удостоился лицезреть камня веры – Петра; за свою девственную чистоту – девственника и друга Христова Иоанна, а за свое величайшее смирение – смиреннейшую из земнородных Владычицу мира, Пресвятую Богородицу. В смиренном сердце подвижника тихо сиял неизреченный свет благодати Божией, согревая все его духовное существо. Ему преизобильно сообщены были все дары Божии: и дар чудотворений, и дар пророчества, и дар утешения и назидания, совета и разума духовного. Для его духовного взора как бы не существовало ни преград вещественных, ни расстояния, ни самого времени: он видел далече отстоящее яко близ сущее, зрел будущее как бы настоящее. За святость жития своего он был почти от всех любим и почитаем и уважаем более, чем сколько позволило это его тогдашнее смиренное состояние. Многое множество приходило к нему из разных стран и городов, и в числе приходивших были и иноки, и князья, и вельможи, и простые люди, «на селе живущие».

Как корабль, обремененный множеством сокровищ, тихо приближается к доброму пристанищу, так богоносный Сергий приближался к исходу из сей временной жизни. Вид смерти не страшил его, потому что он готовился к ней подвигами всей своей жизни. Ему было уже за 70 лет. Непрестанные труды изнурили его старческие силы, но он никогда не опускал ни одной службы Божией и «чем больше состаревался возрастом, тем больше обновлялся усердием», подавая собою юным поучительный пример.

За полгода до кончины великий подвижник удостоился откровения о времени своего отшествия к Богу. Он созвал к себе братию и в присутствии всех передал управление обителью присному ученику своему преподобному Никону (память 17/30 ноября), а сам начал безмолвствовать. Наступил сентябрь 1391 года, и преподобный старец тяжко заболел... Еще раз собрал он вокруг себя всех учеников своих и еще раз простер к ним свое последнее поучение.

Сколько простоты и силы в этом предсмертном поучении умирающего отца иноков! Сколько любви к тем, которых оставляет! Он желал и заповедал, чтобы его духовные дети шли тем же путем к Царству Небесному, каким шествовал он сам в продолжение всей своей жизни. Прежде всего он учил их пребывать в православии: «основанием всякого доброго дела, всякого доброго намерения, по учению слова Божия, должна быть вера; без веры угодить Богу невозможно. Но вера православная, основанная на учении апостолов и отцов, чуждая высокомудрствования, которое часто ведет к маловерию и неверию и сбивает с пути спасения». Далее преподобный завещал братии хранить единомыслие, блюсти чистоту душевную и телесную и любовь нелицемерную, советовал удаляться от злых похотей, предписывал умеренность в пище и питии, смирение, страннолюбие и всецелое искание горнего, небесного, с презрением суеты житейской. Он многое напомнил им из того, что говорил прежде, и наконец заповедал не погребать его в церкви, а положить на общем кладбище, вместе с прочими усопшими отцами и братиями.

Безмолвно стояли с поникшими главами скорбящие чада Сергиевы и с болью сердечной внимали последним наставлениям любимого старца. Особенно грустно им было слышать последнюю волю своего смиренного игумена относительно места его последнего покоя. Один вид могилы его в храме Божием среди собора молящихся братий мог бы служить для них некоторым утешением. Но старец не желал этого, а ученики не хотели огорчать его смирение своим противоречием, и всякое слово невольно замирало на их устах. «Не скорбите, чада мои, – с любовью утешал их старец, – я отхожу к Богу, меня призывающему, и вас поручаю Всемогущему Господу и Пречистой Его Матери: Она будет вам прибежищем и стеной от стрел вражиих!».

Перед самым исходом души своей старец пожелал в последний раз приобщиться Пречистого Тела и Крови Христовых. Весь исполненный благодатного утешения, он возвел горе свои слезящиеся от радости очи и еще раз, при помощи учеников, простер к Богу свои преподобные руки... «В руце Твои предаю дух мой, Господи!» – тихо произнес святой старец и в дыхании сей молитвы отошел чистой своей душой ко Господу, Которого от юности возлюбил.

Это было 25 сентября 1392 года. Лишь только преподобный Сергий испустил последний вздох, несказанное благоухание разлилось по его келлии. Лицо усопшего праведника сияло небесным блаженством, и смерть не посмела наложить свою мрачную печать на светолепный лик новопреставленного старца Божия.

Немедленно старейшие из братии отправились в Москву со скорбной вестью к митрополиту Киприану. Они сообщили ему как завещание старца о месте погребения, так и усердное желание всей братии положить его в церкви Пресвятой Троицы, им самим созданной, и просили его архипастырского о том распоряжения. И святитель не затруднился благословить их на погребение смиренного игумена в церкви, хотя сам он не желал того. Весть о его преставлении привлекла в обитель множество народа не только из окрестных селений, но и из ближайших городов. Каждому хотелось приблизиться и прикоснуться если не к самому телу богоносного старца, то, по крайней мере, ко гробу его. Тут были и князья, и бояре, почтенные старцы-игумены, и честные иереи столицы, и множество иноков, кто со свечами, кто с кадилами и святыми иконами, провожая святые останки блаженного старца к месту последнего их упокоения. И похоронили его у правого клироса в церкви Пресвятой Троицы.

Трогательными чертами изображает скорбь осиротевших учеников Сергиевых блаженный описатель жития его, сам свидетель и участник этой скорби. «Все сетовали, – говорил он, – все плакали, воздыхали, ходили с поникшей головой». И в горести души своей часто приходили они на могилу старца, и здесь в слезной молитве припадали к его мощам святым, и беседовали с ним, как бы с живым, поверяя ему скорбь свою. «О, святче Божий, угодниче Спасов, избранниче Христов! – говорили они. – О, священная главо, преблаженный авва Сергие Великий! Не забуди нас, убогих рабов твоих, не забуди нас, сирот своих; поминай нас всегда во святых своих и благоприятных молитвах ко Господу, поминай стадо, тобою собранное. Молись за нас, отче священный, за детей твоих: ты имеешь дерзновение у Царя Небесного, – не промолчи же, вопия за нас ко Господу! Тебе дана благодать за нас молитися... Мы не считаем тебя умершим, нет! Хотя телом ты и преставился от нас, но дух твой с нами; не отступи же от нас, пастырь наш добрый».

Так оплакивали святые ученики святого старца, так крепко веровали они в его благодатное сопребывание духом с ними. И по вере их угодник Божий не оставлял их без утешения. Так, однажды благочестивый инок Игнатий видел наяву во время всенощного бдения, что преподобный Сергий стоит на своем месте игуменском и поет вместе с братией. Это видение было как бы ответом любвеобильного старца своим присным ученикам из загробного мира, ответом на их сердечный молитвенный плач над гробом его.

5/18 июля – Обретение мощей

Спустя 30 лет по преставлении преподобного Сергия Бог благоволил явить миру сокровище святыни. Незадолго перед построением нового храма во имя Живоначальной Троицы преподобный Сергий явился одному благочестивому мужу, жившему близ обители, и повелел возвестить игумену и братии: «Вскую мя остависте толико время во гробе, землею покровена, воде утесняющей тело мое?». И преподобный Никон, приступая к созданию каменного храма, в присутствии крестного сына Сергиева, князя Звенигородского и Галичского Юрия Димитриевича, при копании рвов обрел и изнес из земли мощи отца своего 5 июля 1422 года. При открытии гроба разлилось благоухание необыкновенное. И не только тело чудотворца оказалось нетленным, но и одежды его были невредимы, хотя с обоих сторон гроба стояла вода. Мощи на время были поставлены в деревянной Троицкой церкви (на том месте находится теперь церковь Сошествия Святаго Духа.) Каменный храм, как место покоя великого Сергия, созидался и украшался с благоговейной любовью и с усердными молитвами. Над украшением сего святилища потрудились преподобные иконописцы Даниил и Андрей Рублев (память 4/17 июля). При освящении в 1426 году каменного Троицкого собора святые мощи были перенесены в него. И доныне стоит этот храм Никонова строения, не потрясаемый веками, и освящает молящихся, и руки нечестивых доныне не прикасались к нему.

Все нити духовной жизни Русской Церкви сходятся к великому Радонежскому угоднику и чудотворцу, по всей Православной России благодатные животворящие токи распространяются от основанной им Троицкой обители. Духовный вклад преподобного Сергия в богословское учение о Святой Троице особенно велик, ибо он глубоко прозирал сокровенные тайны «умными очами» подвижника – в молитвенном восхождении к Триипостасному Богу, в опытном богообщении и богоуподоблении.

Радонежский подвижник, его ученики и собеседники обогатили Русскую и Вселенскую Церковь новым богословским и литургическим ведением и видением Живоначальной Троицы, Начала и Источника жизни, являющей Себя миру и человеку в соборности Церкви, братском единении и жертвенной искупительной любви ее пастырей и чад.

Духовным символом собирания Руси в единстве и любви исторического подвига народа стал храм Живоначальной Троицы, воздвигнутый преподобным Сергием «чтобы постоянным взиранием на Нее побеждался страх ненавистной розни мира сего». «Ненавистная рознь», раздоры и смятения мирской жизни преодолевались иноческим общежитием, насажденным преподобным Сергием по всей Руси. Обитель преподобного Сергия стала для Русской Церкви образцом восстановления первозданного единства и святости человеческой природы, которая была создана Творцом по образу Божественного Триединства. В ней воспитались святые, принесшие затем начертание истинного пути Христова в отдаленные пределы. Во всех своих трудах и деяниях прп. Сергий и его ученики воцерковляли жизнь, давая народу живой пример возможности этого. Не отрекаясь от земного, но преображая его, они звали восходить и сами восходили к небесному.

К преподобному Сергию, как к неиссякаемому источнику молитвенного духа и благодати Господней, во все времена шли на поклонение – для назидания и молитвы, за помощью и исцелением – тысячи народа. И каждого из прибегающих с верою к его чудотворным мощам он исцеляет и возрождает, исполняет силы и веры, преображает и возводит к своей светоносной духовности.

Не только духовные дары и благодатные исцеления подаются всем, приходящим с верою к мощам преподобного, но ему дана также от Бога благодать защищать от врагов Русскую землю. Своими молитвами преподобный был с воинством Димитрия Донского на Куликовом поле; он благословил на ратный подвиг своих постриженников – иноков Александра Пересвета и Андрея Ослябю. Он указал Иоанну Грозному место для сооружения крепости Свияжска и помогал в победе над Казанью. Во время польского нашествия преподобный Сергий явился во сне нижегородскому гражданину Косме Минину, повелевая собирать казну и вооружать войско для освобождения Москвы и Русского государства. И когда в 1612 году ополчение Минина и Пожарского после молебна у Святой Троицы двинулись к Москве, благодатный ветер развевал православные стяги, «яко от гроба самаго чудотворца Сергия».

К периоду Смутного времени и польского нашествия относится героическое «Троицкое сидение», когда многие иноки по благословению преподобного игумена Дионисия (память 12/25 мая) повторили священный ратный подвиг Сергиевых учеников Пересвета и Осляби. Полтора года – с 23 сентября 1608 года по 12 января 1610 года – осаждали поляки обитель Живоначальной Троицы, желая разграбить и разрушить этот священный оплот православия. Но заступлением Пречистой Богородицы и молитвами преподобного Сергия «со многим стыдом» бежали наконец от стен монастыря, гонимые Божиим гневом, а вскоре и сам предводитель их, Лисовский, погиб лютой смертью как раз в день памяти преподобного Сергия, 25 сентября 1617 года. В 1618 году приходил к стенам Святой Троицы сам польский королевич Владислав, но, бессильный против охраняющей обитель благодати Господней, вынужден был подписать перемирие с Россией в принадлежавшем монастырю селе Деулино. Позже здесь был воздвигнут храм во имя преподобного Сергия.

А в 1812 году, когда Наполеон поднялся на колокольню Ивана Великого, чтобы полюбоваться окрестностями Москвы, то был устрашен видением: по воздуху приближались три армии русских с необыкновенным предводителем – монахом с крестом в руках. И это был покровитель Москвы и Руси преподобный Сергий, Радонежский чудотворец.

В последующее время обитель продолжала быть неоскудевающим светочем духовной жизни и церковного просвещения. Из ее братии избирались на чреду служения многие прославленные иерархи Русской Церкви. В 1744 году обитель за заслуги перед родиной и верой стала именоваться Лаврой. В 1742 году в ее ограде учреждена духовная семинария, в 1814 году сюда была переведена Московская духовная академия.

И ныне Дом Живоначальной Троицы служит одним из главных благодатных центров Русской Православной Церкви. Здесь изволением Святаго Духа совершаются деяния Поместных Соборов Русской Церкви. В обители имеет местопребывание святейший патриарх Московский и всея Руси, который носит на себе особенное благословение преподобного Сергия, являясь по установившемуся правилу «Свято-Троицкой Сергиевой лавры священноархимандритом». Но самое главное: на этом небольшом островке среди многомятежного мира, под покровом Царицы Небесной, обещавшей быть неотступной от места сего, особенно чувствуется умиротворяющее дыхание вечности; именно здесь ощущается, что отечество – это не только земля, не только поля, реки и горы, но это прежде всего люди, это наши святые отцы, которые рождают нас духовно, те отцы, которые руководят нас в Царствие Небесное.

5/18 июля, день обретения мощей святого аввы Сергия, игумена Русской земли, – самое многолюдное и торжественное церковное празднество в обители.

Тропарь общий преподобным Сергию и Никону Радонежским

глас 8

Я́ко трисве́тлаго со́лнца светоза́рныи зве́зды,/ Тро́ическим све́том озаря́ете сердца́ ве́рных,/ сосу́да Све́та Пресвяты́я Тро́ицы я́вльшеся,/ и преди́вным ва́шим житие́м и́ноком бы́сте тве́рдии законоположи́телие/ и це́рквам благоле́пие, и благове́рным, и святи́телем, и все́м лю́дем,/ вся́ бо де́монския скве́рны отгна́вше отсю́ду/ ва́шими чи́стыми уче́нии и де́лы,/ до́бре упасо́сте ста́до, собра́нное ва́ми,/ но и ны́не мо́лим ва́с:/ посеща́йте ча́д свои́х, я́ко иму́щие дерзнове́ние ко Святе́й Тро́ице,/ Богому́дре Се́ргие с чу́дным ученико́м свои́м Ни́коном,/ и моли́те Христа́ Бо́га, да спасе́т ду́ши на́ша.

