16 июля. Преподобномученики Верненские (Алма-Атинские) Серафим, Феогност, Пахомий, Анатолий, Ираклий, Виктор и Евдокия

1sf

СВЯТЫЕ СЕРАФИМ И ФЕОГНОСТ АЛМАТИНСКИЕ

 

С целью распространения Православной веры в Туркестанском крае и духовного просвещения азиатских кочевников, Святитель Туркестанской кафедры Преосвященный Епископ Александр (Кульчицкий) вознамерился зажечь на берегах Иссык-Кульского озера миссионерскую путеводную звезду.

 В 1882 году он приступил к освящению избранного места и водрузил деревянный крест там, где предположено было основать мужской Свято-Троицкий миссионерский монастырь. Первые насельники монастыря приложили много трудов для возведения монастырских стен и зданий и устроения хозяйства, терпя недоброжелательное отношенье кочующих племён, оборачивающееся нередко открытым нападением на послушников и потравой монастырских пастбищ.

Умножение братии последовало в 1886 году, когда в монастырь приехали 11 иноков из Свято-Михайловской Закубанской пустыни, а в 1894 году на берега величественного Иссык-Кульского озера решили отправиться с острова Валаам восемь иноков во глав с игуменом Севастианом, неся с собой дух Валаамской обители.

Несколько лет спустя, уже в начале ХХ-го столетия, в монастырь были приглашены из Рождество-Богородицкой Глинской пустыни Курской епархии несколько иноков, в числе которых были монахи Серафим, Феогност и Анатолий. Известно, что они были образованные иноки, ведущие высокую подвижническую жизнь. Кроме того, отец Серафим был наделён иконописным талантом и имел прекрасный певческий голос, отец Анатолий был замечательным певцом и незаурядным регентом, отец Феогност имел хорошие административные способности.

В Свято-Троицком монастыре Глинские иноки сблизились с монахами Пахомием и Ираклием. Сейчас, когда минуло почти столетие, не представляется возможным с точностью установить биографические данные Казахстанских подвижников и фактическую сторону описываемых событий. Достоверно известно лишь то, что к 1909 году монахи Серафим и Анатолий были призваны в кафедральный город Верный, где удостоились получить священный сан и несли своё служение в Успенской церкви Туркестанского архиерейского дома, за которое в 1912 году были удостоены права ношения набедренника. Также они духовно окормляли недавно основанную Иверско-Серафимовскую женскую обитель.

В 1916 году иеромонах Анатолий управлял архиерейским хором в Вознесенском Кафедральном соборе города Верный.

После событий, потрясших Верный — прихода в марте 1918 года к власти большевиков и расстрела епископа Пимена (Белоликова, память 3 сентября), монахи ушли в горы и в 8-ми верстах от города в горном урочище Медео, и создали и устроили скит на сопке Мохнатой. Иеромонах Серафим обустроил в нём церковь, вырытую в склоне горы. Позже этот скит был отдан ими монахиням, а братия решила искать более уединённого места. Такое место нашли они на горе Кызыл-Жар. Там ими были поставлены кельи и вырыты пещеры. Был и Престол.

Отец Пахомий до 1916 года был также переведён в город Верный и дальнейший его путь Господь связует с Глинскими подвижниками Серафимом и Анатолием. Монах Ираклий, иеромонахи Феогност и Пахомий оставались в Иссык-Кульском монастыре до 1919 года. Отец Феогност в том же году был утверждён там в должности благочинного и помощника духовника для мирян. После нападения киргизов на монастырь в 1916 году, было замучено много престарелых монахов. В 1919 году монастырь был закрыт.

Духовником скита был иеромонах Серафим (Богословский). Родился он в город Глухове в 70-е годы. Мирское имя его Александр. Отец его, Евфимий, был управляющим у помещика. Мать Мария была женщина кроткая и благочестивая, непрестанно посещавшая храм Божий. В семь было двое детей — Саша и его старшая сестра. Матери его было открыто Богом, что её сын примет мученическую кончину. Когда он был ещё мальчиком-гимназистом, она, как-то проснувшись утром, плакала и говорила: «Сын мой, я видела во сне, что ты будешь мучеником». Она непрестанно о нём плакала, а он очень любил и жалел её. Как-то он играл на баяне и пел церковные песнопения. Мать слушала. Вдруг он заметил, что она плачет и спросил: «Мама, что ты плачешь?» Она отвечала, что во время его пения она видела венец над его головой, и ангелов с ним, и опять повторила, что кончина его будет мученической. Эти слова матери глубоко запали в его душу. Александр же так рассуждал: «Если кончина моя будет мученической, что искать мне в миру!». И, достигнув юношеского возраста, удалился в Глинскую пустынь.

