31 Января ПЯТНИЦА Седмица 33-я по Пятидесятнице Постный день. Глас 7-й

31 Января 2020 года память. Свтт. Афана́сия Великого (373) и Кирилла (444), архиепископов Александрийских;прпп. схимонаха Кирилла и схимонахини Марии (ок. 1337), родителей прп. Сергия Радонежского.

Прп. Афана́сия Сяндемского, Вологодского (1550)прав. Афана́сия Наволоцкого (XVI–XVII)прп. Маркиа́на Кирского (Киринейского) (ок. 388).

Сщмч. Михаила Каргополова, пресвитера (1919)сщмч. Евге́ния Исадского, пресвитера (1930)сщмчч. Влади́мира ЗубковичаНиколая КрасовскогоСе́ргия ЛебедеваАлекса́ндра Русинова, пресвитеров (1938)

Свя­той Афа­на­сий ро­дил­ся в Алек­сан­дрии; мать его, по­доб­но Анне, ко­то­рая при­ве­ла сы­на сво­е­го Са­му­и­ла в храм Гос­по­день (1Цар.1:28), так же при­ве­ла его к св. Алек­сан­дру, пат­ри­ар­ху Алек­сан­дрий­ско­му, и от­да­ла в храм на слу­же­ние Бо­гу. И он стал при хра­ме про­во­дить свою жизнь, рев­ност­но ис­пол­няя за­по­ве­ди Бо­жии.

 

В 319 г. пат­ри­арх ру­ко­по­ло­жил его в диа­ко­на Алек­сан­дрий­ской Церк­ви. Уже в это вре­мя свя­ти­тель Афа­на­сий стал пи­сать со­чи­не­ния. Бу­ду­щий свя­ти­тель ви­дел, что нет у но­во­при­шед­ших в Цер­ковь Хри­сто­ву рев­но­сти, нет у них ис­тин­но­го бла­го­че­стия, мно­гие из них ис­ка­ли сла­вы для се­бя, пу­сто­сло­ви­ли, празд­но­сло­ви­ли и все язы­че­ские обы­чаи, ко­то­рые бы­ли рань­ше у них, пе­ре­но­си­ли в хри­сти­ан­скую жизнь. Объ­явил­ся некий Арий, ко­то­рый ху­лил Хри­ста, уни­чи­жал Ма­терь Бо­жию и воз­му­щал на­род, уча на­род до­би­вать­ся че­сти, сла­вы, про­ни­кать и в Цер­ковь, до­сти­гать свя­щен­ства и да­же ар­хи­ерей­ства. И мно­гие его слу­ша­ли и ста­но­ви­лись по­сле­до­ва­те­ля­ми этой ере­си – ари­а­на­ми. И эта ересь так рас­про­стра­ни­лась, что чуть не за­хлест­ну­ла всю Цер­ковь – ве­ли­кая бы­ла брань. В 325 г. свя­ти­тель Афа­на­сий был на Ни­кей­ском Со­бо­ре, где вы­сту­пал про­тив Ария.

В 326 г. по смер­ти пат­ри­ар­ха Алек­сандра свя­ти­тель Афа­на­сий был из­бран на Алек­сан­дрий­скую ка­фед­ру. Епи­ско­пом Афа­на­сий объ­ез­жал церк­ви, мно­го вы­сту­пал, бо­рол­ся про­тив ари­ан, пи­сал, об­ли­чал их, и вос­ста­ли про­тив него все неистин­ные хри­сти­ане и ста­ли на него кле­ве­тать. В то вре­мя цар­ство­вал Кон­стан­тин Ве­ли­кий (306–337 гг.), он счи­тал­ся по­кро­ви­те­лем Церк­ви Хри­сто­вой. Он хо­ро­шо по­ни­мал во­ен­ную стра­те­гию, ди­пло­ма­тию, го­судар­ствен­ные де­ла, но дел цер­ков­ных и про­по­ве­ди Еван­ге­лия не знал, по­это­му ко­ле­бал­ся меж­ду ари­ан­ством и пра­во­сла­ви­ем.