Перевод: Как от преяркого Солнца блистающие звезды, Троическим светом вы озаряете сердца верующих, став сосудами Света Пресвятой Троицы, и преудивительным вашим житием для монахов были неизменными законодателями и церквам украшение, и благоверным, и святителям и всем людям, ибо отогнав отсюда всю демонскую нечистоту своими чистыми учениями и делами, вы прекрасно упасли стадо, собранное вами, потому мы и сейчас молим вас: «Не забывайте о чадах своих, как имеющие дерзновение ко Святой Троице, Богомудрый Сергий с удивительным учеником своим Никоном, и молите Христа Бога, да спасет души наши».

Тропарь преподобному Сергию, игумену Радонежскому, на обретение мощей

глас 8

От ю́ности восприя́л еси́ Христа́ в души́ твое́й, преподо́бне/ и па́че всего́ вожделе́л еси́ мирска́го мяте́жа уклони́тися:/ му́жески в пусты́ню всели́лся еси́,/ и ча́да послуша́ния в ней, плоды́ смире́ния, возрасти́л еси́./ Тем, быв Тро́ице вселе́ние,/ чудесы́ твои́ми всех просвети́л еси́, приходя́щих к тебе́ ве́рою,/ и исцеле́ния всем подая́ оби́льно.// О́тче наш Се́ргие, моли́ Христа́ Бо́га, да спасе́т ду́ши на́ша.

Перевод: С юности ты принял Христа в душу твою, преподобный, и более всего возжелал от мирской суеты уклониться, мужественно в пустыню вселился, и чада послушания – смиренияплоды в ней возрастил. Потому, став Троицы селением, чудесами твоими ты просветил всех, приходящих к тебе с верою, и исцеления всем подаешь обильно. Отче наш Сергий, моли Христа Бога да спасет души наши.

Ин тропарь преподобному Сергию, игумену Радонежскому, на обретение мощей

глас 4

Днесь пресве́тло красу́ется ца́рствующий град Москва́,/ я́ко светолу́чными заря́ми, мо́лниями чуде́с твои́х осия́емь,/ всю вселе́нную созыва́ет/ похвали́ти тя, Богому́дре Се́ргие;/ пречестна́я же и сла́вная оби́тель твоя́,/ ю́же во и́мя Святы́я Тро́ицы мно́гими труды́ твои́ми созда́л еси́, о́тче,/ иму́щи в себе́ стада́ учени́к твои́х,/ весе́лия и ра́дости исполня́ется./ Мы же, пра́зднующе пресла́вное обре́тение честны́х моще́й твои́х, в земли́ сокрове́нных,/ я́ко цвет благоуха́нен и кади́ло благово́нно,/любе́зно я́ лобыза́юще, разли́чная исцеле́ния прие́млем/ и твои́ми моли́твами грехо́в проще́ния сподобля́емся,/ о́тче преподо́бне Се́ргие,/ моли́ Святу́ю Тро́ицу// спасти́ ду́ши на́ша.

Перевод: Сегодня светло радуется царствующий город Москва, как лучезарным сиянием, молниями чудес твоих озаряем, всю вселенную созывает прославить тебя, Богомудрый Сергий. Почитаемая и славная обитель же твоя, которую во Имя Святой Троицы ты создал многими трудами твоими, отче, имея у себя стада учеников твоих, наполняется торжеством и радостью. Мы же, празднуя преславное обретение священных мощей твоих, сокрытых в земле, как благоухающий цветок и благовонное кадило, благоговейно их целуя, различные исцеления получаем и по твоим молитвам удостаиваемся прощения грехов, отче преподобный Сергий, моли Святую Троицу о спасении душ наших.

Тропарь преподобному Сергию, игумену Радонежскому, на преставление

глас 4

И́же доброде́телей подви́жник,/ я́ко и́стинный во́ин Христа́ Бо́га,/ на стра́сти вельми́ подвиза́лся еси́ в жи́зни вре́менней,/ в пе́ниих, бде́ниих же и поще́ниих о́браз быв твои́м ученико́м;/ те́мже и всели́ся в тя Пресвяты́й Дух,/ Его́же де́йствием све́тло укра́шен еси́./ Но я́ко име́я дерзнове́ние ко Святе́й Тро́ице,/ помина́й ста́до, е́же собра́л еси́, му́дре,/ и не забу́ди, я́коже обеща́лся еси́,/ посеща́я чад твои́х,// Се́ргие преподо́бне, о́тче наш.

Перевод: Добродетелей подвижник, ты, как истинный воин Христа Бога, против страстей крепко подвизался в жизни временной, в псалмопении, бдении и постах став примером для твоих учеников. Потому и вселился в тебя Пресвятой Дух: Его действием ты украшен светло. Но имея дерзновение ко Святой Троице, поминай стадо, собранное тобой премудро, и не забудь, как ты обещал, посещать детей твоих, Сергий, преподобный отче наш.

Ин тропарь преподобному Сергию, игумену Радонежскому, на преставление

глас 8

В чистоте́ жития́ исто́чник слез твои́х, испове́дания трудо́вныя по́ты совокупи́л еси́, и купе́ль духо́вную источи́л еси́, свяще́нный Се́ргие, преподо́бне, омыва́вши сугу́бстве творя́щим любо́вию па́мять твою́ скве́рны обоя́мы душе́вныя и теле́сныя. Сих ра́ди, ча́да твоя́ су́ще, вопие́м ти: моли́, о́тче, Святу́ю Тро́ицу о душа́х на́ших.

Перевод: В чистоте жития источник слез твоих ты соединил с по́том подвигов веры, и тем источил духовную купель, святой преподобный Сергий, в которой омываешь душевную и телесную нечистоту всех почитающих с любовью память твою. Поэтому мы, чада твои, взываем к тебе: «Моли, отче, Святую Троицу о душах наших».

Кондак общий преподобным Сергию и Никону Радонежским

глас 8

В по́стницех приобщи́вшеся Вели́кому Анто́нию/ и Евфи́мию Иерусали́мскому поревнова́вше в по́двизех,/ я́ко а́нгели, на земли́ яви́стеся,/ просвеща́юще, преподо́бнии, ве́рных сердца́/ Боже́ственными зна́мении и чудесы́ повсегда́,/ сего́ ра́ди ра́достно ва́с почита́ем и любо́вию вопие́м ва́м:/ ра́дуйтеся, преподо́бнии отцы́ Се́ргие и Ни́коне,/ по́стником удобре́ние и всея́ Росси́йския земли́ вели́кое утвержде́ние.

Перевод: В пощении став подобными Великому Антонию и подражав в подвигах Евфимию Иерусалимскому, вы были как ангелы на земле, всегда просвещая, преподобные, сердца верующих Божественными знамениями и чудесами. Потому с радостью вас почитаем и с любовью к вам взываем: «Радуйтесь, преподобные отцы Сергий и Никон, постников украшение и всей Российской земли великая сила».

Кондак преподобному Сергию, игумену Радонежскому, на обретение мощей

глас 8

Днесь я́ко со́лнце пресве́тло,/ возсия́вше от земли́, честны́я мо́щи твоя́ нетле́нны обрето́шася,/ я́ко благоуха́нный цвет, мно́жеством чуде́с сия́юще,/ и всем ве́рным источа́юще разли́чная исцеле́ния,/ и веселя́ще избра́нное твое́ ста́до,/ е́же му́дре собра́в, до́бре па́ствил еси́./ О ни́хже и ны́не Тро́ице предстои́ши, моля́ся,/ и во́инству победи́тельная на враги́ дарова́ти да вси́ вопие́м ти:// ра́дуйся, Се́ргие Богому́дре.

Перевод: В сей день как солнце пресветлое, воссиявшее от земли, священные мощи твои обретены нетленными, как благоуханный цвет множеством чудес сияя, и всем верным источая различные исцеления, и веселя избранное твое стадо, которое мудро собрав, ты прекрасно пас. О них и ныне, Троице предстоя, молишься победы над врагами верным даровать, дабы мы возглашали тебе: «Радуйся, Сергий Богомудрый!»

Ин кондак преподобному Сергию, игумену Радонежскому, на обретение мощей

глас 8

Взира́юще на предлежа́щий честны́й твой гроб,/ в не́мже скры́ся, я́ко многоце́нное сокро́вище, свято́е трудолю́бное твое́ те́ло чистоты́,/ мы, ча́да твоя́ су́ще жа́лостная,/ в удивле́нии еди́н со еди́нем веща́юще, вопие́м:/ о́тче наш Се́ргие, моли́ Святу́ю Тро́ицу// и нам спасти́ся, твои́м ча́дом.

Перевод: Взирая на стоящий перед нами почитаемый твой гроб, в нем же сокрыто, как драгоценное сокровище, святое подвижническое твое праведное тело, мы, чада твои, пребывая в горести, в исступлении друг к другу обращаясь, взываем: «Отче наш Сергий, моли Святую Троицу, чтобы и нам спастись, твоим чадам».

Кондак преподобному Сергию, игумену Радонежскому, на преставление

глас 8

Христо́вою любо́вию уязви́вся, преподо́бне,/ и Тому́ невозвра́тным жела́нием после́довав,/ вся́кое наслажде́ние плотско́е возненави́дел еси́,/ и я́ко со́лнце Отече́ству твоему́ возсия́л еси́;/ тем и Христо́с да́ром чуде́с обогати́ тя./ Помина́й нас чту́щих пресве́тлую па́мять твою́, да зове́м ти:// ра́дуйся, Се́ргие Богому́дре.

Перевод: Любовью ко Христу уязвленный, и за Ним с неуклонной волей следуя, всякое наслаждение плотское возненавидел ты, преподобный, и как солнце Отечеству твоему воссиял: потому и Христос даром чудес обогатил тебя. Поминай нас, почитающих пресветлую память твою, дабы мы взывали тебе: «Радуйся, Сергий Богомудрый!»

Ин кондак преподобному Сергию, игумену Радонежскому, на преставление

глас 8

Я́ко безпло́тным равножи́тель всех преподо́бных превозше́л еси́ по́стническими труды́ и бде́нии моли́твенными, му́дре Се́ргие, тем восприя́л еси́ от Бо́га исцели́ти неду́ги и прогони́ти бе́сы и того́ ра́ди вопие́м ти: ра́дуйся, о́тче преподо́бне Се́ргие.

Перевод: Как равный житием бесплотным (ангелам) ты превзошел всех преподобных постническими трудами и молитвенными бдениями, мудрый Сергий, поэтому получил от Бога (благодать) исцелять болезни и изгонять бесов, потому и мы взываем к тебе: «Радуйся, отче преподобный Сергий».

Величание преподобному Сергию, игумену Радонежскому

Ублажа́ем тя, преподо́бне о́тче Се́ргие, / и чтим святу́ю па́мять твою́, наста́вниче мона́хов и собесе́дниче а́нгелов.

Молитва первая преподобному Сергию Радонежскому

О, свяще́нная главо́, преподо́бне и Богоно́сне о́тче наш Се́ргие, моли́твою твое́ю, и ве́рою и любо́вию, я́же к Бо́гу, и чистото́ю се́рдца, еще́ на земли́ во оби́тель Пресвяты́я Тро́ицы ду́шу твою́ устро́ивый, и а́нгельскаго обще́ния и Пресвяты́я Богоро́дицы посеще́ния сподо́бивыйся, и дар чудоде́йственныя благода́ти прие́мый, по отше́ствии же твое́м от земны́х наипа́че к Бо́гу прибли́живыйся, и Небе́сныя си́лы приобщи́выйся, но и от нас ду́хом любве́ своея́ не отступи́вый, и честны́я твоя́ мо́щи, я́ко сосу́д благода́ти по́лный и преизлива́ющийся, нам оста́вивый! Ве́лие име́я дерзнове́ние ко Всеми́лостивому Влады́це, моли́ спасти́ рабы́ Его́, су́щей в тебе́ благода́ти Его́ ве́рующия и к тебе́ с любо́вию притека́ющия. Испроси́ нам от великодарови́таго Бо́га на́шего вся́кий дар, всем и коему́ждо благопотре́бен, ве́ры непоро́чны соблюде́ние, градо́в на́ших утвержде́ние, ми́ра умире́ние, от гла́да и па́губы избавле́ние, от наше́ствия иноплеме́нных сохране́ние, скорбя́щим утеше́ние, неду́гующим исцеле́ние, па́дшим возставле́ние, заблу́дшим на путь и́стины и спасе́ния возвраще́ние, подвиза́ющимся укрепле́ние, благоде́лающим в дела́х благи́х преспе́яние и благослове́ние, младе́нцем воспита́ние, ю́ным наставле́ние, неве́дущим вразумле́ние, сирота́м и вдови́цам заступле́ние, отходя́щим от сего́ вре́менного жития́ к ве́чному благо́е уготовле́ние и напу́тствие, отше́дшим блаже́нное упокое́ние, и вся ны споспешеству́ющими твои́ми моли́твами сподо́би в день Стра́шнаго суда́ шу́ия ча́сти изба́витися, десны́я же страны́ о́бщники бы́ти и блаже́нный о́ный глас Влады́ки Христа́ услы́шати: прииди́те, благослове́ннии Отца́ Моего́, насле́дуйте угото́ванное вам Ца́рствие от сложе́ния ми́ра. Ами́нь.

Молитва вторая преподобному Сергию Радонежскому

О, свяще́нная главо́, преподо́бне о́тче, преблаже́нне а́вво Се́ргие вели́кий! Не забу́ди убо́гих свои́х до конца́, но помина́й нас во святы́х свои́х и благоприя́тных моли́твах к Бо́гу. Помяни́ ста́до свое́, е́же сам упасл еси́, и не забу́ди посеща́ти чад свои́х. Моли́ за ны, о́тче свяще́нный, за де́ти своя́ духо́вныя, я́ко име́я дерзнове́ние к Небе́сному Царю́, не премолчи́ за ны ко Го́споду и не пре́зри нас, ве́рою и любо́вию чту́щих тя. Помина́й нас, недосто́йных у престо́ла Вседержи́телева, и не преста́й моля́ся о нас ко Христу́ Бо́гу, и́бо дана́ тебе́ бысть благода́ть за ны моли́тися. Не мним бо тя су́ща ме́ртва: а́ще бо и те́лом преста́вился еси́ от нас, но и по сме́рти жив сый пребыва́еши. Не отступа́й от нас ду́хом, сохраня́я нас от стрел вра́жиих, и вся́кия пре́лести бесо́вския, и ко́зней диа́вольских, па́стырю наш до́брый; а́ще бо и моще́й твои́х ра́ка пред очи́ма на́шима ви́дима есть всегда́, но свята́я твоя́ душа́ со а́нгельскими во́инствы, со безпло́тными ли́ки, с Небе́сными си́лами, у Престо́ла Вседержи́теля предстоя́щи, досто́йно весели́тся. Ве́дуще бо тя вои́стинну и по сме́рти жи́ва су́ща, тебе́ припа́даем и тебе́ мо́лимся, е́же моли́тися о нас Всеми́лостивому Бо́гу о по́льзе душ на́ших, и испроси́ти вре́мя на покая́ние, и о невозбра́нном преи́тии от земли́ на Не́бо, мыта́рств же го́рьких, бесо́в, возду́шных князе́й и ве́чныя му́ки изба́витися, и Небе́сному Ца́рствию насле́дником бы́ти со все́ми пра́ведными, от ве́ка угоди́вшими Го́споду на́шему Иису́су Христу́, Ему́же подоба́ет вся́кая сла́ва, честь и поклоне́ние со Безнача́льным Его́ Отце́м и с Пресвяты́м, и Благи́м, и Животворя́щим Его́ Ду́хом, ны́не и при́сно и во ве́ки веко́в. Ами́нь.