Проживая в Глинской пустыни отец Серафим имел своим духовником помощника братского духовника иеромонаха Домна (Аггеева), духовная связь с которым не прекращалась и после его кончины.

Однажды, после отречения Государя от Престола, послушница Феоктиста пошла к отцу Серафиму в ущелье. Поднялась в гору, ещё дверь кельи не успела открыть, а батюшка встречает её на пороге и говорит: «Знаю, зачем пришла. Мне Домн сказал: Серафиме, Серафиме, Царя убрали и скорыми, скорыми шагами всё пойдёт к погибели».

В 1921 году в Кызыл-Жарский скит приехали трое красноармейцев на лошадях с ружьями. Отец Серафим угостил их чаем и положил спать. Сам он не спал, читал правило. Под утро красноармейцы подошли к нему, наставили ружье в спину и выстрелили. Он успел крикнуть: «Анатолий!». Затем красноармейцы по дорожке пошли к отцу Феогносту, который по ночам обычно молился в пещере. Возможно, устав от ночной молитвы, он прилёг в своей келии отдохнуть. Как лежал он, скрестив на груди руки, так и остался — они выстрелили ему в сердце.

На другой день приехала милиция. Место осмотрели и разрешили хоронить. Вырыли могилу, покрыли её досками и без гробов, завернув монахов в мантию, похоронили. Позже иеромонах Анатолий отпел их на Мохнатой сопке. После всего случившегося отец Пахомий, отец Ираклий и отец Анатолий жить в скиту не остались.

Схимонах Ираклий (мирское имя — Сергей Матях) жил в городе Талгар, в семье старосты Талгарскаго храма И.Д. Дмитриева. В доме жить отказался и построил себе келью в саду. Последние годы батюшка жил в селе Сазоновка в доброй верующей семье. Любил ночные молитвы, спать не ложился, лишь подремлет, сидя на лавочке, и снова молится. Отец Ираклий скончался от болезни накануне праздника Вознесения Господня в 1937 году. О своей кончине он был извещён заранее.

Иеромонах Пахомий (в миру — Русин Прохор Петрович, 1880 года рождения, уроженец Курской губернии) после 1921 года некоторое время тайно жил вместе со странником Виктором (Матвеевым) в скиту на горе Горельник в урочище Медео. Был молчалив, когда кто просил у него слова наставления — призывал творить Иисусову молитву.

В 1935 году его арестовали, посадили в Алма-Атинскую тюрьму, где он претерпевал издевательства и в 1936 году был расстрелян. Странник Виктор также принял мученическую кончину около 1936 -1937 годов.

Иеромонах Анатолий после 1921 года некоторое время жил в городе Верном, служил во Всехсвятском храме Иверско-Серафимовского монастыря, который после закрытия обители некоторое время был действующим. Там же он управлял хором, писал музыку. В середине 20-х годов он ушёл в Сухуми, где жил в горах, вёл переписку с Верненскими монахинями. Вскоре ими была получена весть об аресте и расстреле отца Анатолия.

Монахиня Евдокия выполняла в монастыре послушание помощницы эконома. В сентябре 1918 года красный отряд Мамонтова-Кихтенко, прибывший в город Верный для расправы с епископом Пименом в числе других акций по наведению «революционного порядка», разбирал конфликт между монастырём и арендаторами монастырской заимки. По навету крестьян-арендаторов, обвинивших монахинь в «контрреволюции», их расстреляли решением «полевого суда». Мать Анимаиса — эконом монастыря — была лишь ранена и выжила. Монахиня же Евдокия была убита.