Поль­зу­ясь доб­ро­той и про­сто­той им­пе­ра­то­ра, ере­ти­ки окру­жи­ли весь его двор, про­ник­ли во все долж­но­сти и ста­ли на­шеп­ты­вать ере­си и неправ­ды и вво­дить рас­ко­лы. Они об­ви­ня­ли ар­хи­епи­ско­па Афа­на­сия, что он пло­хой че­ло­век, что он не слу­ша­ет­ся ца­ря, взи­ма­ет на­ло­ги от­дель­но от цар­ской каз­ны и со­вер­ша­ет нехо­ро­шие де­ла, что он и ча­ро­дей, и пре­ступ­ник, и блуд­ник. Им­пе­ра­тор ви­дел ве­ли­кую рас­прю, враж­ду, ста­рал­ся во­дво­рить мир, но бы­ва­ли та­кие вре­ме­на, что мог­ла от­крыть­ся вой­на, то­гда он пред­ла­гал свя­ти­те­лю Афа­на­сию на вре­мя уда­лить­ся ку­да-ни­будь. И боль­шую часть сво­е­го дол­го­го прав­ле­ния свя­ти­тель про­вел в из­гна­нии, и то­гда неред­ко он поль­зо­вал­ся под­держ­кой мо­на­хов, был в друж­бе с обо­и­ми от­ца­ми мо­на­ше­ства – свя­ты­ми пре­по­доб­ны­ми Ан­то­ни­ем и Па­хо­ми­ем.

В осо­бен­но­сти ста­ра­лись ере­ти­ки и злые лю­ди об­ви­нить свя­то­го Афа­на­сия в том, что он не слу­ша­ет по­ве­ле­ний им­пе­ра­то­ра, не об­ра­ща­ет вни­ма­ния на его пред­пи­са­ния, не при­ни­мая Ария в цер­ков­ное об­ще­ние, что он кол­дун и ча­ро­дей, са­ми бу­дучи яв­ны­ми ча­ро­де­я­ми, и что по­сред­ством ка­кой-то мерт­вой ру­ки, яко­бы при­над­ле­жав­шей кли­ри­ку Ар­се­нию, тво­рит ча­ро­ва­ния. Им­пе­ра­тор по­ве­лел про­ве­сти рас­сле­до­ва­ние. Ар­се­ний был кли­ри­ком, чте­цом, со­вер­шив ка­кой-то про­сту­пок, он дол­го скры­вал­ся, а ко­гда мол­ва об этом ста­ла рас­про­стра­нять­ся вез­де, то у него про­яви­лось чув­ство прав­ды, спра­вед­ли­во­сти, по­то­му что неви­но­вен был свя­ти­тель Хри­стов Афа­на­сий, да и сам Ар­се­ний со­вер­шен­но не по­стра­дал, не ему от­ру­би­ли ру­ку, дру­го­го че­ло­ве­ка где-то на­шли судьи-зло­деи, хо­тя мно­гие из них бы­ли епи­ско­пы. Со­бо­лез­нуя о сво­ем от­це и бла­го­де­те­ле и скор­бя серд­цем о том, что ис­ти­на без­за­кон­но по­беж­да­ет­ся ло­жью, он тай­но при­шел к са­мо­му Афа­на­сию, при­па­дая к его чест­ным но­гам Бла­жен­ный Афа­на­сий, ра­ду­ясь при­бы­тию Ар­се­ния, по­ве­лел ему до су­да ни­ко­му не по­ка­зы­вать­ся.