Молитва третия преподобному Сергию Радонежскому

О, Небе́снаго граждани́не Иерусали́ма, преподо́бне о́тче Се́ргие! Воззри́ на нас ми́лостиво и к земли́ приве́рженных возведи́ к высоте́ Небе́сней. Ты горе́ на Небеси́; мы на земли́ ни́зу, удалены́ от тебе́ не то́лько ме́стом, ели́ко греха́ми свои́ми и беззако́ниями; но к тебе́, я́ко нам сро́дному, прибега́ем и взыва́ем: наста́ви нас ходи́ти путе́м твои́м, вразуми́ и руково́дствуй. Сво́йственно есть тебе́, о́тче наш, благоутро́бие и человеколю́бие: на земли́ живу́щу, не о свое́м то́кмо спасе́нии бысть тебе́ попече́ние, но и о всех к тебе́ притека́ющих наставле́ния твоя́ бы́ша тро́стию кни́жника скоропи́сца, на се́рдце ка́ждаго глаго́лы жи́зни начертава́ющего. Не теле́сныя то́кмо врачева́л еси́ боле́зни, но па́че душе́вных врач изя́щный яви́лся еси́; и вся твоя́ свята́я жизнь бысть зерца́лом вся́кия доброде́тели. А́ще толи́к был еси́, свя́тче Бо́жий, на земли́, коли́к ны́не еси́ на Небеси́! Ты днесь предстои́ши Престо́лу Све́та Непресту́пнаго и в Нем, я́ко в зерца́ле, зри́ши вся на́ша ну́жды и проше́ния; ты водворя́ешися со А́нгелы о еди́ном гре́шнице ка́ющемся ра́дующимися. И человеколю́бие Бо́жие есть, неистощи́мо, и твое́ к Нему́ дерзнове́ние мно́го, не преста́ни о нас вопия́ ко Го́споду. Испроси́ предста́тельством свои́м у Всеми́лостиваго Бо́га на́шего мир Це́ркви Его́, под зна́мением креста́ во́инствующей, согла́сие в ве́ре и единому́дрие, суему́дрия же и раско́лов истребле́ние, утвержде́ние во благи́х де́лех, больны́м исцеле́ние, печа́льным утеше́ние, оби́женным заступле́ние, бе́дствующим по́мощь. Не посрами́ нас, к тебе́ с ве́рою притека́ющих. А́ще бо и недосто́йни есмы́ толи́каго отца́ и хода́тая, но ты, быв подража́тель человеколю́бия Бо́жия, сотвори́ нам досто́йны чрез обраще́ние от злых дел к благо́му житию́. Вся богопросвеще́нная Росси́я, твои́ми чудесы́ испо́лненная и ми́лостями облагоде́тельствованная, испове́дует тя бы́ти своего́ покрови́теля и засту́пника. Яви́ дре́вния ми́лости твоя́ и и́хже отце́м спомоществова́л еси́, не отри́ни и нас, чад их, стопа́ми их к тебе́ ше́ствующих. Ве́руем, я́ко ду́хом нам сопрису́тствуеши. Иде́же бо есть Госпо́дь, я́коже сло́во Его́ учи́т нас, та́мо и слуга́ Его́ бу́дет. Ты ве́рный еси́ раб Госпо́день, и Бо́гу везде́ су́щу, ты в Нем еси́, и Он в тебе́ есть, па́че же и те́лом с на́ми еси́. Се нетле́нныя и живоно́сныя твоя́ мо́щи, я́ко сокро́вище безце́нное, вручи́ нам чуде́с Бог. Предстоя́ще им, я́ко тебе́ жи́ву су́щу, припа́даем и мо́лимся: приими́ моле́ния на́ша и вознеси́ их на же́ртвенник благоутро́бия Бо́жия, да прии́мем тобо́ю благода́ть и благовре́менну в ну́ждах на́ших по́мощь. Укрепи́ на́ше малоду́шие и утверди́ нас в ве́ре, да несомне́нно упова́ем получи́ти вся блага́я от благосе́рдия Влады́ки моли́твами твои́ми. Па́ству же твою́ духо́вную, тобо́ю со́бранную, не преста́ни управля́ти жезло́м духо́вныя му́дрости, подвиза́ющимся помози́, разсла́бленных возста́ви, споспеши́ и́го Христо́во нести́ во благоду́шии и терпе́нии и всех нас упра́ви в ми́ре и покая́нии сконча́ти живо́т наш и пресели́тися со упова́нием в блаже́нная не́дра Авраа́мова, иде́же ты ра́достно по труде́х и по́двизех ны́не почива́еши, прославля́я со все́ми святы́ми Бо́га, в Тро́ице сла́вимаго, Отца́, и Сы́на, и Свята́го Ду́ха. Ами́нь.

КАНОН НА ОБРЕТЕНИЕ МОЩЕЙ ПРЕПОДОБНОГО СЕРГИЯ, ИГУМЕНА РАДОНЕЖСКОГО

глас 4

Песнь 1

Ирмос: Пределил есть пучину чермную Бог, фараона погрузивый в ней, провед Моисея немокренно в пустыню и одождив манну в снедь людем израилевым, яко силен.

Припев: Преподобне отче наш Сергие, моли Бога о нас.

Светом Твоего трисолнечнаго Божества, Содетелю мой, просвети помраченныя очи души моея, молю Ти ся, и очисти сердце мое, да возмогу пети обретение честных мощей преподобнаго Сергия, Твоего рачителя.

Даждь ми слово, Слове Божий, во отверзение уст моих, и уясни ми язык, Милостиве, и не поминай грехов моих множества, да, Твоею благодатию наставляемь, возмогу пети преподобнаго Твоего Сергия.

Якоже во чреве матерни проглашением Троицу проповедал еси, тако и Та прослави тя: како на многа лета сокровены землею честныя мощи твоя нетленны обретошася, благоухания вкупе же и чудес верных исполняюще.

Богородичен: Пречистая Владычице, Небесных сил превышшая, порождшая Спаса, всех Содетеля, единосущна Отцу и Духу, даждь нам слово, Препетая, яко да возможем пети Тя, сущую Заступницу рода нашего.

Песнь 3

Ирмос: Да не хвалится мудр, хваляйся, но о сем, еже разумевати, яко несть свят, яко Бог наш, возносяй рог наш, даяй крепость царем нашим.

Припев: Преподобне отче наш Сергие, моли Бога о нас.

Креста Господня силою укрепляяся, страсти душевныя и плотское мудрование духу покорил еси, и сего ради Духу Пресвятому прекрасная обитель быв и нераздельныя Троицы избранно покоище.

Житием твоим, еже в мире сем, образ быв всем, от души Христу поработившимся, чистотою же, яко солнце, просиял еси и сего ради стократное воздание от руку Вседержителя приял еси, Богомудре Сергие. Темже тя радостно ублажаем.

Приидите, снидемся в настоящее ныне торжество, узрим, и радости исполнимся, и Христа да прославим, тако прославляюща Его прославляющих, и нам стену необориму и чудес подателя даровавшаго, Богоблаженнаго Сергия.

Богородичен: Благодарение, вкупе же и пение, Богомати, радуйся, приносим Ти, яко родила еси плотию Бога Вседержителя, твердую Предстательницу Тебе христианом даровавшаго.

Седален, глас 8

Житейское море преплыл еси многим воздержанием и пристал еси в тихое пристанище, в Небесныя обители, яко звезда светозарна, сияеши и, яко солнце незаходимое, молниями чудес твоих вселенную всю просвещаеши и озаряеши стада ученик твоих, всем верным даруеши грехов прощение, и жития исправление, и еже на сопротивныя одоление, яко да, радостно обстояще честную и многоцелебную раку, любезно лобызаем святыя мощи твоя и, яко отцу чадолюбиву, вопием ти: Богомудре и преблаженне отче Сергие, моли Святую Троицу, Ейже в житии сем поработал еси, грехов оставление даровати чтущим любовию обретение честных мощей твоих.

Песнь 4

Ирмос: Небеса добродетель Твоя покрыла есть, и земля исполнися славы Твоея, Христе. Темже верно вопием: слава силе Твоей, Господи.

Припев: Преподобне отче наш Сергие, моли Бога о нас.

От утробы матерни Богу прилепился еси, блаженне отче Сергие, и зачало мудрости — страх Божий в сердцы твоем имел еси, корень и основание всех благих, нищету духовную возлюбив. Сего ради Владыка Христос чудесы обогатил тя есть.

Яко крин благовонный, от земных недр издашася честныя мощи твоя, преблаженне Сергие, и, яко сокровище, чудес зарю испущают, веселяще духовная чада твоя.

Днесь радуется царствующий град Москва, и веселия исполняется вся вселенная, честная же обитель твоя, Богоблаженне Сергие, хвалящися, украшается, имеющи в себе честныя мощи твоя, яко сокровище неоскудное и пречудное.

Богородичен: Дево Господоименитая и Царице всея твари, многими пророки пронареченная, рождшая Царя Небесных сил, даждь, Госпоже, победу на враги воинству нашему и Царствия Небеснаго всех нас сподоби молитвами Твоими.

Песнь 5

Ирмос: Часть моя еси, Господи, и слава лица моего: Ты бо мя из тьмы неведения един избавил еси Богоразумием. И Тебе молюся, Христе: даруй рабу Твоему мир, яко Человеколюбец.

Припев: Преподобне отче наш Сергие, моли Бога о нас.

Яже в Троице Бога нашего Святая Церковь и дивная вправду светло красуется, всенародное множество духовне радуется, зряще тя, Богомудре Сергие, рукама архиерея Божия честно вземлема и на плещу священных носима.

Посещения ради Богоматере радости исполнився, свет был еси стаду твоему и наставник новому Израилю, преводя нас, отче, от земли к Небесным обителем, идеже ныне наслаждаешися неизреченныя светлости.

Матерня утроба освятися честным зачатием твоим, славный же град Ростов просветися рождеством твоим, великая же твоя и многославная обитель прославися подвиги твоими, вся же вселенная наполнися чудес твоих, преподобне отче Сергие.

Богородичен: Мати Божия Пречистая, твердая Заступнице на Тя надеющимся, покрове и страж граду нашему, и необоримая стено святей обители сей, и оружие спасения отечеству нашему, спаси всех, благочестно покланяющихся святому образу Твоему.

Песнь 6

Ирмос: Да не погрузит мене буря водная, ниже пожрет мене глубина, отвержен бо есмь во глубины сердца морскаго зол моих. Тем зову, яко Иона: да взыдет от тли зол живот мой к Тебе, Боже.

Припев: Преподобне отче наш Сергие, моли Бога о нас.

От младаго возраста, отче Сергие, Христа возлюбив и Сего живоносным стопам последуя, мира всего избегл еси и достигл еси в незаходимый свет разума, идеже ныне дерзновенно Святей Троице предстоиши, Юже о всех нас умоли.

Удивишася во плоти житию твоему Безплотнии чинове, и устрашишася бесовская полчища от Бога данныя тебе на них победы; мы же прославляем тя, преподобне Сергие, обстояще раку честных мощей твоих, и величаем Христа, чудесы тя прославльшаго.

Иже любовию и чистою верою чтущим честное и славное обретение святых мощей твоих и празднующим светло священную память твою, отче преблаженне Сергие, молитвами твоими всем полезная испроси.

Богородичен: Без семене во чреве Твоем заченши Творца всех и Спасителя, Богомати Владычице, и рождши плотию Христа Бога, Егоже молитвами Твоими милостива нам сотвори, и да сподобимся вси явления Его и Царствия.

Кондак, глас 8

Днесь, яко солнце пресветло, возсиявше от земли, честныя мощи твоя нетленны обретошася, яко благоуханный цвет, множеством чудес сияюще, и всем верным источающе различная исцеления, и веселяще избранное твое стадо, еже мудре собрав, добре паствил еси. О нихже и ныне Троице предстоиши, моляся, и воинству победительная на враги даровати, да вси вопием ти: радуйся, Сергие Богомудре.

Икос

Сущая в мире преобидев, премирная и нетленная селения, отче Богомудре, стяжал еси и, независтными дарми от Вседержительныя десницы по числу добродетелей обогатився и венцем почести, яко победитель, венчався, чудесы всех обогащаеши, поющих ти сице: радуйся, Богоблаженне Сергие. Радуйся, иже прежде рождения твоего трикраты проглашением прославивый Святую Троицу. Радуйся, яко от младенства твоего избранный сосуд быв Пресвятому Духу. Радуйся, мирскую красоту и славу, яко уметы, вменил еси. Радуйся, яко вселивыйся в пустыню. Радуйся, яко град, сию сотворил еси. Радуйся, яко в ней храм пречестен в похвалу Святыя Троицы воздвигнувый. Радуйся, яко славну и превелику обитель в славу Божию создал еси. Радуйся, яко в ней множества монашествующих собрав, Господеви привел еси. Радуйся, яко милостиваго посещения Богоматере сподобился еси, Тоя бо во плоти, яко Ангел, послужив. Радуйся, яко Господеви молишися о чтущих обретение честных мощей твоих. Радуйся, народу нашему оружие спасения и победитель на враги, егоже соблюдай выну и здрава и весела, да вси твое обретение светло празднуем, радостно вопиюще: радуйся, Сергие Богомудре.

Песнь 7

Ирмос: Не предаждь нас до конца Имене Твоего ради, и не разори завета Твоего, и не отстави милости Твоея от нас, Господи Боже отец наших, препетый во веки.

Припев: Преподобне отче наш Сергие, моли Бога о нас.

Божиим хранением соблюдено бысть честное тело твое, Богомудре Сергие, многими леты землею покровено, цело и ничимже вредимо изыде. Мы же, чада твоя, сие зряще, радостно вопием: благословен Бог отец наших.

Веселия ризою облечеся, радости венцем венчася честная глава твоя, светло вниде в Небесный чертог Царя Христа, почесть приемля трудов твоих, поя Господеви: благословен Бог отец наших.