Могила преподобномучеников Серафима и Феогноста в Аксайском ущелье всегда почиталась верующими. В 1991 году на ней был установлен поклонный крест и затем возведена часовенная сень. Известно немало случаев исцелений и чудес, происходящих на могиле преподобномучеников. В настоящее время на месте Кызыл-Жарского скита открылся мужской монастырь — Аксайская Серафиме-Феогностовская пустынь.

Прославлены в 1993 году как местночтимые святые Алма-Атинской епархии. Причислены к лику святых Новомучеников и Исповедников Российских на Юбилейном Архиерейском Соборе Русской Православной Церкви в августе 2000 года для общецерковного почитания.

 

 

Тропарь преподобномученикам Серафиму и Феогносту

Любве ради Христовы отечество свое оставльше, вся мира сего красная, яко скороисчезающая, презревше, горняго Иерусалима взыскующе, на горах Тянь-Шаня в подвизех благочестия Святую Троицу прославили есте. И венцами добропобеднаго мученичества украсившеся, граду Алма-Ате богодарованнии покровителие явилися есте, преподобномученицы Серафиме и Феогносте, Православия мужественнии исповедницы. Темже и мы, духовная чада ваша, любовию вопием: Слава Давшему вам крепость, Слава Венчавшему вас, Слава Подающему вами милости и исцеления.

Кондак преподобномученикам Серафиму и Феогносту

Благое иго Христово на себе восприемше и легкое бремя Его любовию облобызавше, житием своим Агнца Божия проповедавше, за истину, радующеся, пострадали есте, и в покой Небесный прешедше, с лики святых Престолу Божию предстоите, преподобномученицы Серафиме и Феогносте, граду Алма-Ате испросите мира и всем чтущым вас велию милость.

Молитва преподобномученикам алма-атинским Серафиму и Феогносту

О, Богоблаженная двоице друзей Христовых, преподобнии страстотерпцы Серафиме и Феогносте! Казахстанския страны светильницы достопочтенныя, града Алма-Аты защитницы и покровителие Богодарованные, православных всех неусыпныя наставницы! На небеси Богопросвещенными душами вашими престолу Божию предстоящии, на земли же мученически за Христа пострадавшими телесы вашими на горах Заилийских почивающия и различная дарования духовная всем с верою и любовию к вам приходящим источающия! Милостивым призрением благосердия вашего призрите на люди, святую память вашу почитающия, на месте исповеднических подвигов и преподобнических трудов ваших святый гроб ваш обстоящия и теплаго вашего ко Господу ходатайства во обдержащих нуждах просящия. Вси бо мы по множеству грехов наших не дерзаем возвести на Небо очес наших, долу поникших, вы же, яко стяжавшии дерзновение ко Господу и ныне со Ангелы Ему предстоящии, принесите о нас благоуханные молитвы ваша, во еже избавитися нам от глада, потопа, труса, огня, меча, нашествия иноплеменник и междоусобныя брани, от всякия скорби, зол и болезни душевныя и телесныя от людей и диавола по грехам нашим бывающия. Да сих избежавше, Господу усердно работающе, молитвами вашими и теплым предстательством внидем в нескончаемый покой Царства Небеснаго и тамо с вами и лики всех святых прославим Великое Имя Святыя Троицы, Отца и Сына и Духа Святаго во веки веков. Аминь.

 

АКАФИСТ ПРЕПОДОБНОМУЧЕНИКАМ СЕРАФИМУ И ФЕОГНОСТУ АЛМА-АТИНСКИМ

Кондак 1

Избраннии служителие Превечнаго Агнца Божия, во спасение наше на Кресте Себе принесшаго, Емуже, вземше крест свой, во иноческом благочестивом житии усердно последовавшии и кровь свою за Него пролиявшии, дивная двоице друзей Христовых Серафиме и Феогносте. Прославльшаго вы Подвигоположника нашего и Церкви Зиждителя, прославляюще, и чистое житие и честная страдания ваша восхваляюще, любовию вопием: Радуйтеся, преподобномученицы Серафиме и Феогносте, молитвенницы наши и заступницы, от Бога прославленныя.