Меж­ду тем злоб­ная нена­висть про­тив­ни­ков Афа­на­сия так воз­рос­ла, что к од­ной лжи они при­ло­жи­ли еще но­вую: под­ку­пи­ли од­ну бес­стыд­ную жен­щи­ну воз­ве­сти кле­ве­ту на свя­ти­те­ля Афа­на­сия, что он со­вер­шил с нею без­за­ко­ние. Ко­гда на­чал­ся суд, судьи се­ли на сво­их ме­стах и кле­вет­ни­ки пред­ста­ли, бы­ла вве­де­на и эта жен­щи­на. С пла­чем дол­го жа­ло­ва­лась она на свя­ти­те­ля, ко­то­ро­го ни­ко­гда не ви­да­ла и да­же не зна­ла, ка­ков он по ви­ду. Все слу­ша­ли в недо­уме­нии. А она и не хо­те­ла знать бла­го­че­стия еван­гель­ско­го, ра­ду­ясь, что мно­го де­нег ей да­ли. В то вре­мя друг Афа­на­сия пре­сви­тер Ти­мо­фей, стоя с ним за две­ря­ми и все слы­ша, воз­му­тил­ся ду­хом и, неожи­дан­но вой­дя внутрь су­ди­ли­ща, с по­спеш­но­стью стал пе­ред гла­за­ми той кле­вет­ни­цы, как буд­то он был сам Афа­на­сий; он сме­ло об­ра­тил­ся к ней: «Я ли со­вер­шил над то­бою но­чью на­си­лие, как ты го­во­ришь?» И она еще с боль­шим бес­стыд­ством возо­пи­ла к су­дьям: «Сей, сей че­ло­век мой рас­тли­тель и зло­умыш­лен­ник про­тив мо­ей чи­сто­ты; он...» Судьи рас­сме­я­лись, уви­дев под­лость, разыг­ран­ную ко­ме­дию, и про­гна­ли ее. Но про­тив­ни­ки св. Афа­на­сия, хо­тя и усты­ди­лись, но не успо­ко­и­лись и ста­ли об­ви­нять его в убий­стве Ар­се­ния, по­ка­зы­вая ка­кую-то страш­ную на вид мерт­вую ру­ку. Свя­той Афа­на­сий тер­пе­ли­во слу­шал их и мол­чал, по­том спро­сил: «Есть ли сре­ди вас, кто хо­ро­шо знал Ар­се­ния? Кто из вас мо­жет под­твер­дить дей­стви­тель­но ли это его ру­ка?» И под­ня­лись боль­шин­ство непра­вед­ных су­дей, под­ско­чи­ли и ста­ли утвер­ждать, что дей­стви­тель­но это ру­ка Ар­се­ния. И то­гда, ко­гда они по­ка­за­ли свое гряз­ное серд­це и ко­вар­ство свое, свя­ти­тель ото­дви­нул за­на­вес­ку, за ко­то­рой сто­ял Ар­се­ний, вы­вел его пе­ред со­бра­ни­ем и спро­сил: «А это кто сто­ит пе­ред ва­ми? Вы ска­за­ли, что Ар­се­ния нет в жи­вых, это его ру­ка». И все при­шли в ужас. «Вот, му­жи, и Ар­се­ний! – объ­явил свя­ти­тель Афа­на­сий. – Вот и ру­ки его, ко­то­рые со­всем не бы­ли от­се­че­ны! По­ка­жи­те же и вы сво­е­го Ар­се­ния, ес­ли та­ко­го име­е­те, и по­ве­дай­те, ко­му при­над­ле­жит от­се­чен­ная ру­ка, ко­то­рая осуж­да­ет вас са­мих, как сде­лав­ших это пре­ступ­ле­ние». Но су­дии про­дол­жа­ли про­во­дить суд, ис­то­щая все свои кле­ве­ты. И свя­ти­тель Афа­на­сий, не вы­но­ся со­вер­ша­е­мой неспра­вед­ли­во­сти, вслух за­сви­де­тель­ство­вал все­му со­бо­ру: «Угас­ла прав­да, по­пра­на ис­ти­на, по­гиб­ло пра­во­су­дие, ис­чез­ло у су­дей за­кон­ное рас­сле­до­ва­ние и осто­рож­ное рас­смот­ре­ние дел! Раз­ве за­кон­но, чтобы же­ла­ю­щий оправ­дать­ся со­дер­жал­ся в узах, а суд все­го де­ла был бы по­ру­чен кле­вет­ни­кам и вра­гам, и чтобы са­ми ого­вор­щи­ки су­ди­ли то­го, на ко­го кле­ве­щут?» Им­пе­ра­то­ром свя­ти­тель был оправ­дан и по­слан на свою Алек­сан­дрий­скую ка­фед­ру.

Ко­гда умер Кон­стан­тин Ве­ли­кий и пре­сто­лом за­вла­дел его вто­рой сын Кон­стан­ций, то весь двор им­пе­ра­тор­ский пе­ре­шел на сто­ро­ну ари­ан. Они ста­ли гнать хри­сти­ан пра­во­слав­ных, епи­ско­пов ссы­лать, ста­вить на пре­сто­лы нече­сти­вых лю­дей, ко­вар­ных, блуд­ни­ков, ере­ти­ков, ко­то­рые Иису­са Хри­ста не при­зна­ва­ли за Бо­га. И при­шлось свя­ти­те­лю Афа­на­сию бе­жать в Рим, где три го­да на­хо­дил­ся.

По­том Гос­подь рас­су­дил все су­дом Сво­им: на­ка­зал Ария и ере­ти­ков, и нече­сти­вый царь по­гиб. По­сле него два го­да цар­ство­вал Юли­ан От­ступ­ник, за ним всту­пил Иови­ни­ан бла­го­че­сти­вый, по­том Ва­лент, ко­то­рый, хо­тя и мно­го зла тво­рил Церк­ви, но, ис­пу­гав­шись мя­те­жа алек­сан­дрий­цев, поз­во­лил свя­ти­те­лю Афа­на­сию вер­нуть­ся и без­бо­яз­нен­но управ­лять Алек­сан­дрий­ской Цер­ко­вью. И опи­сы­ва­ет­ся в жи­тии свя­ти­те­ля Афа­на­сия, что по­след­нее вре­мя сво­ей жиз­ни он жил в ми­ре и спо­кой­ствии, по­чил о Гос­по­де 2 мая 373 г. в воз­расте 76 лет.