Светлым житием твоим сияя, чудне Сергие, в жизни сей, безплотных чины достигл еси, ныне же с ними ликуеши у престола всех Бога, проси грехов оставление даровати совершающим любовию память обретения честных мощей твоих.

Богородичен: Простри моление, Пречистая Дево Владычице, к рождшемуся из Тебе Богу нашему, и Тобою Адама наздавшему, и наше естество обновившу, да вси вопием Ти: благословен, Пречистая, Плод чрева Твоего.

Песнь 8

Ирмос: Всяческая, Владыко, премудростию Твоею составил еси, земли же паки утвердил еси, якоже веси, дно, основанием водрузивый на водах безмерных. Тем вси вопием, воспевающе: благословите, дела Господня, непрестанно Господа.

Припев: Преподобне отче наш Сергие, моли Бога о нас.

Веселится днесь Церковь Божия, яко царскою порфирою одевающися, честная же обитель твоя, Богоблаженне отче Сергие, яко многоценно сокровище, имущи честное тело твое, различна исцеления подавающе всем, верно поющим: благословите, вся дела Господня, непрестанно Господа.

Светом небесным просвещается храм Божий, и в нем благочестивых собори радуются, видяще тя, Богоблаженне отче Сергие, архиерейскима рукама носима и от всех верных покланяема, Христу вопиющих: благословите, вся дела Господня, непрестанно Господа.

С Небесными воинствы ныне Троице предстоя и с лики всех святых водворяяся, верно почитающим память твою грехов прощение испроси, и светло празднующим обретение честных мощей твоих спасение нам даруй, да, радующеся, поем: благословите, вся дела Господня, непрестанно Господа.

Богородичен: Превечный во чреве Твоем, Дево Чистая, зачинается и совершенный Бог, иже из Тебе, Неискусобрачныя Отроковицы, Младенец плотию родився, совершен Бог и Человек человеки видится, сопрестолен сый Отцу и Духу: Егоже превозносим во веки.

Песнь 9

Ирмос: Моисей на горе неопалимую купину виде, Иосиф в вертепе неизреченное рождество слыша, Нескверная Дево, Безмужная Мати, песньми Тя, Богородице, величаем.

Припев: Преподобне отче наш Сергие, моли Бога о нас.

Взятся к высоте Небесней добродетельми, Богомудре отче Сергие, и в веселии сердца предстоиши престолу Святыя Троицы, не забуди чад твоих, совершенно здравие и дивну победу даруй на враги воинству нашему, да вси тя песньми непрестанно величаем.

Преславная память твоя, Богоносе, паче луч солнечных верныя просвещает, благочестно тя почитающия, и верою и любовию покланяющияся раце честных мощей твоих, и в песнех поющия тя, Богомудре Сергие.

Рукою моею недостойною и любовию сердечною приносимое тебе малое моление приими, Богоблаженне отче Сергие, душам нашим спасение, и телесем здравие, и миру смирение молитвами твоими даруй, да тя множае в песнех величаем.

Богородичен: О Дево Владычице Всепетая, Мати Христа Бога нашего, спаси вся, на Тя надеющияся, и к Твоему заступлению притекающия, и благочестно Тя, сущую Богородицу, в песнех величающия.

Светилен

Днесь сошедшеся, Небесная со земными радуются, и верных совокупления со священными, вкупе же и монахи, веселия духовнаго и даров чудес твоих исполняются, преподобне Сергие, в твое обретение, славяще Господа.

АКАФИСТ ПРЕПОДОБНОМУ СЕРГИЮ РАДОНЕЖСКОМУ

Кондак 1

Возбранный от Царя сил, Господа Иисуса, данный России воеводо и чудотворче предивный, преподобне отче Сергие! Прославляюще мы прославльшаго тя славы Господа, благодарственное пение воспеваем ти, ибо молитвами твоими от нашествия иноплеменник и скорбных обстояний нас присно избавляеши, яко имея дерзновение ко Господу, от всяких нас бед свободи, да зовем ти:

Радуйся, Сергие, скорый помощниче и преславный чудотворче.

Икос 1

Ангелов Творец, предуведевый, по самовластному чистаго сердца твоего изволению, всеусердствующее Его воли исполнение, еще во чреве матерни трикратным возглашением, показа тя миру истиннаго служителя быти Святыя Троицы и научи всех вопити тебе сице:

Радуйся, прежде век, яко имаши верный раб Христов быти, предусмотренный; радуйся, во оноже время во блаженное и небесное жилище предуставленный.

Радуйся, от чрева матерня на службу Небеснаго Царя, яко воин, хотящий верен Ему быти, призванный; радуйся, яко благодатию Божиею оправданный.

Радуйся, не точию России, но и всей вселенней прославленный; радуйся, трикратным твоим во чреве возглашением родителей и всех слышащих удививый.

Радуйся, по рождении своем постное иноческое житие показавый; радуйся, от сосца матерня воздержание чудное явивый.

Радуйся, яко в среду и пяток млека никакоже вкусивый; радуйся, родителей благих добрый и избранный плоде.

Радуйся, радости скорбящим и милости с верою у тебе просящим подателю; радуйся, печалей злых во всяких приключениих отгонителю.

Радуйся, Сергие, скорый помощниче и преславный чудотворче.

Кондак 2

Видящи вся Россия и иныя страны данною тебе, преподобне отче Сергие, благодатию Божиею, с верою к святым твоим мощем приходящим, и скорое вспоможение, и присное преславное чудес творение, удивляются. И мы вси, веселящеся, яко имеем таковаго милостиваго помощника, Прославльшаго тя прославляюще и тя, благаго раба и вернаго слугу Господня, восхваляюще, вопием Ему: Аллилуиа.

Икос 2

Разум, еще сущу ти во чреве матерни, Святую Троицу прославити Иисус Христос даровавый, и веру крепкую, надежду несумненную, любовь истинную к Нему имети утвердивый, сподоби тя во имя Святыя Троицы преславный храм и обитель чудную устроити, и во ону множество инок собрати. Сего ради вернии научишася воспевати тебе тако:

Радуйся, честное Пресвятыя Троицы носило и похваление; радуйся, добре стадо, тобою собранное, во спасение наставляяй.

Радуйся, честный образе агнцем и пастырем; радуйся, правило веры и образе кротости духовныя.

Радуйся, святыням чистое и непорочное жилище; радуйся, еще при жизни сподобивыйся видети Пресвятую Богородицу со двема апостолома.

Радуйся, удостоивыйся во время совершения литургии сослужения ангельскаго; радуйся, во святую литургию в благодати Божией весь, аки во огни, стоящий.

Радуйся, оным Божественным огнем, в потир вшедым, причастивыйся; радуйся, достоин бывый ангельскаго собеседования.

Радуйся, преисполненный всякия благостыни; радуйся, чистоты душевныя и телесныя усердный хранителю.

Радуйся, Сергие, скорый помощниче и преславный чудотворче.

Кондак 3

Силою, данною ти свыше, будущая, яко настоящая, созерцая, возвещал еси и великому князю Димитрию о победе многочисленных прегордых агарян, хотящих Россию огнем и мечем опустошити, прорекл еси, и от своего иноческаго лика двух монахов на противных в помощь дал еси, и молитвою твоею святою к Богу вопия, на агаряны победу сотворил еси. За еже тя прославляюще и о таковой же твоей на сопротивных православному воинству помощи просяще, Богу вопием: Аллилуиа.

Икос 3

Имуще помышление родителие твои и людие о трикратном твоем во чреве матернем в церкви глашении и удивльшеся, разумеша нечто преславное и чудное быти: и по сих уведевше твое радостное рождение, радовахуся и радостная тебе приношаху, глаголюще:

Радуйся, отроча добродушевное и благонадежное; радуйся, детище, всякия благодати Божия исполненное.

Радуйся, пречудное в младенчестве постничество нам являяй; радуйся, оным многих приводяй во удивление и увеселяяй.

Радуйся, яко с тобою всегда бе благодать Господня; радуйся, от юности твоея всем сердцем и мыслию Бога возлюбивый.

Радуйся, кротость, смирение и бдение имевый; радуйся, вся мира сего красная, яко скоро исчезающая, презревый.

Радуйся, вся плотския похоти Бога ради умертвивый; радуйся, многообразныя козни лукаваго силою Божиею победивый.

Радуйся, многия люди от греховнаго пути ко Господу обративый и спасый; радуйся, яко тобою сладостей духовных исполняемся.

Радуйся, Сергие, скорый помощниче и преславный чудотворче.

Кондак 4

Бури жития мира сего, присно внутренними и внешними злострадании волнующагося, преподобне отче Сергие, избавився, пришел еси во пристанище немятежное небесное, на места злачна и прохладна, идеже потоцы сладости неисповедимыя, пища славы Божия нетленная, пения и гласы празднующих. Тамо почиваеши и веселишися, со всеми ангельскими силами поя Богу: Аллилуиа.

Икос 4

Слышаша, преподобне отче Сергие, ближнии и дальнии ангелоподобное твое житие и благодати чудес струю выну текущую, яко молитвою твоею прокаженнии очищаются, слепии прозирают, хромии ходят и разноообразных недуг с верою притекающии здравие улучают, сих избавльшеся, вопияху к тебе таковая:

Радуйся, мироварнице, на вся недуги врачевание подавающая; радуйся, безмездно паче естества врачу скоромилостивый.

Радуйся, милости превеликия и скорбным сострадания сокровище; радуйся, всеусерднаго о людех промышления приятелище.

Радуйся, душу свою за человеки положити готовый; радуйся, увеселение и отрада к тебе прибегающим.

Радуйся, мертвеца преславно молитвою твоею ожививый; радуйся, оскудение монастырское в пищи исполнивый.

Радуйся, в сусе месте поток водный тещи у Бога испросивый; радуйся, яко таяжде вода, молитвою твоею исцеляющи недуги, чудодействует.

Радуйся, чудес пучино, Богом излиянная; радуйся, желаемых благ пришедшим к тебе подателю.

Радуйся, Сергие, скорый помощниче и преславный чудотворче.

Кондак 5

Боготечная пресветлая звезда явился еси, преподобне отче Сергие, небо церковное украшаяй и всех блудящих по морю страстнаго жития сего данною тебе от Солнца Правды Христа Иисуса, истиннаго Бога, благодатию озаряяй, мрак печалей и мглу всяких недуг и скорбей прогоняяй, наставляеши всех к тебе с верою притекающих на путь спасенный, к вечному Небесному Отечеству ведущий, поющих Богу: Аллилуиа.

Икос 5

Видев преподобный Сергий, яко в мире сем всяческая суета и тлению причастна, потщася вседушно Превечному Богу благоугодити, и воистину не вотще потрудися: премени бо тленная на нетленная, наипаче же предстояния сподобися у страшнаго Престола Владычня в славе вечней. Темже вопием ему:

Радуйся, яко идеже Христос в телеси, таможде и ты пребываеши; радуйся, тамо, яко в зерцале, в Бозе вся Ему любезная созерцаеши.

Радуйся, яко созерцая в Нем молящихся ти о помощи, молитвою твоею им полезная ходатайствуеши; радуйся, скорый помощниче призывающим тя во бранех православным.

Радуйся, молитвою твоею Российстей стране победы на противныя подаваяй; радуйся, скорбящим скоропредстательный утешителю.

Радуйся, немощей телесных и душевных немздоприемный исцелителю; радуйся, многая чудеса благодатию Духа Святаго содеваяй.

Радуйся, хромым хождение и слепым прозрение подаваяй; радуйся, грозд винный, питающий нас и веселящий.

Радуйся, розго Христа лозы истинныя, мног плод в пособие православным творящая; радуйся, благий рабе и верный, и добрый делателю винограда Христова.

Радуйся, Сергие, скорый помощниче и преславный чудотворче.

Кондак 6

Проповедует держава Российская, богомудре Сергие, труды твоя и болезни, бдение же и сухоядение, ради душевнаго твоего спасения подъятыя, егоже ради прослави тя Господь славою Своею Божественною. Темже, яко рай насажденный, в Церкви явился еси, имущи древо жизни Самаго Господа, от Негоже вкусившии вся скоро гибнущая в мире сем презирают и радостно в прекрасный виноград вышний входят, идеже ты, предстоя Ему, вопиеши: Аллилуиа.

Икос 6

Возсия Церкви и стране нашей Российстей просвещение совершенных твоих добродетелей, преподобне отче Сергие, о нихже благодаряще Отца Небеснаго, давшаго тебе толикую благодать величия Своего, к тебе, яко к теплому о нас молитвеннику, радостная воспеваем тако:

Радуйся, ангельское житие нам являяй; радуйся, страсти греховныя уставляяй.

Радуйся, образе истиннаго смирения; радуйся, зерцало совершеннаго терпения.

Радуйся, наставниче великий спасению; радуйся, приводяй грешных ко исправлению.

Радуйся, известный исполнителю заповедей Христовых; радуйся, душ немощных исцеление.

Радуйся, милостыню творити научаяй; радуйся, ризы и брашна немощным подавати повелеваяй.

Радуйся, пустынниче, мирскую честь и богатство возненавидевый; радуйся, постниче, от юности Богу послуживый.

Радуйся, Сергие, скорый помощниче и преславный чудотворче.

Кондак 7

Хотя избран дом Духу Святому себе сотворити, потщался еси тесным и прискорбным путем, ведущим в жизнь вечную, взем на рамо свое Крест Христов, шествовати, еже благодатию Божиею от юности твоея непорочно в творениих заповедей Господних совершив, достигл еси уготованнаго тебе в небесном всевеселом пребывании воздаяния, и тамо благодарственно поеши Богу: Аллилуиа.

Икос 7

Новую благодать показа всех Творец и Владыка тебе, богомудре Сергие: аще бо и умерл еси на земли плотию, но душею в вышнем селении всегда жив сый, многая и преславная чудеса в мире живущим людем действуеши, и теплым твоим ходатайством пособствуеши, вопиющим к тебе таковая:

Радуйся, девственниче душею и телом; радуйся, иноком наставниче предивный.

Радуйся, душ наших радование; радуйся, быстрое нищим услышание.

Радуйся, скорбящим приятное попечение; радуйся, чистоты усердный хранителю.

Радуйся, ненадежным надеяние; радуйся, всея России увеселение.

Радуйся, древо чудоточное рая Иисусова; радуйся, крине райскаго прозябения.

Радуйся, миро Христова благоухания; радуйся, яко тобою приносится радование.

Радуйся, Сергие, скорый помощниче и преславный чудотворче.

Кондак 8

Странное и преславное чудо является притекающим к тебе, богомудре Сергие: ибо данною тебе Божиею благодатию с верою просящим немедленно от всяких многообразных телесных и душевных скорбей исцеляеши, от бед избавляеши, от напастей охраняеши, и всем всяко благополезное прошение исполняеши, и вопиеши Богу: Аллилуиа.