Икос 1

Ангели земнии и человецы небеснии во всем житии вашем явилися есте, преподобнии: из млада под кров Честнейшей Херувимов и славнейшей без сравнения Серафимов Пречистой Девы Богородицы притекшии и равноангельному лику иночествующих в Глинской пустыни вчиненнии, от онюдуже, гласу Божественному кротко последуя, края Семиречия достигли есте, идеже во исповедании Христове даже до крови подвизалися есте. Темже, кротости и смирению вашему удивляющеся, восхваляем вас тако:

Радуйтеся, из млада Христа Иисуса возлюбившии и Тому усердно потрудившиеся;

Радуйтеся, спасения ради вечнаго во обитель Глинскую под кров Пречистыя Богородицы притекшия.

Радуйтеся, равноангельную честь в сонме глинских старцев достойне восприявшия;

Радуйтеся, целомудрия хранителие и душевныя и телесныя чистоты рачителие.

Радуйтеся, души ваша и телеса во обители Духа Святаго уготовившия;

Радуйтеся, во плоти, аки бесплотныя на земли пожившия.

Радуйтеся, яко на небеси и на земли от Господа прославленнии;

Радуйтеся, обретшия вечное всесветлое место упокоения.

Радуйтеся, яко, восходя тамо душами, нам мощи святыя ваша оставившия;

Радуйтеся, яко мощей ваших демоны трепещут.

Радуйтеся, яко чудодействует теми Господь с любовию к вам приходящим;

Радуйтеся, преподобномученицы Серафиме и Феогносте, молитвенницы наша и заступницы, от Бога прославленныя.

Кондак 2

Видя Христос Господь непорочную чистоту сердец ваших, плотскими страстьми не омраченную, суди достойны вас быти жребия апостольскаго благовестия в Туркестанском крае. Егоже гласу: грядите по Мне, и сотворю вы ловцы человеков — внемлюще по Нем с любовию и трепетом идосте. Темже и нас, чад ваших, молитвами вашими сотворите скоры быти на делание заповедей Божественных, поющих Богу: Аллилуия.

Икос 2

Разум недоразумеваемый о дивном призвании вашем, Божественным смотрением проявленный, разумети ища, преподобнии,помышляли есте како, Богу содействующу, возможете мир и князя его — человекоубийцу искони и отца лжи диавола — победити. Сего ради, во вся оружия Божия облекшися, яко возмощи вам стати противу всем кознем диавольским, разженныя стрелы сего постом и молитвою, слез течением, кротостию и смирением угасили есте. Сего ради слышите от нас похвалы сия:

Радуйтеся, душевная ловления и страсти плотския мечем воздержания посекшия;

Радуйтеся, помыслы греховныя молчания обучением и сокрушенною исповедию истребившия.

Радуйтеся, струями слез покаяния пустынную гору сию напоившия;

Радуйтеся, трудами постническими, яко светила просиявшия.

Радуйтеся, сладчайшее Имя Иисусово во уме своем и сердце непрестанно носившия;

Радуйтеся, стоянием на молитве, бдением и поклонами плоть вашу духови покорившия.

Радуйтеся, душами вашими в Сион горний молитвенно восходившия;

Радуйтеся, тамо славою небесною обогатившиися.

Радуйтеся, Ангелов собеседници и человеков наставницы.

Радуйтеся, потами постническими углие стрел вражиих угасившия;

Радуйтеся, во иноческом житии пропасти греха избавившиися;

Радуйтеся, преподобномученицы Серафиме и Феогносте, молитвенницы наши и заступницы, от Бога прославленныя.

Кондак 3

Сила Вышняго, в сиянии светозарном явленная, трикраты указа вам со спостники вашими место подвижнических трудов, исповедничества и упокоения вашего на Кзыл-Жарской горе Заилийского Алатау. На нюже, радующеся, взошли есте, древним столпником и пустынником подобяся, и Господеви поя: Аллилуия.

Икос 3

Имея неусыпное попечение о спасении душ ваших и ввереных вам от Бога благословением архипастырей Туркестанских чад церковных, показуя неленостный подвиг в подражании угодником Божиим, пастырски в душепопечении словом и самым делом прилежно потрудилися есте. Сего ради от усердия нашего приимите похвалы сия:

Радуйтеся, отцу верных праведному Аврааму подражавшия;

Радуйтеся, теплотою веры согреваемыя, отечество свое оставльшия.