46 лет свя­ти­тель Афа­на­сий был епи­ско­пом го­ро­да Алек­сан­дрии и мно­го раз из­го­нял­ся с ка­фед­ры и воз­вра­щал­ся об­рат­но, по­то­му что ари­ане, на­зы­ва­ю­щие се­бя хри­сти­а­на­ми, ве­ру­ю­щими в Еван­ге­лие, ис­ка­ли, при­ду­мы­ва­ли ви­ну, чтобы осу­дить и пре­дать смер­ти свя­ти­те­ля. А Гос­подь, воз­ве­щая Еван­ге­лие, не про­по­ве­до­вал уби­вать вра­гов сво­их; эти же зло­деи при­твор­но при­ня­ли Кре­ще­ние, хри­сти­ан­ство и ве­ро­ва­ли без бла­го­че­стия.

См. так­же: «Жи­тие свя­то­го от­ца на­ше­го Афа­на­сия, ар­хи­епи­ско­па Алек­сан­дрий­ско­го» в из­ло­же­нии свт. Ди­мит­рия Ро­стов­ско­го.

Тропарь святителю Афанасию Великому, Александрийскому, глас 3

 

Столп был еси́ правосла́вия,/ Боже́ственными догма́ты подтвержда́я Це́рковь,/ священнонача́льниче Афана́сие:/ Отцу́ бо Сы́на Единосу́щна пропове́дав,/ посрами́л еси́ А́рия./ О́тче преподо́бне,/ Христа́ Бо́га моли́,// дарова́ти нам ве́лию ми́лость.

Перевод: Ты сделался столпом православия, божественными догматами утверждая Церковь, иерарх Афанасий, ибо Сына единосущным Отцу провозгласив, ты посрамил Ария. Отче преподобный, Христа Бога моли, даровать нам великую милость.

Тропарь святителям Афанасию и Кириллу Александрийским, глас 4

 

Бо́же оте́ц на́ших,/ творя́й при́сно с на́ми по Твое́й кро́тости,/ не оста́ви ми́лость Твою́ от нас,/ но моли́твами их// в ми́ре упра́ви живо́т на́ш.

Перевод: Боже отцов наших, всегда поступающий с нами по Твоей кротости, не удали милости Твоей от нас, но по их мольбам мирно жизнью нашей управляй.

Ин тропарь святителям Афанасию и Кириллу Александрийским, глас 3

 

Де́лы возсия́вше правосла́вия,/ все погаси́вше злосла́вие,/ победи́телие, победоно́сцы бы́сте,/ благоче́стием вся обогати́вше,/ Це́рковь вельми́ украси́вше,/ досто́йно обрето́сте Христа́ Бо́га,// да́рующаго нам ве́лию ми́лость.

Перевод: Воссияв деяниями в защиту православия, все угасив неправомыслие, вы сделались победителями, носящими трофеи; благочестием всех обогатив, Церковь величественно украсив, по достоинству обрели вы Христа Бога, по молитвам вашим дарующего всем великую милость.

Кондак святителю Афанасию Великому, Александрийскому, глас 2

 

Правосла́вия насади́в уче́ния,/ злосла́вия те́рния изсе́кл еси́,/ умно́жив се́мя ве́ры одожде́нием Ду́ха, преподо́бне,// те́мже тя пое́м, Афана́сие.

Перевод: Насадив учения православия, истребил ты терния неправомыслия и посев веры умножил ливнем Духа; потому мы воспеваем Тебя, Афанасий.

Кондак святителям Афанасию и Кириллу Александрийским, глас 4

 

Священнонача́льницы велича́йшии благоче́стия,/ и до́блии побо́рницы Це́ркве Христо́вы,/ вся соблюди́те пою́щия:/ спаси́, Ще́дре,// ве́рою чту́щия Тя.

Перевод: Иерархи величайшего благочестия и доблестные защитники Церкви Христовой! Храните всех, воспевающих: «Спаси, Милостивый, с верою чтущих Тебя!»

Молитва святителю Афанасию Великому, Александрийскому

 