Икос 8

Весь еси, преподобне отче Сергие, в вышних, но и нижних не оставляеши: присно со Христом Царем Вечным царствуеши и нас, грешных и недостойных, пред Ним воспоминаеши, моляся о спасении нашем. Темже от усердия нашего вопием к тебе сице:

Радуйся, оставльший имение и возлюбивый нищету Христову; радуйся, достигший к неистощимому богатству.

Радуйся, Духу Святому подклонивыйся со всяким смирением; радуйся, воине Христов непобедимый явльшийся.

Радуйся, крилома богомыслия сети вражия сокрушивый; радуйся, смирением возвышаемый, в вечныя кровы возлетевый.

Радуйся, просвещенный внутрь благодатию; радуйся, истребивый страстей мглу душевредную.

Радуйся, в подвизех дневных и нощных течение совершивый; радуйся, в невечернем дни Царствия Божия присно почиваяй.

Радуйся, тамо снедения пищи разумныя сподобльшийся; радуйся, яко того блаженства от Бога вечно удостоивыйся.

Радуйся, Сергие, скорый помощниче и преславный чудотворче.

Кондак 9

Всякое естество ангельское удивися великому свыше тебе дарованию, яко на земли невещественное житие показал еси, и во плоти, аки безплотен, явился еси. Сего ради многих чудес творения от Господа прием, чистою и боголюбезною душею твоею Того благостию к Небесным причтен еси силам, в Небесех ныне поеши всесильному Богу: Аллилуиа.

Икос 9

Витии многовещаннии недоумеют достойно славити тя, достойный всякия славы, славне преподобне отче Сергие, ибо пачеестественная многая преславная чудодействия, еще жив сущь, показал еси, но и по смерти тая благодатию Божиею творити не престаеши. Мы же, любовию понуждаеми, дерзаем пети тебе сице:

Радуйся, земный ангеле и небесный человече; радуйся, во плоти живый духовно, на земли небесно.

Радуйся, в человечестве пребываяй ангельски, в мире премирно; радуйся, душевныма твоима очима выну Господа созерцавый.

Радуйся, пред лицем Божиим, яко раб пред Господем, ходивый; радуйся, пред Оным, яко сын пред Отцем, яко ученик пред Учителем, шествовавый.

Радуйся, яко воин пред Воеводою готов сый вся повеленная Им творити; радуйся, добрый стада своего иночествующих наставниче и правителю.

Радуйся, шествовавый от силы в силу, дондеже явися тебе Бог богов в Сионе; радуйся, Единаго Господа возлюбивый и к Нему очеса своя выну имевый.

Радуйся, во вся дни живота своего Его искавый и в Нем намерение полагавый; радуйся, ничесого на Небеси и на земли, разве Христа Иисуса, видети желавый.

Радуйся, Сергие, скорый помощниче и преславный чудотворче.

Кондак 10

Спасти хотя душу твою, в юности возраста своего отреклся еси воли своея и во знамение отсечения ея постригл еси власы главы своея, и был еси монах, покоривый себе воли Божией и начальником, от Него поставленным, ихже веления тако слушал еси, яко Самаго Господа, никогда же прекословя, но слову веления исполнением дела отвещавая. Всяческая же приключения благодарно, яко верный раб, от Господа приимал еси, Емуже на Небесех предстоя, ныне вопиеши: Аллилуиа.

Икос 10

Стена еси всем человеком, к заступлению твоему прибегающим, преподобне богомудре Сергие. Темже и нам, к тебе приходящим и милостиваго твоего во всяких нуждах заступления у Царя Небеснаго просящим, буди стена крепкая и ограждение непреоборимое, от всяких нас бед и напастей застеняя и ограждая, за еже мы вопием тебе таковая:

Радуйся, воине Царя Небеснаго, не обязавыйся куплями житейскими, да Ему угоден будеши; радуйся, не восхотевый двема господинома, Богу и миру, работати, но Единому Богу точию.

Радуйся, от юности на тело свое, на мир сей и диавола вооруживыйся; радуйся, постом, поклоны, стоянием на молитве, бдением умертвивый плоть свою.

Радуйся, умертвивый оную прежде, нежели она жива страстем бяше; радуйся, мертву содеявый гортань противу приимания сластей.

Радуйся, мертв сотворивый язык противу глаголания скверных, клеветных и ложных; радуйся, мертвы устроивый ушеса противу слышания душевредных.

Радуйся, мертвы содеявый руце противу грабления и всяких зол творения; радуйся, мертво сотворивый чрево противу объядения и пиянства.

Радуйся, мертва соделавый трудами чресла своя противу нечистоты; радуйся, мертвы сотворивый нозе противу течения в путь грешников и на совет нечестивых.

Радуйся, Сергие, скорый помощниче и преславный чудотворче.

Кондак 11

Пение благодарственное благотворителю Христу Иисусу, тя, преподобне отче, прославляюще, вси православнии взывают, яко даровал ти многих чудес силу творения: слепыя просвещати, прокаженныя очищати, больныя врачевати, бесныя от демонскаго дручения свобождати, толико сильне, якоже и не у приведенным к тебе бывшим бесным, еще на пути демони от них отбегаху и ктому не возвращахуся, боящеся в тебе силы Божия, юже выну в Небесех прославляя, вопиеши Богу: Аллилуиа.

Икос 11

Светозарное светило в православной Российстей державе и во всей вселенней благодатию немерцающаго Солнца, Христа Иисуса, просвещающею возсиявшее, зрим тя, богомудре отче: с невещественными бо в вышних предстоя Престолу Троицы Пресвятыя, радости превеликия исполнен еси и Божественными лучами Трисолнечнаго Света осияваемь, облистаеши верныя, вопиющия к тебе таковая:

Радуйся, возшедый на гору превысоку добродетелей Божественных; радуйся, яко от тоя удобь возшел еси на гору небесную.

Радуйся, яко от обители земныя во обитель небесную водворился еси; радуйся, яко восходя тамо душею, нам мощи твоя святыя оставил еси.

Радуйся, яко мощи твоя исцелевают всякия скорби и болезни; радуйся, яко мощей твоих демони трепещут.

Радуйся, яко твоя мощи комуждо в приключшихся печалех бывают увеселение; радуйся, душею востекий в Сион Горний к Царю Небесному.

Радуйся, яко тамо предстоя, о всех к Нему тепле ходатайствуеши; радуйся, яко благоутробие Его о всех чтущих память твою умилостивляеши.

Радуйся, стране нашей на противных победу молитвою твоею содеваеши; радуйся, всем верным всякое прошение во их пользу исполняеши.

Радуйся, Сергие, скорый помощниче и преславный чудотворче.

Кондак 12

Благодать, данную ти от Бога, сведуще, тебе, приснаго нашего милостиваго отца, прилежно просим: пролей ныне теплую твою молитву о нас, грешных, ко Господу, яко да презрев вся наша согрешения, дарует победы на враги, яко царю Константину на Максентиа, яко Давиду на Голиафа; державу Российскую да укрепит, Церковь Свою Святую от распрей и расколов непозыблему да сохранит, обилие всяких плодов земли да дарует и вся православныя христианы да спасет и помилует, чесого от Него твоими молитвами улучити ожидающе, вопием Ему: Аллилуиа.

Икос 12

Поюще дивнаго во святых Своих Царя Небеснаго, прославльшаго тя, вернаго Своего раба, преподобнаго отца Сергия, милостивое твое, скорое нам во всяких нуждах и печалех поможение прославляем, ибо в тебе в Троице прославляемый Бог наш преславным многим чудодействием дивно прославися, о чесом удивляющеся вопием к тебе сице:

Радуйся, великославный Российский наш заступниче, отче Сергие; радуйся, совершенный в добродетелех человече.

Радуйся, дивный подражателю совершенства Отца нашего Небеснаго; радуйся, преблагий и добрый наставниче иноков.

Радуйся, образе пустынножителей и устроителю общаго жития; радуйся, всех православных скорый помощниче и заступниче.

Радуйся, Царя Небеснаго и Бога известный умилостивителю; радуйся, многажды заступлением твоим прошения предваряяй.

Радуйся, покрове, Богом зданный, имже покрываются мнози; радуйся, ленивых подвигнувый твоими христоподражательными нравы.

Радуйся, доброзрачное света евангельскаго всесветлое сияние; радуйся, Трисолнечнаго Святыя Троицы света выну просвещающее озарение.

Радуйся, Сергие, скорый помощниче и преславный чудотворче.

Кондак 13

О чудотворче преславный и заступниче всем нам во всяких бедах и скорбех скорый и пречудный, богомудре отче Сергие! Нынешнее наше приими приношение и богоприятным твоим ходатайством умоли Господа сил силу свыше православному нашему воинству на сопротивныя подати, и нам всем, Того благодатию очистившимся, от геены избавитися, и грядущая в Небесех благая улучити, вопиющим Ему: Аллилуиа.

Этот кондак читается трижды, затем 1-й икос «Ангелов Творец…» и 1-й кондак «Возбранный от Царя сил…».

Молитва первая

О священная главо, преподобне и Богоносне отче наш Сергие, молитвою твоею, и верою, и любовию, яже к Богу, и чистотою сердца, еще на земли во обитель Пресвятыя Троицы душу твою устроивый, и ангельскаго общения и Пресвятыя Богородицы посещения сподобивыйся, и дар чудодейственныя благодати приемый, по отшествии же твоем от земных наипаче к Богу приближивыйся, и небесныя силы приобщивыйся, но и от нас духом любве своея не отступивый, и честныя твоя мощи, яко сосуд благодати полный и преизливающийся, нам оставивый! Велие имея дерзновение ко Всемилостивому Владыце, моли спасти рабы Его, сущей в тебе благодати Его верующия и к тебе с любовию притекающия. Испроси нам от Великодаровитаго Бога нашего всякий дар, всем и коемуждо благопотребен, веры непорочны соблюдение, градов наших утверждение, мира умирение, от глада и пагубы избавление, от нашествия иноплеменных сохранение, скорбящим утешение, недугующим исцеление, падшим возставление, заблуждающим на путь истины и спасения возвращение, подвизающимся укрепление, благоделающим в делах благих преуспеяние и благословение, младенцем воспитание, юным наставление, неведущим вразумление, сиротам и вдовицам заступление, отходящим от сего временнаго жития к вечному благое уготовление и напутствие, отшедшим блаженное упокоение, и вся ны споспешествующими твоими молитвами сподоби в день Страшнаго суда шуия части избавитися, десныя же страны общники быти и блаженный оный глас Владыки Христа услышати: приидите, благословеннии Отца Моего, наследуйте уготованное вам царствие от сложения мира. Аминь.

Молитва вторая

О священная главо, преподобне отче, преблаженне авво Сергие великий! Не забуди убогих своих до конца, но поминай нас во святых своих и благоприятных молитвах к Богу. Помяни стадо свое, еже сам упасл еси, и не забуди посещати чад своих. Моли за ны, отче священный, за дети своя духовныя, яко имея дерзновение к Небесному Царю, не премолчи за ны ко Господу и не презри нас, верою и любовию чтущих тя. Поминай нас, недостойных, у престола Вседержителева, и не престай моляся о нас ко Христу Богу, ибо дана тебе бысть благодать за ны молитися. Не мним бо тя суща мертва: аще бо и телом преставился еси от нас, но и по смерти жив сый пребываеши. Не отступай от нас духом, сохраняя нас от стрел вражиих, и всякия прелести бесовския, и козней диавольских, пастырю наш добрый; аще бо и мощей твоих рака пред очима нашима видима есть всегда, но святая твоя душа со ангельскими воинствы, со безплотными лики, с Небесными силами, у престола Вседержителя предстоящи, достойно веселится. Ведуще бо тя воистину и по смерти жива суща, тебе припадаем и тебе молимся, еже молитися о нас Всесильному Богу о пользе душ наших, и испросити время на покаяние, и о невозбранном преитии от земли на Небо, мытарств же горьких, бесов, воздушных князей и вечныя муки избавится, и Небесному Царствию наследником быти со всеми праведными, от века угодившими Господу нашему Иисусу Христу, Емуже подобает всякая слава, честь и поклонение со Безначальным Его Отцем и с Пресвятым, и Благим, и Животворящим Его Духом ныне, и присно, и во веки веков. Аминь.

Молитва третья

О Небеснаго гражданине Иерусалима, преподобне отче Сергие! Воззри на нас милостиво и к земли приверженных возведи к высоте Небесней. Ты горе на Небеси; мы, на земли низу, удалены от тебе не толико местом, елико грехами своими и беззакониями; но к тебе, яко нам сродному, прибегаем и взываем: настави нас ходити путем твоим, вразуми и руководствуй. Свойственно есть тебе, отче наш, благоутробие и человеколюбие: на земли живущу, не о своем токмо спасении бысть тебе попечение, но и о всех к тебе притекающих. Наставления твоя быша тростию книжника скорописца, на сердце каждаго глаголы жизни начертавающаго. Не телесныя токмо врачевал еси болезни, но паче душевных врач изящный явился еси; и вся твоя святая жизнь бысть зерцалом всякия добродетели. Аще толик был еси, святче Божий, на земли, колик ныне еси, на Небеси! Ты днесь предстоиши Престолу Света Неприступнаго и в нем, яко в зерцале, зриши вся наша нужды и прошения; ты водворяешися вкупе со Ангелы, о едином грешнице кающемся радующимися. И человеколюбие Божие есть неистощимо, и твое к Нему дерзновение много, не престани о нас вопия ко Господу. Испроси предстательством своим у Всемилостиваго Бога нашего мир Церкви Его, под знамением креста воинствующей, согласие в вере и единомудрие, суемудрия же и расколов истребление, утверждение во благих делех, больным исцеление, печальным утешение, обиженным заступление, бедствующим помощь. Не посрами нас, к тебе с верою притекающих. Аще бо и недостойни есмы толикаго отца и ходатая, но ты, быв подражатель человеколюбия Божия, сотвори нас достойны чрез обращение от злых дел к благому житию. Вся богопросвещенная Россия, твоими чудесы исполненная и милостями облагодетельствованная, исповедует тя быти своего покровителя и заступника. Яви древния милости твоя и ихже отцем спомоществовал еси, не отрини и нас, чад их, стопами их к тебе шествующих. Веруем, яко духом нам соприсутствуеши. Идеже бо есть Господь, якоже слово Его учит нас, тамо и слуга Его будет. Ты верный еси раб Господень, и Богу везде сущу, ты в Нем еси, и Он в тебе есть, паче же и телом с нами еси. Се нетленныя и живоносныя твоя мощи, яко сокровище безценное, вручи нам чудес Бог. Предстояще им, яко тебе живу сушу, припадаем и молимся: приими моления наша и вознеси их на жертвенник благоутробия Божия, да приимем тобою благодать и благовременну в нуждах наших помощь. Укрепи наше малодушие и утверди нас в вере, да несомненно уповаем получити вся благая от благосердия Владыки молитвами твоими. Паству же твою духовную, тобою собранную, не престани управляти жезлом духовныя мудрости: подвизающимся помози, разслабленных возстави, споспеши иго Христово нести во благодушии и терпении и всех нас управи в мире и покаянии скончати живот наш и преселитися со упованием в блаженная недра Авраамова, идеже ты радостно по трудех и подвизех ныне почиваеши, прославляя со всеми святыми Бога, в Троице славимаго, Отца и Сына и Святаго Духа. Аминь.