Радуйтеся, Боговидцу Моисею, на Синайскую гору восшедшему, поревновавшия;

Радуйтеся, на горах Тяньшаня поучении Божественными и добродетелей исправлением Владыку Христа выну духом своим созерцавшия.

Радуйтеся, Иову многострадальному в слезах и терпении уподобившиися;

Радуйтеся, елеем благочестия и благотворения души ваша помазавшия.

Радуйтеся, яко древнии пророцы духа прозрения имущия;

Радуйтеся, действом Того озаряеми, мученическую кончину вашу предузнавшия.

Радуйтеся, апостолом Христовым во благовестии Евангельском в крае Семиречия последовавшия;

Радуйтеся, преподобному Серафиму Саровскому в житии вашем иноческом усердно подражавшия.

Радуйтеся, мучеников добропобедных лику сопречтенныя;

Радуйтеся, преподобномученицы Серафиме и Феогносте, молитвенницы наши и заступницы, от Бога прославленныя.

Кондак 4

Бурю богоборчества, от безбожныя власти воздвигнутую, огнем веры крепкия, надежды несумненныя и любве истинныя угасившия, преподобнии, Агнцу Божию Христу Иисусу, яко заколение благоприятное, себе принесли есте, и душепагубных волков суемудрия бурю укротили есте, Господеви поя: Аллилуия.

Икос 4

Слышаша богохульнии и злочестивии людие ангелоподобное житие ваше, в тишине пустыннаго уединения на горе совершаемое, богопротивною яростию дышуще и богатство обрести мняще, предаша вас смерти, коварно в рассветныя часы утра расстреляв. Сего ради Церковь Святая, кровию исповедничества вашего, за Христа пролиянною, украшаема, сретает вы приветствии сими:

Радуйтеся, воини Христовы, не обязавшиися куплями житейскими, да Ему угодни будете;

Радуйтеся, во всем житии вашем Его искавшия и в Нем намерение полагавшия.

Радуйтеся, на гору высокую добродетелей возшедшея, монашески Тому угодившия;

Радуйтеся, невинно от пребеззаконных за веру и любовь к Нему пострадавшия.

Радуйтеся, венцев неувядаемых от Небеснаго Царя славы сподобившиися;

Радуйтеся, к Распеншемуся нас ради на Кресте разум свой выну возводившия.

Радуйтеся, страдальческою кончиною вашею незлобие Агнца Божия проповедавшия;

Радуйтеся, в небесном всевеселом пребывании в лике Ангелов и всех святых от Него прославленыя.

Радуйтеся, дерзновение молитвенное о нас к Нему имущия;

Радуйтеся, потемненныя грехми очеса душ наших светом евангельским просвещающия.

Радуйтеся, грехов оставление и в добродетельном житии укрепление нам подающия;

Радуйтеся, преподобномученицы Серафиме и Феогносте, молитвеницы наши и заступницы от Бога прославленныя.

Кондак 5

Боготечныя звезды явилися ясте в христоподражательном житии вашем, блаженнии, лучами добродетелей души верных озаряющея и путь к достижению Царства Небеснаго ищущим спасения указующе, поучая тех благодарне пети Богу: Аллилуия.

Икос 5

Видяще православнии людие града Вернаго премногую любовь вашу к Богу и ревностное благочестивое иноческое житие, усердно искаху назидания и молитвеннаго предстательства вашего, преподобнии. Егда же о невинном убиении вашем узнаша, едиными усты и единым сердцем ко Христу Подвигоположнику нашему о упокоении вашем в селениях праведных на лоне Авраама моляхуся, надгробное рыдание, творяще победной песнью: Аллилуия. Темже и до днесь, святый гроб ваш обстояще, вернии взывают:

Радуйтеся, житием и кончиною вашею Агнца Божия проповедавщия;

Радуйтеся, заклани бывше, якоже агнцы.

Радуйтеся, первее слез ваших теченми фараона мысленнаго потопившия;

Радуйтеся, последи во успении вашем пролиянием мученическия крови того сокрушившия.