О, всехва́льный и пресла́вный святи́телю Афана́сие Вели́кий, за ве́ру Правосла́вную ты был еси́ в до́лзех труде́х, мно́зех по́двизех, в пятикра́тных изгна́ниих и бе́гствех, претерпе́л еси́ мно́ги клеветы́ и оболга́ния, мно́гажды за ню хоте́ша врази́ твои́ уби́ти тя, и то́кмо Сам Бог чуде́сно сохрани́ тя от сме́рти. И все сие́ ты претерпе́л еси́ от нечести́вых еретико́в – ариа́н, с ни́ми же и боро́лся еси́, и и́хже, в пучи́не слове́с погрузи́в, терпе́нием твои́м препобеди́л еси́, и, злове́рие их от Це́ркве отгна́в и правосла́вное уче́ние насади́в, умно́жил еси́ се́мя ве́ры Христо́вой. Вои́стинну ты еси́ хра́брый во́ин Христо́в, я́ко во́ин бо, до конца́ дний твои́х сла́вно боро́лся еси́ за пра́вую ве́ру со еретики́. Вои́стинну ты еси́ столп ве́ры Правосла́вныя, и́бо ника́коже поколеба́ся ве́ра твоя́ Правосла́вная от сих гоне́ний ерети́ческих, но па́че утверди́ся и укрепи́ся, и не то́кмо у тя и у па́ствы твое́й, но и во всей Це́ркви Христо́вей. К тебе́ мо́лимся, уго́дниче Бо́жий, испроси́ у Христа́ Бо́га на́шего и нам име́ти ве́ру непоколеби́му и не уклони́тися от пра́ваго пути́ ея́, но до конца́ дний свои́х пребы́ти на нем, не боя́щеся ни ле́сти, ни преще́ния, ни да́же гоне́ния, и унасле́довати Ца́рство Небе́сное во сла́ве Бо́га Отца́ и Сы́на и Свята́го Ду́ха, иде́же ты и вси святи́и пребыва́ют. Ами́нь.

Молитва святителям Афанасию и Кириллу Александрийским

 

О, всесвяти́и отцы́ Афана́сие и Кири́лле, те́плии на́ши засту́пницы, ересе́й потреби́тели, благоче́стия защи́тители, неду́жным вра́чеве, в беда́х помо́щницы и все́м притека́ющым к ва́м те́плии предста́тели, помози́те на́м, гре́шным, в се́м житии́, и умоли́те Го́спода Бо́га дарова́ти на́м грехо́в оставле́ние и Ца́рствия Небе́снаго насле́дие, да всегда́ прославля́ем Отца́ и Сы́на и Свята́го Ду́ха, и ва́ше ми́лостивное предста́тельство, ны́не и при́сно и во ве́ки веко́в. Ами́нь.

АКАФИСТ СВЯТИТЕЛЯМ АФАНАСИЮ ВЕЛИКОМУ И КИРИЛЛУ, АРХИЕПИСКОПАМ АЛЕКСАНДРИЙСКИМ

 

Кондак 1

Избрании от Небеснаго Пастыреначальника отцы наша, пресветлая двоице святителие Афанасие и Кирилле, великаго Александрийскаго града первопрестольницы, оружием креста и молитвы враги Церкве Христовы победившии, песньми духовными восхваляем вас, святых заступников наших. Вы же яко имущии дерзновение ко Господу, молитеся за Церковь Православную, за град ваш и вся люди с любовию зовущия:

Радуйтеся, святители Афанасие и Кирилле, Православия столпи непоколебимии и богомудрии учители.

Икос 1

Ангели земнии и человецы небеснии явистеся, святителие Афанасие и Кирилле, егда озарившеся светом истиннаго богопознания, яко два светила просвещали есте по преемству друг другу на престоле патриаршем всю землю и яко велиции иерарси и учителие наши заградили есте еретиков злославных учение, благочестием напояюще верных. Темже и мы, истинною верою Христовою утвержденнии, воспеваем вам, защитникам Церкве Православныя, сице:

Радуйтеся, прелести мира сего отвергшии.

Радуйтеся, чистаго и непорочнаго жития неусыпающии хранители.

Радуйтеся, Единаго Христа всем сердцем возлюбившии.

Радуйтеся, волю свою воли Божией покорившии.

Радуйтеся, образ истинныя веры в себе показавшии.

Радуйтеся, мужественно иго Христово на себе возложившии.

Радуйтеся, божественныя премудрости исполненнии.

Радуйтеся, Духа Пресвятаго сосуди избраннии.

Радуйтеся, вернии делатели винограда Христова.

Радуйтеся, Церкве Православныя украшение.

Радуйтеся, архипастыри святыя Александрийския Церкве.

Радуйтеся, вечныя радости наследницы.

Радуйтеся, святители Афанасие и Кирилле, Православия столпи непоколебимии и богомудрии учители.

Кондак 2

Видя Сердцеведец Господь твердое твое изволение, мудрость и благочестие, поставляет тя, отче Афанасие, на свещнице Церкве Александрийския, да свет святаго Евангелиа возсияет во странах Востока и просвещеннии тобою людие воспевают Богу хвалебную песнь: Аллилуиа.