АКАФИСТ ПРЕПОДОБНОМУ СЕРГИЮ РАДОНЕЖСКОМУ (ИНОЙ)

Кондак 1

Возбра́нный воево́до во́инов духо́вных, под зна́мением Креста́ во́инствующих на неви́димаго врага́, Се́ргие чудотво́рче: я́ко изба́вльшеся от бед твои́ми победоно́сными предста́тельствы, в бра́ни жития́ сего́, похва́льная воспису́ем тебе́ в хвале́ небе́сней торжеству́ющему добропобе́дно: ты же я́ко име́я дерзнове́ние к Непобеди́мому Царю́, посо́бствуй хода́тайственно всем ве́рно призыва́ющим тя, да́руя побе́ду на ви́димыя и неви́димыя враги́, да зове́м ти:

Ра́дуйся, преподо́бне чудотво́рче Се́ргие, о́тче наш.

Икос 1

А́нгелов Творе́ц в Тро́ице Бог, сла́вимый от тро́йственных священнонача́лий а́нгельских трисвяты́ми гла́сы, избра́ тя, преподо́бне Се́ргие, во равноа́нгельное священнослуже́ние Себе́ еще́ от утро́бы ма́терни, в нейже трикра́ты во вре́мя Святы́я Литурги́и пачеесте́ственно возгласи́л еси́. Тем я́ко подобноа́нгельному служи́телю Святы́я Тро́ицы, в ра́дости неизрече́нной со а́нгелы водворя́ющемуся, ра́достная приглаша́ем тебе́ си́це:

Ра́дуйся, от чре́ва ма́терня освяще́нный.

Ра́дуйся, в рожде́нии твое́м Варфоломе́й, си́речь сын ра́дости нарече́нный.

Ра́дуйся, безпло́тных священнонача́льствию а́нгельским во пло́ти житие́м твои́м подража́вый.

Ра́дуйся, о́гненную в се́рдце твое́м к Бо́гу любо́вь серафи́мски стяжа́вый.

Ра́дуйся, херуви́мски просвеще́нный зна́нием о Бо́зе.

Ра́дуйся, Престо́лу Его́ предста́вый в дерзнове́нии мно́зе.

Ра́дуйся, госпо́дствию ду́ха плоть свою́ покори́вый.

Ра́дуйся, си́лу дарова́ния в чудесе́х яви́вый.

Ра́дуйся, име́яй власть проти́вныя вла́сти тмы побежда́ти.

Ра́дуйся, нача́льствующих наста́вивый богоуго́дно управля́ти.

Ра́дуйся, арха́нгельски Бо́жия дела́ возвеща́яй.

Ра́дуйся, всех прибега́ющих к тебе́ от бед а́нгельски сохраня́яй.

Ра́дуйся, преподо́бне чудотво́рче Се́ргие, о́тче наш.

Кондак 2

Ви́дяще стра́нное твое́ воздержа́ние, великочуде́сне Се́ргие, я́ко от дне рожде́ния не ссал еси́ в сре́ду и пято́к, и никако́ва же вкуша́л еси́ млека́: отсю́ду позна́хом тя, от сосе́ц ма́терних, чудотво́рца и по́стника су́ща. Сего́ ра́ди Бо́га из уст младе́нец и ссу́щих хвалу́ соверша́ющаго похваля́юще, зове́м: Аллилу́иа.

Икос 2

Ра́зум безчи́сленный подава́я лю́дем Бог ра́зумов Госпо́дь, отве́рзе тебе́ ум разуме́ти писа́ния, Се́ргие преподо́бне, пре́жде ко́сну и неудо́бну ко изуче́нию кни́жныя прему́дрости бы́вшу, да яви́тся, я́ко не от челове́к, но и от Бо́га прия́л еси́ ра́зум кни́жный: о не́мже обра́дованный от я́вльшагося тебе́ во о́бразе и́ночестем а́нгела, приими́ от нас ра́достное пе́ние сие́:

Ра́дуйся, изучи́вый во пе́рвых че́сти сло́во, е́же в нача́ле бе у Бо́га.

Ра́дуйся, обреты́й в нем сокро́вище прему́дрости и ра́зума мно́га.

Ра́дуйся, на хартии́ телесе́ Христо́ва, а́ки пять слове́с, пять язв больши́х прочита́вый.

Ра́дуйся, в Писа́нии том живо́т ве́чный испыта́вый.

Ра́дуйся, ум твой к Небеси́ чте́нием книг боже́ственных воспери́вый.

Ра́дуйся, во творе́нии руку́ Его́ себе́ поучи́вый.

Ра́дуйся, навы́кнувый храни́ти страх Бо́жий прему́дрости нача́ло.

Ра́дуйся, всем соуча́щымся к тебе́ бы́вый доброде́тели зерца́ло.

Ра́дуйся, на скрижа́ли се́рдца своего́ Зако́н Бо́жий написа́вый.

Ра́дуйся, уче́ние сие́ всем послу́шающым тя преда́вый.

Ра́дуйся, ю́ность твою́ в целому́дрии обучи́вый.

Ра́дуйся, я́ко де́ву чи́сту Жениху́ Христу́ себе́ обручи́вый.

Ра́дуйся, преподо́бне чудотво́рче Се́ргие, о́тче наш.

Кондак 3

Си́ла Вы́шняго осени́, преподо́бне, непоро́чную твою́ ду́шу, в нейже страх Бо́жий заче́нши, и поболе́вши мно́гими труды́, разли́чная искуше́ния и ско́рби му́жественно претерпе́вши, родила́ еси́ дух спасе́ния, пою́щи всеси́льному Бо́гу: Аллилу́иа.

Икос 3

Имы́й помышле́ние таково́е в себе́, преподо́бне Се́ргие, по сме́рти роди́телей свои́х, я́ко вся́ко умре́ти и́мать, благоразу́мно разсуди́в кра́ткость сея́ жи́зни, разда́л еси́ вся оста́вльшая име́ния ни́щым, ничто́же на пропита́ние себе́ оставля́я, ны́не у́бо в присносу́щных бога́тствех безсме́ртныя насыща́яся сла́вы, слы́шиши от нас такова́я:

Ра́дуйся, любве́ ра́ди Зижди́теля своего́ земна́я к земли́ возврати́вый.

Ра́дуйся, приобре́тения ра́ди Христо́ва, уме́ты вся бы́ти вмени́вый.

Ра́дуйся, отвергий бога́тство, я́ко те́рние подавля́ющее се́мена духо́вна.

Ра́дуйся, возненави́девый то, я́ко вещество́ пла́мене грехо́вна.

Ра́дуйся, блаже́нство нищеты́ духо́вныя сподо́бльшийся прия́ти.

Ра́дуйся, восхоте́вый нище́тне вни́ти в Небе́сное Ца́рствие у́зкими враты́, и в простра́нстве ста́ти.

Ра́дуйся, и́го Христо́во благо́е и бре́мя ле́гкое понесы́й измла́да.

Ра́дуйся, не обрати́выйся вспять в ше́ствии до Го́рняго гра́да.

Ра́дуйся, пре́жде кончи́ны твоея́ во умерщвле́ние страсте́й облече́нный.

Ра́дуйся, во умерщвле́нном телеси́ нетле́ния ри́зою украше́нный.

Ра́дуйся, бога́тства неги́блющаго в животе́ ве́чнем облада́телю.

Ра́дуйся, непостижи́мыя сла́вы святы́х созерца́телю.

Ра́дуйся, преподо́бне чудотво́рче Се́ргие, о́тче наш.

Кондак 4

Бу́ря безме́рная лука́вых духо́в, многоразли́чне тща́шеся препя́ти твоему́, преподо́бне Се́ргие, трудолю́бному житию́: овогда́ бо в зве́ри и зми́и преобразова́хуся, овогда́ же я́ко не́кое во́инство со я́ростию устремля́хуся на тя свире́по: ты же му́жественно моли́твою себе́ вооружа́я, прогна́л еси́ вся их бесо́вская по́лчища, не убоя́вся ко́зней их, зовы́й Бо́гу: Аллилу́иа.

Икос 4

Слы́шаще твое́ терпеливоду́шное в безмо́лвии житие́, преблаже́нне, мно́зи от окре́стных градо́в и стран стека́хуся к тебе́ по́льзы ра́ди, ини́и же хотя́ще с тобо́ю жи́ти и наставля́тися от тебе́ на путь спасе́ния: и́хже любе́зно прие́мля, созда́л еси́ к моле́нию це́рковь во и́мя Пресвяты́я Тро́ицы, устроева́я наипа́че самого́ себе́ в жили́ще досто́йно Еди́ному в Тро́ице Бо́гу. Сего́ ра́ди похваля́ем тя, глаго́люще:

Ра́дуйся, трича́стное души́ твоея́ к Бо́гу Триипоста́сному впери́вый.

Ра́дуйся, Бо́га Отца́ ве́тхаго де́нми воспомина́нием дре́вних благодея́ний Бо́жиих в па́мяти твое́й носи́вый.

Ра́дуйся, я́ко му́дрость Сы́на, прему́дре о нас смотре́ние соверши́вшаго, в ра́зуме твое́м сия́ше.

Ра́дуйся, я́ко благода́ть Бо́га Ду́ха Свята́го в во́ли твое́й благи́х хоте́вшей обита́ше.

Ра́дуйся, три изря́дныя доброде́тели и́ночества твоего́ же́ртвовавый Тро́ице неле́стно.

Ра́дуйся, отда́вый послуша́ние Бо́гу Отцу́, Ему́же Сын послушли́в бе да́же до сме́рти кре́стныя.

Ра́дуйся, нищету́ твою́ Бо́гу Сы́ну обнища́вшему нас ра́ди, в пло́ти твое́й яви́вый смире́нно.

Ра́дуйся, чистоту́ свою́ Свято́му Ду́ху, в чи́стых сердца́х живу́щему, сохрани́вый нетле́нно.

Ра́дуйся, с доброде́тельными твои́ми плоды́ возложи́вый на Бо́га Отца́ ве́ру всеце́лу.

Ра́дуйся, окрила́тевый я́ко оре́л, наде́ждею на Бо́га Сы́на, собира́ющаго нас ко Своему́ Те́лу.

Ра́дуйся, Бо́га Ду́ха Свята́го, во о́гненных соше́дшаго язы́цех, о́гненною любо́вию возлюби́вый.

Ра́дуйся, и́хже о́ко не ви́де, и у́хо не слы́ша, и на се́рдце челове́ку не взыдо́ша, сия́ от Тро́ицы получи́вый.

Ра́дуйся, преподо́бне чудотво́рче Се́ргие, о́тче наш.

Кондак 5

Богото́чный исто́чник пресве́тлых чуде́с яви́лся еси́, сла́вне Се́ргие, излива́я благоуго́дных вод струи́, стремле́нием свои́м веселя́щыя град Бо́жий, оби́тель Пресвяты́я Тро́ицы, па́че же и лице́ всея́ земли́ напая́ющыя оби́льно: отону́ду же всяк с ве́рою почерпа́я, мно́гая исцеле́ния прие́млет, просла́вльшему тя Бо́гу благода́рственно зовы́й: Аллилу́иа.

Икос 5

Ви́девше Росси́йстии сы́нове пречу́дное по Бо́зе житие́ твое́, Се́ргие преподо́бне, я́ко и а́ще последи́ ле́ты в новопросвеще́нной стране́ Росси́йстей возра́сл еси́, но дре́вних преподо́бных оте́ц че́сти сподо́бился еси́, дарова́ния чуде́с досто́йно прие́м от Бо́га, того́ ра́ди научи́шася пе́ти тебе́:

Ра́дуйся, Анто́нию Вели́кому равнострада́льне в терпе́нии бесо́вских возста́ний.

Ра́дуйся, Феодо́сию общежи́тельства нача́льнику подобонра́вне, в хране́нии общежи́тельных преда́ний.

Ра́дуйся, Са́вве Освяще́нному во мно́жественном числе́ ученико́в счи́сленный.

Ра́дуйся, Арсе́нию му́жества и́мя нося́щему, в духо́вном му́жестве сравне́нный.

Ра́дуйся, со Иоа́нном Ле́ствичником восхожде́ние в се́рдце свое́м к Небеси́ положи́вый.

Ра́дуйся, с Мака́рием блаже́нство в нетле́нном твое́м телеси́ получи́вый.

Ра́дуйся, Ону́фрию Вели́кому подража́вый житие́м в пусты́ни.

Ра́дуйся, Паи́сию Вели́кому после́довавый во вся́кой святы́ни.

Ра́дуйся, Симео́на Сто́лпника приме́ром высо́кий столп доброде́телей созда́вый.

Ра́дуйся, Па́вла Препро́стаго се́рдца незло́бие во всем житии́ свое́м показа́вый.

Ра́дуйся, Афана́сию безсме́ртия уча́стниче, не и́менем, но дела́ми.

Ра́дуйся, с Евфи́мием благоду́шным в безконе́чныя весе́лия возше́дый его́же стопа́ми.

Ра́дуйся, преподо́бне чудотво́рче Се́ргие, о́тче наш.

Кондак 6

Пропове́дует Росси́йский род пресла́вная и неисче́тная твоя́ чудеса́, изрядносла́вне чудотво́рче Се́ргие: коль мно́зи от духо́в нечи́стых избавлени тобо́ю бы́ша, коль мно́зи от разли́чных неду́гов, бед и напа́стей твои́ми спасо́шася моли́твами. Ты бо еси́ кре́пкий во бра́нех су́щым помо́щник, боля́щым врачь, оби́димым засту́пник: ты всем вся моги́й о чудоде́йствующем тобо́ю Христе́, да всех научи́ши пе́ти: Аллилу́иа.