Радуйтеся, к жизни нестареемой и присносущной преставльшиися;

Радуйтеся, преподобных похвало и мучеников украшение.

Радуйтеся, постников сликовницы и девственников радование;

Радуйтеся, иноков и инокинь путеводящия в селения небесная.

Радуйтеся, богобоязненных мирян скоропослушливыя попечителие;

Радуйтеся, стада своего иночествующех наставницы и хранитилие.

Радуйтеся, пустынныя обители вашея похвало и утверждение;

Радуйтеся, преподобномученицы Серафиме и Феогносте, молитвенницы наши и заступницы, от Бога прославленныя.

Кондак 6

Проповедуют Семиречия концы Казахстанской стране величие монашеских подвигов и невинную страдальческую за Христа кончину вашу, преподобномученицы, ихже ради дарова вам Господь благодати чудес струю непрестанно текущую. От неяже благоговейно миро теплаго ходатайства вашего черплюще, благодарне Богу вопием: Аллилуия.

Икос 6

Возсия Казахстанстей стране свет благоприятного ходатайства вашего ко Престолу Живоначальныя Троицы, ибо тленная и скоротекущая мира оставльше и крест на рамена вземше, демонския победили есте полки и Ангельския достигли есте чины. Темже восхваляюще болезни и страдания ваша, любовию вопием:

Радуйтеся, веру истинную, надежду несумненную и любовь нелицемерную в себе имевшия;

Радуйтеся, любовь вашу к Богу любовию к ближним своим показавшия.

Радуйтеся, воздержания правило в житии вашем приявшия;

Радуйтеся, смирение, кротость и послушание друг ко другу имевшия.

Радуйтеся, сего ради Божественную зарю Святаго Духа разумне приявшия;

Радуйтеся, Трисияннаго и Трисолнечнаго Божества церкви нерукотворенныя явившиися.

Радуйтеся, богодухновенными наставлениями вашими в православии верныя утверждающия;

Радуйтеся, противу злобы гонящих вас незлобивы и просты явившиися.

Радуйтеся, незлобию и братолюбию нас научающия;

Радуйтеся, милости и сострадания преисполненныя.

Радуйтеся, нестроения, раздоров и всякого нечестия искоренителие;

Радуйтеся, преподобномученицы Серафиме и Феогносте, молитвенницы наши и заступницы от Бога прославленныя.

Кондак 7

Хотящим нам воспевати славно венчавшаго вас, преподобномученицы, Господа и ваша славити подвиги и труды, любве ради Божественныя, вами подъятыя, помозите нам, недостойным, свыше данною вам благодатию Духа Святаго, сердца наша от греховныя тьмы очищая, во еже чисте пети Богу: Аллилуия.

Икос 7

Новыя, победоносныя, боговенчанныя воини Христовы Того благостию в последния сия времена лютых гонений, преподобномученицы, явилися есте, добрый жития вашего подвиг скончавше и веру православную непорочно соблюдше. Темже о таковом Божием благоволении радующеся, воспеваем вам таковая:

Радуйтеся, во едино естество Божественныя Троицы веровавшия православно;

Радуйтеся, крещением во Имя Отца и Сына и Святаго Духа словесное стадо Христово приумножившия.

Радуйтеся, Бескровную Жертву о своих гресех и о людских неведениях со страхом и трепетом Богу приносившия;

Радуйтеся, во время совершения Божественныя Литургии слезы умиления проливавшия.

Радуйтеся, пречистыми Тайнами Христовыми в наследие жития вечнаго себе и чад церковных насыщавшия;

Радуйтеся, славословия и благодарения к Богу во храмех благоговейно приносившия.

Радуйтеся верных научившия поклонятися Творцу в Троице;

Радуйтеся, Пресвятую Деву Богородицу во всем житии вашем прославлявшия.

Радуйтеся, Еяже преблагому Покрову и всех верных поручившия;

Радуйтеся, чина и уставов Святыя Церкви вернии хранителие.

Радуйтеся, благих обычаев и преданий святоотеческих ревнителие;

Радуйтеся, преподобномученицы Серафиме и Феогносте, молитвенницы наши и заступницы, от Бога прославленныя.