Икос 2

Разумом светлым и сердцем чистым изволению Божию повинувшеся, иго Христово благое вземше, по стопам апостолов последовали есте на нивы духовныя, отцы наши Афанасие и Кирилле, обильно сеюще слово Божие, просвещающе паству свою благодатию и в вере истинней утверждающе многих. Темже и мы, вашими богомудрыми ученьми просвещаемии, взываем сице:

Радуйтеся, издетска Богом благословеннии.

Радуйтеся, в истинней простоте и безмолвии пожившии.

Радуйтеся, от юности себе Богу посвятившии.

Радуйтеся, еще во отрочестве любовию к слову Божию напоеннии.

Радуйтеся, житие иноческое возлюбившии.

Радуйтеся, Господеви верно послужившии.

Радуйтеся, благодать священства достойно восприявшии.

Радуйтеся, безкровную жертву о людех приносившии.

Радуйтеся, пастыри и учители Церкве премудрии.

Радуйтеся, апостолов достойнии преемницы.

Радуйтеся, неумолкающии глашатаи истиннаго благочестия.

Радуйтеся, града Александрии щите и ограждение.

Радуйтеся, святители Афанасие и Кирилле, Православия столпи непоколебимии и богомудрии учители.

Кондак 3

Силою разума своего, просвещеннаго благодатию, Троицу Единосущную: Отца Безначальнаго, Сына же воплощеннаго и Духа Всесвятаго проповедал еси, блаженне Кирилле, явив же ся Богородицы поборник и защитник от еретических учений. Мы же тя, яко божественнаго тайнописца Пребожественныя Троицы прославляем и твоим учением осиявшеся, воспеваем прославльшему тя Христу Богу: Аллилуиа.

Икос 3

Имуще ревность велию по Бозе, оружием Креста Христова вооружившеся и меч слова Божия восприимше, яко добропобеднии воини Отца Небеснаго противустали есте врагу спасения диаволу, отцы всеблаженнии Афанасие и Кирилле, плевелы еретических учений скоро посекающе, душы заблуждших чад Божиих спасающе, верныя же во благочестии и вере православием укрепляюще. Темже и нас предстательством вашим просветите, любовию поющих тако:

Радуйтеся, в постничестве и воздержании великим пустынножителем поревновавшии.

Радуйтеся, примером вашея жизни обратившии многих ко Господу.

Радуйтеся, Евангельския истины благовестители.

Радуйтеся, наставницы наши во исповедании православныя веры.

Радуйтеся, Живоначальныя Троицы почитатели.

Радуйтеся, яко Серафими огнем любве ко Господу горящии.

Радуйтеся, искоренители еретическаго служения.

Радуйтеся, прославившии истиннаго Бога во Святей Троице покланяемаго.

Радуйтеся, безбожных и нечестивых обличители.

Радуйтеся, паствы вашея добрии хранители.

Радуйтеся, яко вами святая вера прославляется.

Радуйтеся, яко и мы грешнии имя ваше с верою призываем.

Радуйтеся, святители Афанасие и Кирилле, Православия столпи непоколебимии и богомудрии учители.

Кондак 4

Бурю злобы и ненависти воздвиже диавол, ища арианским зловерием погубити Церковь Христову чрез соблазненных им. Ты же, отче Афанасие, слово спасения в Никеи на Первем Вселенстем Соборе велегласно возгласил еси, Ариева мнения вся упразднил еси, и Святыя Троицы державу во всем мире проповедал еси. Темже во вся концы земли истинную веру благовествовал еси, верныя же научая Богу, Содетелю всех, с любовию воспевати: Аллилуиа.

Икос 4

Слышавше, святители Афанасие и Кирилле, глас Христов, к подвигу стояния за веру даже до смерти призывающий, Пастыреначальнику Христу последовасте, покоя не имуще ради неусыпных трудов во спасение паствы от волков, расхищающих ю, и подвиг сей чрез все житие ваше понесше, ныне вечный покой в райских обителех обретосте. Мы же очи сердец наших возводяще ко Господу, по долгу любве прославляем память вашу, со умилением зовуще сице:

Радуйтеся, Троицы Святыя вернии служители.

Радуйтеся, истины Христовы пламеннии ревнители.

Радуйтеся, еретическая учения безумнаго Ария мужественно обличившии.

Радуйтеся, поборницы правыя веры непоколебимии.

Радуйтеся, богомудрыми словесы уста заблуждших заградившии.

Радуйтеся, Церковь Христову от лжеучений сохраняющии.

Радуйтеся, пастыри, волков от стада Христова отгоняющии.

Радуйтеся, душу свою за чад духовных положите готовии.

Радуйтеся, сокровищницы богословия преизобильнии.

Радуйтеся, насадители истиннаго благочестия.

Радуйтеся, богоблаженнии исповедницы православныя веры.