Икос 6

Возсия́ па́че со́лнца воздержа́ние твое́, преподо́бный: егда́ не пеки́йся о бра́шне, е́же не поста́вит нас пред Бо́гом, ску́дости ра́ди в монастыре́ твое́м, без пи́щи три дни пребы́вшу бра́тию и во мра́це ско́рби су́щую, озари́л еси́ луча́ми благода́рственнаго терпе́ния, и́стиннаго воздержа́ния и несомне́ннаго упова́ния на Бо́га: от Него́же а́бие оби́льство всех благ твои́ми моли́твами получи́вше, воспе́ша тебе́ си́це:

Ра́дуйся, преподо́бнейший а́лчущих пита́телю.

Ра́дуйся, и духо́внаго насыще́ния тре́бующым пода́телю.

Ра́дуйся, алка́вый и жа́ждавый пра́вды, насыща́яйся же ны́не.

Ра́дуйся, посажде́нный на трапе́зе небе́сней в по́стническом чи́не.

Ра́дуйся, отложи́вый о тле́нной пи́щи попече́ние безме́стно.

Ра́дуйся, испо́лнивый оби́тель свою́ бра́шны принесе́нными безве́стно.

Ра́дуйся, бла́гостию Бо́жиею, а не то́кмо бра́шны, сердца́ на́ша утвержда́яй.

Ра́дуйся, глаго́лом, исходя́щим из уст Бо́жиих па́че, не́же хле́бом, насыща́яй.

Ра́дуйся, бра́шно де́лавый пребыва́ющее в живо́т ве́чный, а не бра́шно теле́сно.

Ра́дуйся, в кре́пости я́ди тоя́ ше́ствовавый да́же до Горы́ Небе́сныя.

Ра́дуйся, побежда́яй враги́ на́ша моли́твами твои́ми, я́ко хле́бом ви́денным у Гедео́на.

Ра́дуйся, вкуша́яй хле́ба а́нгельскаго во дво́рех вы́шняго Сио́на.

Ра́дуйся, преподо́бне чудотво́рче Се́ргие, о́тче наш.

Кондак 7

Хотя́щу преблаже́нному Алекси́ю, Всеросси́йскому па́стырю, от ны́нешняго ве́ка преле́стнаго преста́витися, призва́н был еси́ богоно́сне Се́ргие, да прии́меши по нем сан святи́тельства, обруче́ннаго тебе́ от него́ возложе́нием креста́ архиере́йскаго, зла́том и ка́мением украше́ннаго: ты же смиренному́дрия люби́теля, не златоно́сца себе́ явля́я, и толи́каго са́на недосто́йна бы́ти вмени́в, смиренному́дренно при кресте́ и́ноческаго терпе́ния твоего́, судьбы́ Госпо́дни вожделе́нныя па́че зла́та и ка́мене че́стна храни́ти восхоте́л еси́, зовы́й Бо́гу: Аллилу́иа.

Икос 7

Но́вое не́бо от высоты́ жития́ твоего́ разумева́ем тя, о́тче, дея́нием и виде́нием, а́ки двема́ заве́сома утвержде́на, неисче́тными же чудесы́ я́ко зве́здами блиста́юща. Тебе́ кра́сная я́ко луна́ Богоро́дица, со святы́ми апо́столы Петро́м и Иоа́нном, а́ки со заре́ю вече́рнею и денни́цею у́треннею, посеща́ше. Чрез зна́мения у́бо доброде́телей твои́х, пра́вды со́лнце мы́сленное Христо́с Госпо́дь, тече́ние Свое́ творя́, просвеща́ет всех зову́щих ти си́це:

Ра́дуйся, во ю́ности посвяти́вый в же́ртву прия́тну Бо́гови, я́ко юнца́, себе́ самаго́.

Ра́дуйся, сохрани́вый невре́дно целому́дрие де́вства драга́го.

Ра́дуйся, прехожде́нием свои́м в пусты́нях мно́гия оби́тели насади́вый.

Ра́дуйся, чудотво́рных вод, от Бо́га умоле́нием, че́рплющих всех наслади́вый.

Ра́дуйся, возмоги́й рыка́ющаго диа́вола, я́ко льва му́жественно победи́ти.

Ра́дуйся, с се́ю побе́дою удосто́ивыйся во врата́ сла́вы торже́ственно вни́ти.

Ра́дуйся, навы́кнувый кро́тости от А́гнца, взе́млющаго вся зла́я.

Ра́дуйся, я́ко за соблюде́ние пра́вды получи́л еси́ ве́чная блага́я.

Ра́дуйся, щито́м ве́ры угаси́вый вся разжже́нная лука́ваго стре́лы.

Ра́дуйся, сокруши́вый седмь глав зло́бы а́дскаго зми́я, седмь грехо́в сме́ртных проти́вными благи́ми де́лы.

Ра́дуйся, совоку́плену име́яй любо́вь к Бо́гу и бли́жним.

Ра́дуйся, источа́яй от ра́ки своея́ цельбы́ в по́льзу нам ни́жним.

Ра́дуйся, преподо́бне чудотво́рче Се́ргие, о́тче наш.

Кондак 8

Стра́нное и ужа́сное виде́ние ви́де Моисе́й Богови́дец, я́ко купина́ горя́щи, и не сгара́ше: ужа́снаго сподо́бися виде́ния и учени́к твой Си́мон, егда́ служа́щу ти Боже́ственную Литурги́ю, ви́де невеще́ственный огнь, осеня́ющь олта́рь и окружа́ющь свяще́нную трапе́зу: тебе́ же, преподо́бне Се́ргие, от главы́ до ногу́ во огни́ стоя́щу, и тем соше́дшим, а́ки плащани́ца, во Святу́ю Ча́шу, небе́сным прича́щшагося огне́м, Бог бо наш огнь есть пояда́яй: оба́че тя не опали́, но па́че просвети́, во е́же пе́ти: Аллилу́иа.

Икос 8

Весь род Росси́йский, воеди́но совоку́пленный, не возмо́жет благода́рственнаго возда́ти похвале́ния предста́тельству твоему́, достохва́льне Се́ргие: не то́чию бо близ притека́ющих к цельбоно́сному твоему́ гро́бу, но и дале́че отстоя́щих, и призыва́ющих всечестно́е твое́ и́мя, те́плым твои́м предста́тельством защища́еши и храни́ши от вся́каго зла. Ели́ко у́бо возмо́жно благода́рствующе похваля́ем тя таковы́ми гла́сы:

Ра́дуйся, служи́телю Бо́жий о ве́рных умоля́яй.

Ра́дуйся, наста́вниче гре́шных к Небеси́ направля́яй.

Ра́дуйся, души́ бе́дствующия и те́ла многомо́щный храни́телю.

Ра́дуйся, оскорбля́емым те́плый покрови́телю.

Ра́дуйся, предводи́телю до́брый в путь спасе́ния теку́щым.

Ра́дуйся, защи́тителю до́брый во бра́ни ми́ра су́щым.

Ра́дуйся, цели́телю изя́щный боле́зни душе́вной и теле́сной.

Ра́дуйся, просвети́телю чу́дный обою́ тмы очесно́й.

Ра́дуйся, посети́телю ско́рый в не́мощи лежа́щым.

Ра́дуйся, уте́шителю му́дрый в беда́х слезя́щым.

Ра́дуйся, пособи́телю кре́пкий во́ем христиа́нским.

Ра́дуйся, прогони́телю стра́шный по́лчищем пога́нским.

Ра́дуйся, преподо́бне чудотво́рче Се́ргие, о́тче наш.

Кондак 9

Вся́кую стяжа́л еси́ чудоде́йствия си́лу, благода́тию ди́внаго во святы́х Свои́х Бо́га, всебога́те Се́ргие: не то́кмо бе́сы от челове́к ды́мом моли́тв твои́х прогна́л еси́, я́ко Рафаи́л; прокаже́нныя очи́стил еси́, в пролия́нии пред Бо́гом слез, я́ко во Иорда́не Елисе́й; плене́нныя от ва́рвар, ско́ро предвари́в освободи́л еси́, я́ко Никола́й Чу́дный; уме́ршаго же о́трока воскреси́в, животворя́щему ме́ртвыя, и зову́щему не су́щая, я́ко су́щая, Бо́гу, о всех пресла́вных твои́х чудотворе́ниих созыва́л еси́ всех воспе́ти: Аллилу́иа.

Икос 9

Вети́я суему́дренныя отсту́пническия обличи́л еси́, предста́в во сне пресви́теру Симео́ну, не низпа́дшему в злоче́стие тщесо́вестное и по преставле́нии твое́м отве́рженное от тебе́: те́мже вси и́стинная Восто́чныя Святы́я Це́ркве ча́да иму́ще тя столпа́ церко́внаго в ве́ре непоколеби́ма, ублажа́ют си́це:

Ра́дуйся, злосла́вное отсту́пническое любому́дрие укори́вый.

Ра́дуйся, правове́рных благоче́стие уясни́вый.

Ра́дуйся, и́стинныя прему́дрости содержа́вый догма́ты.

Ра́дуйся, научи́вый не пре́нием, но ве́рою возмога́ти.

Ра́дуйся, обличи́вый отступле́ние ве́ры, я́ко всем злым вино́вно.

Ра́дуйся, правове́рных в преда́нии святы́х оте́ц утверди́вый богосло́вно.

Ра́дуйся, не благоволи́вый в злове́рных многоглаго́ланию вре́дному.

Ра́дуйся, упраздни́вый тех великому́дрствие о благоре́чии тще́тном.

Ра́дуйся, не вне́шними словесы́, но Бо́жиим свиде́тельством вооруже́нный.

Ра́дуйся, на ка́мени краеуго́льном Христе́, неподви́жимою ве́рою утвержде́нный.

Ра́дуйся, благоче́стно тече́ние сконча́вый, и ве́ру соблюды́й нескве́рну.

Ра́дуйся, в венце́ пра́вды предста́вый Све́ту невече́рню.

Ра́дуйся, преподо́бне чудотво́рче Се́ргие, о́тче наш.

Кондак 10

Спасе́ния ра́ди хотя́щему ученику́ твоему́ Исаа́кию молчали́вое храни́ти житие́, и прося́щему на се у тебе́ благослове́ния, повеле́л еси́ приити́ во вре́мя Боже́ственныя Литурги́и ко олтарю́, иде́же егда́ благословля́л еси́ его́, ви́де он а́ки не́кий вели́к пла́мень изше́д от руку́ твое́ю, чудотво́рче, и прикосну́вшийся ему́, я́ко клеще́ю огнь от олтаря́ взе́мшею, благословя́щею твое́ю руко́ю: се же бысть ему́ к потребле́нию неключи́маго праздносло́вия, к утвержде́нию же в безстра́стном молча́нии с Серафи́мы пе́ти Бо́гу: Аллилу́иа.

Икос 10

Стена́ вели́ка и высо́ка, иму́щая основа́ний двана́десять неподви́жимых догма́т Правосла́вныя на́шея ве́ры, ты еси́, адамантоду́шне Се́ргие, остеня́я велеле́потне пречестну́ю свою́ оби́тель, а́ки град вели́кий святы́й Иерусали́м, низше́дый ро́ссом с небесе́, от Бо́га иму́щь сла́ву Бо́жию в чудесе́х твои́х, и украше́ние вся́ким драги́м ка́мением многоце́нных твои́х моли́тв, и́миже остеня́еши всех зову́щих ти си́це:

Ра́дуйся, преподо́бне, я́ко иа́спис пресве́тлейший, во всей подсо́лнечной сия́яй чуде́сно.

Ра́дуйся, я́ко сапфи́р невообра́зный, блиста́яй нам житие́ поднебе́сно.

Ра́дуйся, я́ко халкидо́н углеви́дный, огне́м любве́ Бо́жия разжже́нный.

Ра́дуйся, я́ко смара́гд зелене́ющий, присновесе́нним венце́м увя́зенный.

Ра́дуйся, я́ко сардо́никс, но́гтя нечу́вственнаго цвет имы́й, умерщвле́ние страсте́й подава́яй.

Ра́дуйся, я́ко са́рдий, я́звы от желе́за целя́щий уя́звленных на бра́ни, ве́рных чудотво́рне исцеля́яй.

Ра́дуйся, я́ко хрисоли́ф златосветя́щий, многоце́нными доброде́тельми блиста́яй.

Ра́дуйся, я́ко вири́лл, нося́й морски́й вид, пла́вающих в мо́ри безбе́дно управля́яй.

Ра́дуйся, я́ко топа́зий цельбоно́сный, исцеля́яй слепоту́ душе́вную и теле́сную.

Ра́дуйся, я́ко хрисопра́с надзлатоя́снейший, получи́вый добро́ту небе́сну.

Ра́дуйся, я́ко яки́нф воздухови́дный, на возду́се восхище́н бы́ти гото́в во сре́тение Госпо́дне.

Ра́дуйся, я́ко амефи́ст огнесве́тлый, пожига́яй бесо́в мно́жество преиспо́дне.

Ра́дуйся, преподо́бне чудотво́рче Се́ргие, о́тче наш.

Кондак 11

Пе́ние вся́кое побежда́ется, звездочи́сленными твои́ми труды́, всеблаже́нне Се́ргие: кто бо от земноро́дных просла́вит жесто́кое твое́ житие́; кто возвели́чит свяще́нныя по́двиги твоя́; безмо́лвие соверше́нное, смире́ние нелицеме́рное, пост протяже́нный, моли́тву непреста́нную, чистоту́ по вну́треннему и вне́шнему челове́ку; за ня́же сподо́бился еси́ со все́ми без поро́ка после́дующими А́гнцу, и благоуго́дне подвиза́вшимися, пе́ти: Аллилу́иа.

Икос 11

Светоза́рным све́том блиста́ет оби́тель твоя́, всесве́тлый чудотво́рче, изне́сши от земна́го покрове́ния сия́ющыя чудеса́ми нетле́нныя мо́щи твоя́, и поста́вльши их я́ко свети́льник на ме́сте досто́йне, да испо́лнится рече́ние Госпо́дне: «Не вжига́ют свети́лника, и под спу́дом не полага́ют, но на све́щник поставля́ют, да входя́щии ви́дят». Те́мже вси в хра́ме твое́м, и везде́ тобо́ю просвеща́еми, дерза́ем глаго́лати тебе́:

Ра́дуйся, све́щниче трича́стный, треми́ светле́йшими богосло́вскими доброде́тельми светя́щий.

Ра́дуйся, свети́лниче дво́йственный, любо́вию ко Бо́гу и бли́жнему горя́щий.

Ра́дуйся, его́же сугубоесте́ственный Архиере́й, проше́дый небеса́, в служе́ние Свое́ небе́сное поста́ви.

Ра́дуйся, его́же стоя́й посреде́ седми́ свети́лник, я́ко еди́наго от тех Себе́ предста́ви.

Ра́дуйся, свети́лниче, дара́ми Ду́ха Свята́го седмоосвяще́ный, я́ко ви́денный Заха́риею проро́ком.