Кондак 8

Странно есть видети, яко благодатиею Божиею, и по сокровении в недра земная страдальческая телеса ваша, преподобномученицы досточудныя, присносущную жизнь являют. Приходящим бо к вам и теплаго вашего ходатайства к Богу во Святей Троице славимому и покланяемому ищущим яко живы суще во благое пособствуюте, научая прославляющему вас Богу пети: Аллилуия.

Икос 8

Вся дни христоподражательного жития вашего, во едино существо Божественныя Троицы веровав православно, богодухновенными наставлении вашими в правоверии верных утверждали есте и наследия небеснаго сподобилися есте, духоносныя отцы, Ангелов сослужителие. Темже честную память вашу совершая, приносим вам похвальная сия:

Радуйтеся, дивная двоице друзей Христовых;

Радуйтеся, соуз любве духовныя до смерти верно сохранившия.

Радуйтеся, не токмо в житии земном, но и по отшествии в небесныя селения о Господе соединенныя;

Радуйтеся, на светозарную колесницу добродетелей Божественных восшедшия.

Радуйтеся, Небеснаго Царствия достигшия;

Радуйтеся, и нам, грешным, образ добродетелей словом и житием явившия.

Радуйтеся, смирением и целомудрием вечное блаженство улучившия;

Радуйтеся, милостию и молитвою Небесное Царство стяжавшия.

Радуйтеся, славу временную ни во чтоже вменившия;

Радуйтеся, молитвами вашими от многих бед нас избавляющия.

Радуйтеся, вся благая прошения наша исполняющия;

Радуйтеся, преподобномученицы Серафиме и Феогносте, молитвенницы наши и заступницы, от Бога прославленныя.

Кондак 9

Вси Ангели Божии и лики святых радостно восприяша богоносныя души ваша на небеси, христоименитых же людей множество, обстояще с любовию гроб ваш, на земли песнми и пенми духовными ублажают вас, преподобномученицы, псаломски поя: Аллилуия.

Икос 9

Витийствующий язык не возможет по достоянию изнести похвальная в прославлении вашем, о, блаженная двоице друзей Христовых. Вы же, милостивы и благопослушливы суще, приимите убогая похвалы наша, дерзновенными своими и богоприятными молитвами, скудность нашу восполняющи, да благодарственне зовем вам:

Радуйтеся, Трисияннаго Божества таинницы;

Радуйтеся, Славы небеснаго Царствия наследницы.

Радуйтеся, Ангельских ликов собеседницы;

Радуйтеся, со святыми на небеси вечно царствующия.

Радуйся, от горних высот райских к нам, недостойным, милостивно приникающия;

Радуйтеся, благодеяний множество нам источающия.

Радуйтеся, милостию сострадания вашего всех объемлющия;

Радуйтеся, Божиих милостей и щедрот нам подателие.

Радуйтеся, беспомощных скории помощницы;

Радуйтеся, сирых и вдовиц кормителие.

Радуйтеся, болезней душевных и телесных врачи безмездныя;

Радуйтеся, преподобномученицы Серафиме и Феогносте, молитвенницы наши и заступницы, от Бога прославленныя.

Кондак 10

Спасти хотя души своя, да не осужденно предстаните на судищи Христове, вся сущая в мире доброхотне оставили есте, тесным путем покаяния в безмолвие Заилийских гор возшедше, слез течением и твердым духовным трудолюбием богодарованныя таланты ваша умножили есте, моление теплое за всех Богу приносяще, да вси в познание Истины приидут, поя Богу: Аллилуия.

Икос 10

Стеною непоколебимою богоприятных молитв и ходатайств ваших, преподобномученицы, остените град и страну нашу, утоляя праведный гнев Божий, поражающий нас, грешных и непотребных, бездождием и гладом, тлетворными ветры и болезнми, селями и землитрясении, да, сих избавльшеся, благодарственно поем:

Радуйтеся, блаженнии, в боголюбии на земли пожившия;

Радуйтеся, милости и сострадания преисполненныя.

Радуйтеся, благодатных даров верным раздаятелие;

Радуйтеся, приходящим к вам с верою и любовию предстательство и покрове.

Радуйтеся, изнемогающим от уныния и печали помощницы;

Радуйтеся, юных наставницы и старцев питателие.