Радуйтеся, ко спасению верным путеводители.

Радуйтеся, святители Афанасие и Кирилле, Православия столпи непоколебимии и богомудрии учители.

Кондак 5

Боготечная звезда, возсиявшая во Александрии, явился еси, святителю Кирилле, просвещаемый от Солнца Правды Христа Бога, своим немерцающим светом озаряющий страны Востока и якоже звезда Вифлеемская, верный путь ко Христу показал еси, да просвещеннии тобою людие воспоют Ему благодарственную песнь: Аллилуиа.

Икос 5

Видяще чада Церкве Александрийския евангельское благовестие ваше и стояние до смерти за Церковь Христову и правду Божию, обращахуся от еретических заблуждений к истинней вере. Вы же, яко пастыри добрии, с любовию приимали есте ищущих спасения, Господа всем сердцем благодаряще за милость Его к кающымся. Сего ради радостными песнопеньми восхваляем вас, отцы святии, и глаголем:

Радуйтеся, молитвенницы, Духом Божиим озареннии.

Радуйтеся, светильницы, просвещающии души наша.

Радуйтеся, разум свой в послушание веры предавшии.

Радуйтеся, право славити Бога нам завещавшии.

Радуйтеся, благодатию Христовою еретическая мудрования побеждавшии.

Радуйтеся, верных от ересей оградившии.

Радуйтеся, диавола и слуг его обличившии.

Радуйтеся, преславнии верующих заступницы.

Радуйтеся, ревностию по вере пророку Божию Илии уподобившиися.

Радуйтеся, яко пророк Даниил и трие отроцы мужественно Бога прославившии.

Радуйтеся, чрез все житие на ниве Господней потрудившиися.

Радуйтеся, и по смерти от паствы своея любовию не отлучившиися.

Радуйтеся, святители Афанасие и Кирилле, Православия столпи непоколебимии и богомудрии учители.

Кондак 6

Проповедник истиннаго учения о Христе и Пречистей Его Матере миру явился еси, святителю отче Афанасие, силою благодатнаго слова твоего и богодухновенных писаний лесть богохульную Ария посрамил еси и многия беды от врагов Православия претерпел еси: изгнание неправедное от престола Александрийска, темничное заключение и гонения. Сего ради вси зряще тя, яко пастыря добраго, душу свою за овцы полагающаго, возопиим Богу прославляющему святыя Своя: Аллилуиа.

Икос 6

Возсияли есте яко светила на небе церковнем, святители Афанасие и Кирилле, подвигом жития вашего показующе всем верным путь к незаходимому Свету Христу. Темже молим вас, помозите тму неверия и развращения в мире Божием разгнати, да вси любящии и чтущии Бога в духе и истине, взывают вам сице:

Радуйтеся, весь мир словесы вашими озарившии.

Радуйтеся, податели света Христова народом православным.

Радуйтеся, звезды светлыя, освещающия нас в нощи греховней.

Радуйтеся, Церкве Христовы незаходимое сияние.

Радуйтеся, истинныя веры ревнители.

Радуйтеся, яко во всех странах Востока изыде вещание учения вашего.

Радуйтеся, во изгнании и гонении от еретиков Бога благодарившии.

Радуйтеся, поношения многая от них мужественно претерпевшии.

Радуйтеся, поборницы веры во Христа неустрашимии.

Радуйтеся, всех, за истину гонимых, прибежище.

Радуйтеся, всем нам отцы духовнии и наставницы благочестия.

Радуйтеся, путеводители наши во Отечество Небесное.

Радуйтеся, святители Афанасие и Кирилле, Православия столпи непоколебимии и богомудрии учители.

Кондак 7

Хотяще изгнати тя с престола Церкве Александрийския, еретицы оклеветаша тя, святителю отче Кирилле, пред царем Феодосием. Егда же сей добрее твое житие уведе, абие посрами клеветавших и соборище их еретическое разгна, еретика же Нестория с патриаршаго престола Царьграда сверже, тя же постави главою Вселенскаго Собора во Ефесе. Ты же, отче святый, ересь Нестория на Соборе посрамив, Богородицу и Матерь Света возвеличил еси и Бога прославил еси, воспевая Ему благодарственную песнь: Аллилуиа.

Икос 7

Новаго винограда Христова вашими труды насажденнаго достойнии делатели и хранители явистеся, отцы святии, и яко вернии раби Христовы, в радость Господа Своего вшедшии, на Небесех ныне ликовствуете и молитвами своими утверждаете веру нашу, ко спасению ходатаиствующе пред Богом за нас грешных, да благодарне воспеваем сице:

Радуйтеся, ересей Ария и Нестория обличители.

Радуйтеся, защитницы наши от зловредных мудрований.