Ра́дуйся, во свете́ние чуде́сное поста́вленный в Росси́и на ме́сте высо́ком.

Ра́дуйся, свети́лниче превознесе́ннейший, па́че све́та освеща́ющий пла́вающих в мо́ри.

Ра́дуйся, свете́нием твои́м наставля́яй препла́вати от ми́ра к небеси́ вско́ре.

Ра́дуйся, свети́лниче мы́сленный, светя́щий святы́нею, па́че поста́вленнаго Соломо́ном, во Святы́х Свята́я.

Ра́дуйся, блиста́нием чуде́с твои́х во вся концы́ земли́ сия́я.

Ра́дуйся, уме́рый ми́ру, жив же Бо́гови, ме́ртвому о́троку дарова́вый жи́ти.

Ра́дуйся, живы́й во ве́ки со Христо́м, с Ни́мже и нам моли́ бы́ти.

Ра́дуйся, преподо́бне чудотво́рче Се́ргие, о́тче наш.

Кондак 12

Благода́ть Бо́жию исповедав дре́вле Маккаве́й, егда́ гряду́щу ему́ с во́инством на супоста́ты, яви́ся предводя́й их ко́нник в оде́жде бе́ле, укрепля́я тех и му́жественны творя́. Ра́вное возсыла́ет благода́рствие пресла́вная оби́тель чудотво́рца Се́ргиа, от облежа́щих ю враго́в изба́вленная, явле́нием преподо́бнаго ста́рца е́здяща, и иму́ща в ру́це свое́й мечь обнаже́н: его́же по́мощию хра́брственно изше́дше су́щии во обстоя́нии, победи́ша сопроти́вныя, ублажа́юще спобо́рствующаго им чудотво́рца, и вопию́ще Бо́гу: Аллилу́иа.

Икос 12

Пою́ще твое́ успе́ние, преподо́бне о́тче, Росси́йстии твоя́ ча́да, прославля́ем Пода́теля всех благи́х Бо́га, дарова́вшаго нам тебе́, такова́го отца́, и́же и по преставле́нии твое́м не оставля́еши нас, но благода́тными чуде́с дарова́нии всегда́ призира́еши, посеща́еши, и заступа́еши: Ему́же надгро́бное соверша́юще пе́ние, ублажа́ем достопа́мятное твое́ житие́ любе́зным воспомина́нием, и па́ки совоку́пне сим:

Ра́дуйся, в честь Святы́я Тро́ицы трикра́ты во утро́бе ма́терней стра́нно возгласи́вый.

Ра́дуйся, в па́мять Христо́вых страсте́й, сре́ду и пято́к пости́выйся.

Ра́дуйся, име́ние свое́ к Небеси́ рука́ми ни́щих предпосла́вый.

Ра́дуйся, в нищете́ душе́вной и теле́сной безпеча́лно в пусты́ни обита́вый.

Ра́дуйся, претерпе́вый бесо́вская наважде́ния преизли́шше.

Ра́дуйся, созда́вый оби́тель Святе́й Тро́ице тро́ическою по́мощию свы́ше.

Ра́дуйся, чуде́сных вод от Бо́га умоле́нием напо́лнивый оби́тели твоея́ огра́ду.

Ра́дуйся, бра́шны неви́димо принесе́нными а́лчной бра́тии сотвори́вый отра́ду.

Ра́дуйся, невосхоте́вый прия́ти святи́тельския вла́сти, одея́ния и украше́ния теле́сна.

Ра́дуйся, во вре́мя литургиса́ния твоего́, оде́янный пла́менем огня́ Небеси́.

Ра́дуйся, свети́лниче, еле́ем ми́лости кипя́й.

Ра́дуйся, на све́щнице сла́вы небе́сныя горя́й.

Ра́дуйся, преподо́бне чудотво́рче Се́ргие, о́тче наш.

Кондак 13

О вели́кий чудотво́рче Се́ргие всеблаже́нне, преизря́днейший Росси́йския страны́ храни́телю! Приими́ смире́нно приноси́мое тебе́ моле́ние, и твои́м у Небе́снаго Царя́ предста́тельством сохрани́ и поми́луй Оте́чество на́ше от враг ви́димых и неви́димых, и от вся́ких скорбе́й, бед и напа́стей, и исхода́тайствуй в Небе́сном Ца́рствии всем приле́жно моля́щимся, с тобо́ю пе́ти: Аллилу́иа.

Этот кондак читается трижды, зате́м Икос 1-й и Кондак 1-й

Моли́тва свято́му преподо́бному Се́ргию, игу́мену Ра́донежскому и всея́ Росси́и чудотво́рцу

О свяще́нная главо́, преподо́бне богоно́сне о́тче наш Се́ргие, моли́твою твое́ю, и ве́рою и любо́вию я́же к Бо́гу и чистото́ю се́рдца, еще́ на земли́ во оби́тель Пресвяты́я Тро́ицы ду́шу твою́ устро́ивый, и а́нгельскаго обще́ния и Пресвяты́я Богоро́дицы посеще́ния сподо́бивыйся, и дар чудоде́йственныя благода́ти прие́мый, по отше́ствии же твое́м от земны́х наипа́че к Бо́гу прибли́живыйся, и небе́сныя си́лы приобщи́выйся, но и от нас ду́хом любве́ твоея́ не отступи́вый, и честны́я твоя́ мо́щи, я́ко сосу́д благода́ти по́лный и преизлива́ющийся, нам оста́вивый! Ве́лие име́я дерзнове́ние ко Всеми́лостивому Влады́це, моли́ спасти́ рабы́ Его́, су́щей в тебе́ благода́ти Его́ ве́рующыя и к тебе́ с любо́вию притека́ющыя: стра́ждущую страну́ Росси́йскую от лю́тых безбо́жник и вла́сти их Госпо́дь да свободи́т, и да возста́вит престо́л правосла́вных прави́телей; ве́рных рабо́в Его́, в ско́рби и печа́ли день и нощь вопию́щих к Нему́, многоболе́зненный вопль да услы́шит и да изведе́т от поги́бели живо́т наш. Испроси́ нам от великодарови́таго Бо́га на́шего вся́кий дар, всем и коему́ждо благопотре́бен, ве́ры непоро́чны соблюде́ние, градо́в на́ших утвержде́ние, ми́ра умире́ние, от гла́да и па́губы избавле́ние, от наше́ствия иноплеме́нных сохране́ние, скорбя́щым утеше́ние, неду́гующым исцеле́ние, па́дшым возставле́ние, заблужда́ющым на путь и́стины и спасе́ния возвраще́ние, подвиза́ющымся укрепле́ние, благоде́лающым в де́лех благи́х преуспе́яние и благослове́ние, младе́нцем воспита́ние, ю́ным наставле́ние, неве́дущым вразумле́ние, сиро́там и вдови́цам заступле́ние. Отходя́щым от сего́ вре́меннаго жития́ к ве́чному благо́е уготовле́ние и напу́тствие, отше́дшым блаже́нное упокое́ние, и вся ны споспешеству́ющими твои́ми моли́твами сподо́би в день Стра́шнаго Суда́ шу́ия ча́сти избавитися, десны́я же страны́ общи́ники бы́ти, и блаже́нный о́ный глас Влады́ки Христа́ услы́шати: «Прииди́те, благослове́ннии Отца́ Моего́, насле́дуйте угото́ванное вам Ца́рствие от сложе́ния ми́ра». Ами́нь.

Моли́тва ина́я

О свяще́нная главо́, преподо́бне о́тче, преблаже́нне а́вво Се́ргие Вели́кий! Не забу́ди убо́гих свои́х до конца́, но помина́й нас во святы́х свои́х и благоприя́тных моли́твах к Бо́гу. Помяни́ ста́до свое́, е́же сам упа́сл еси́: и не забу́ди посеща́ти чад свои́х. Моли́ за ны, о́тче свяще́нный, за де́ти своя́ духо́вныя, я́ко име́я дерзнове́ние к Небе́сному Царю́: не премолчи́ за ны ко Го́споду, и не пре́зри нас, ве́рою и любо́вию чту́щих тя. Помина́й нас недосто́йных у Престо́ла Вседержи́теля, и не преста́й моля́ся о нас ко Христу́ Бо́гу: и́бо дана́ тебе́ бысть благода́ть за ны моли́тися. Не мним бо тя су́ща ме́ртва: а́ще бо и те́лом преста́вился еси́ от нас, но и по сме́рти жив сый пребыва́еши, не отступа́й от нас ду́хом, сохраня́я нас от стрел вра́жиих, и вся́кия пре́лести бесо́вския, и ко́зней диа́вольских, па́стырю наш до́брый. А́ще бо и моще́й твои́х ра́ка пред очи́ма на́шима ви́дима есть всегда́, но свята́я твоя́ душа́ со а́нгельскими во́инствы, со безпло́тными ли́ки, с небе́сными си́лами, у Престо́ла Вседержи́теля предстоя́щи, досто́йно весели́тся. Ве́дуще бо тя вои́стинну и по сме́рти жи́ва су́ща, тебе́ припа́даем, и тебе́ мо́лимся, е́же моли́тися о нас всеси́льному Бо́гу, о по́льзе душ на́ших, и испроси́ти вре́мя на покая́ние, и о невозбра́нном преи́тии от земли́ на не́бо, мыта́рств же го́рьких, бесо́в воздушных князей, и ве́чныя му́ки избавитися, и Небе́сному Ца́рствию насле́дники бы́ти со все́ми пра́ведными, от ве́ка угоди́вшими Го́споду на́шему Иису́су Христу́: Ему́же подоба́ет всякая сла́ва, честь и поклоне́ние, со Безнача́льным Его́ Отце́м, и с Пресвяты́м и Благи́м, и Животворя́щим Его́ Ду́хом, ны́не и при́сно и во ве́ки веко́в. Ами́нь.

Моли́тва третья

О Небе́снаго граждани́не Иерусали́ма, преподо́бне о́тче Се́ргие! Воззри́ на нас ми́лостиво, и к земли́ приве́рженных возведи́ к высоте́ небе́сней. Ты Горе́ на Небеси́, мы на земли́ ни́зу, удалены́ от тебе́, не толи́ко ме́стом, ели́ко грехми́ свои́ми и беззако́нии: но к тебе́, я́ко нам сро́дному, прибега́ем и взыва́ем, наста́ви нас ходи́ти путе́м твои́м, вразуми́ и руково́дствуй. Сво́йственно есть тебе́, о́тче наш, благоутро́бие и человеколю́бие: на земли́ живу́щу не о свое́м то́кмо спасе́нии бысть тебе́ попече́ние, но и о всех к тебе́ притека́ющих. Наставле́ния твоя́ бы́ша тро́стию кни́жника скоропи́сца, на се́рдце ка́ждаго глаго́лы жи́зни начертава́ющаго. Не теле́сныя бо то́кмо врачева́л еси́ боле́зни, но па́че душе́вных врачь изя́щный яви́лся еси́: и вся твоя́ свята́я жизнь бысть зерца́лом вся́кия доброде́тели. А́ще толи́к был еси́, свя́тче Бо́жий, на земли́: коли́к ны́не еси́ на Небеси́! Ты днесь предстои́ши Престо́лу Све́та Непристу́пнаго, и в Нем, я́ко в зерца́ле, зри́ши вся на́ша ну́жды и проше́ния: ты водворя́ешися вку́пе со а́нгелы, о еди́ном гре́шнице ка́ющемся ра́дующимися. И человеколю́бие Бо́жие есть неистощи́мо, и твое́ к Нему́ дерзнове́ние мно́го: не преста́ни о нас вопия́ ко Го́споду. Испроси́ предста́тельством свои́м у Всеми́лостиваго Бо́га на́шего мир Це́ркви Его́, под зна́мением Креста́ во́инствующей: согла́сие в ве́ре и единому́дрие, суему́дрия же и раско́лов истребле́ние, утвержде́ние во благи́х де́лех: больны́м исцеле́ние, печа́льным утеше́ние, оби́женным заступле́ние, бе́дствующым по́мощь. Не посрами́ нас, к тебе́ с ве́рою притека́ющих. А́ще бо и недосто́йни есмы толи́каго отца́ и хода́тая: но ты быв подража́тель человеколю́бия Бо́жия, сотвори́ нас досто́йны чрез обраще́ние от злых дел к благо́му житию́. Вся богопросвеще́нная Росси́а, твои́ми чудесы́ испо́лненная и ми́лостьми облагоде́тельствованная, испове́дует тя бы́ти своего́ покрови́теля и засту́пника. Яви́ дре́вния ми́лости твоя́, и и́хже отце́м спомо́ществовал еси́, не отри́ни и нас чад их, стопа́ми их к тебе́ ше́ствущих. Ве́руем, я́ко ду́хом нам сопрису́тствуеши. Иде́же бо есть Госпо́дь, я́коже сло́во Его́ у́чит нас, та́мо и слуга́ Его́ бу́дет. Ты ве́рный еси́ раб Госпо́день: и Бо́гу везде́ су́щу, ты в Нем еси́, и Он в тебе́ есть, па́че же и те́лом с на́ми еси́. Се нетле́нныя и живоно́сныя твоя́ мо́щи, я́ко сокро́вище безце́нное, вручи́ нам чуде́с Бог. Предстоя́ им, я́ко тебе́ жи́ву су́щу, припа́даем и мо́лимся: приими́ моле́ния на́ша, и вознеси́ их на Же́ртвенник благоутро́бия Бо́жия, да прии́мем тобо́ю благода́ть и благовре́менну в ну́ждах на́ших по́мощь. Укрепи́ на́ше малоду́шие, и утверди́ нас в ве́ре, да несомне́нно упова́ем получи́ти вся блага́я от благосе́рдия Влады́ки моли́твами твои́ми. Па́ству же твою́ духо́вную, тобо́ю со́бранную, не преста́ни управля́ти жезло́м духо́вныя му́дрости: подвиза́ющымся помози́, разсла́бленных возста́ви, споспеши́ и́го Христо́во нести́ во благоду́шии и терпе́нии: и всех нас упра́ви в ми́ре и покая́нии сконча́ти живо́т наш, и пресели́тися со упова́нием в блаже́нныя не́дра Авраа́мова, иде́же ты ра́достно по труде́х и по́двизех ны́не почива́еши, прославля́я со все́ми святы́ми Бо́га, в Тро́ице сла́вимаго, Отца́, и Сы́на, и Свята́го Ду́ха. Ами́нь.

Богородице-Рождественский храм.

070001. Казахстан. Усть-Каменогорск,

ул. Островского, 22.

Тел.: 8 (7232) 29-47-77

http://vk-orthodoxy.narod.ru/

http://yk-kz.cerkov.ru/

Email: blagochestie.vk@yandex.kz

Новости группы "Богородице-Рождествен- ский"