Радуйтеся, растленных обычаев искоренителие;

Радуйтеся, ко спасению вечному добрые путеводителие.

Радуйтеся, кротости, воздержания и покаяния учителие;

Радуйтеся, Церкве Христовы ограждение и Православия поборницы.

Радуйтеся, пастырей учитилие и монашествующих наставницы;

Радуйтеся, преподобномученицы Серафиме и Феогносте, молитвенницы наши и заступницы, от Бога прославленныя.

Кондак 11

Пение всеумиленное от юности Христу, Солнцу Правды, утреневав приносили есте, богоноснии отцы, и умную чистоту безстрастием стяжав, церкви нерукотворенныя явилися есте Духа Святаго, Имже непрестанно в сердцах ваших Отцу Небесному воспевали: Аллилуия.

Икос 11

Светозарная светила во граде Алма-Ате и всей Казахстанской стране явилися есте, просвещая люди светом истиннаго боговедения и разгоняя мрак безбожия, Трисолнечнаго света Евангельскаго сиянием, имже и наша, грехом помраченная, смыслы просветите, вопиющих вам таковая:

Радуйтеся, чистоту сердечную и телесную до смерти опасно хранившия;

Радуйтеся, целомудренно и праведно на земли пожившия.

Радуйтеся, веру свою во страдании, яко злато в горниле, очистившия;

Радуйтеся, стезею тесною воздержания и оскудения иноческаго шествовавшия.

Радуйтеся, яко тою широты рая Божия достигшия;

Радуйтеся, от горния обители земныя во Обители Небесныя удобь возшедшия.

Радуйтеся, со Ангелы и лики всех святых Трисвятую песнь Богу воспевающия;

Радуйтеся, яко память ваша с похвалами и успение со святыми.

Радуйтеся, яко имена ваша честны и благоговейны в Церкви Христовой;

Радуйтеся, светильницы трисолнечного света, умы и сердца верных озаряющия.

Радуйтеся, стадо свое от волков хищных соблюдающия;

Радуйтеся, преподобномученицы Серафиме и Феогносте, молитвенницы наши и заступницы, от Бога прославленныя.

Кондак 12

Благодать небесныя славы от Христа Бога восприявше, пречудныя и кроткия страстотерпцы Христовы, земных нас не оставляете без помощи и заступления вашего, утверждая нас в вере, укрепляя в надежде, совершенствуя в любви и наставляя в мудрости, и научая благих подателю Богу пети: Аллилуия.

Икос 12

Поюще дивнаго во святых Своих Бога нашего, прославляем вас, блаженнии, с мученики Христовыми сочетаемыя и с лики преподобных вчиняемыя, с девственники ликовствуемыя, с постники и пустынники ублажаемыя, с нимиже непрестанно песнь хвалебную Церкви Зиждителю возсылаете и молитеся о нас таковая вам глаголющих:

Радуйтеся, Церкви Русския украшение;

Радуйтеся, Казахстанския страны заступление.

Радуйтеся, граду Алма-Ате сокровища пребогатыя;

Радуйтеся, во благоухании святыни почивающия.

Радуйтеся, всех с верою приходящих к вам благодатно освящающия;

Радуйтеся, усердно призывающим вас помогающия.

Радуйтеся, возлагающим по Бозе упование на вас пособствующия;

Радуйтеся, крепции защитницы наша от врагов видимых и невидимых.

Радуйтеся, приснии нам ходатаи спасения;

Радуйтеся, телес наших благодатныя целебницы.

Радуйтеся, о душах наших усердныя ко Господу молебницы;

Радуйтеся, преподобномученицы Серафиме и Феогносте, молитвенницы наши и заступницы, от Бога прославленныя.

Кондак 13

О, пречуднии и кротции страстотерпцы Христовы, преподобнии Серафиме и Феогносте, всем с верою и любовию вас призывающим скорые и теплие помощницы, приимите от нас недостойных малое сие со усердием приносимое вам благодарение и заступите ны от всех врагов видимых и невидимых и вечныя муки избавитися нам Господа умолите, да с вами в невечернем дни Царствия Божия воспоем: Аллилуия.

Сей кондак глаголи трижды.