Радуйтеся, наставницы заблуждших от пути праваго.

Радуйтеся, яко светом боговедения просвещаете помраченныя умом.

Радуйтеся, струями благодати сердца многих напоившии.

Радуйтеся, неусыпнии стражи нашего спасения.

Радуйтеся, воини Христовы, еще в жизни от Него славою венчаннии.

Радуйтеся, яко подвиги и труды ваша вернии немолчно воспевают.

Радуйтеся, богатство духовное многим людем принесшии.

Радуйтеся, к пристанищу спасения их направившии.

Радуйтеся, научающии нас радоватися о Господе.

Радуйтеся, скорби наша в радость претворяющии.

Радуйтеся, святители Афанасие и Кирилле, Православия столпи непоколебимии и богомудрии учители.

Кондак 8

Странно и дивно воистинну есть видети, како новая буря прииде на Церковь Божию, егда царь Иулиан вся идольская капища отверзе, жертвы ложным богам творя. И паки на тя, святителю Афанасие, воста, яко врази веры Христовы рекоша царю: «Аще Афанасиа не погубиши, несть мощно христианство извести». Ты же, отче святый, прерочествовал еси, яко сей мятеж скоро разрушится и противоборствовал еси богоотступнику Иулиану, умоляюще Господа и Пречистую Его Матерь разрушити злое его на христиан умышление, да вси вернии благодарно поют Богу песнь: Аллилуиа.

Икос 8

Вси сынове российстии проповедуют благодатную помощь вашу, святители предивнии Афанасие и Кирилле, от лет бо древних отцы наша уведеша вас, яко заступников от нашествий иноплеменных и избавителей от моровых поветрий. Темже и мы, вернии чада Церкве Христовы в земли Российстей, приносим вам хваление сие наше:

Радуйтеся, в земли Российстей верными возлюбленнии.

Радуйтеся, Православия в стране нашей поборницы.

Радуйтеся, о любящих и чтущих вас предстатели.

Радуйтеся, податели света Христова народом православным.

Радуйтеся, многим двери в Царствие Небесное отверзшии.

Радуйтеся, о спасении рода христианскаго ходатаи.

Радуйтеся, праведным житием вашим вся окрестныя страны удивившии.

Радуйтеся, яко вси благочестивии людие о именах ваших веселятся.

Радуйтеся, любве Христовы истиннии хранители.

Радуйтеся, христианом всех времен в молитвах наставницы.

Радуйтеся, венцем терпения на земли венчаннии.

Радуйтеся, светом вечным на Небеси осияннии.

Радуйтеся, святители Афанасие и Кирилле, Православия столпи непоколебимии и богомудрии учители.

Кондак 9

Всякое естество ангельское удивися славному житию твоему на земли, святителю отче Кирилле, ибо показа тя Господь твердаго заступника Православия. Ты бо повсюду Евангельския истины возвещал еси, верных утешая и тако сохранял еси их от еретических учений. Темже и ныне не оставляй нас, грешных, но всех чад Божиих в православии и единомыслии утверди, да в радости духовней воспоем Троице Святей благодарственную песнь: Аллилуиа.

Икос 9

Ветии многовещанныя превзошли есте силою богодухновенных словес и писаний ваших, святители богомудрии Афанасие и Кирилле, вы бо воплощенное Слово богословили есте, просвещающе души многих, верно показующе им путь ко спасению, по немуже сами неуклонно шествовали есте до блаженныя кончины вашея. Мы же радующеся, яко таковы имамы учители жизни духовныя и молитвенники, прославляем вас, отцы святии, глаголюще:

Радуйтеся, пастыри добрии, о славе Господней ревновавшии.

Радуйтеся, дарованный вам талант приумножившии.

Радуйтеся, странницы земнии, во Отечество Небесное вшедшии.

Радуйтеся, с лики небесных сил ныне торжествующии.

Радуйтеся, светила, во тме заблуждения сущих озарившая.

Радуйтеся, сего ради велии во Царствии Божием нареченнии.

Радуйтеся, венцы исповедническими от Бога украшеннии.

Радуйтеся, в лице святителей великих славою многою превознесеннии.

Радуйтеся, богомудрии вселенныя учители.

Радуйтеся, со всеми угодники Божии о нас Господу молящиися.

Радуйтеся, яко вами прославляется вера христианская.

Радуйтеся, яко имена ваша написана суть на Небесех.

Радуйтеся, святители Афанасие и Кирилле, Православия столпи непоколебимии и богомудрии учители.

Кондак 10

Спасти хотя стадо Христово от погибели, святителю Афанасие, не убоялся еси прещений царских, ни клевет от еретиков, ни заключения темничнаго, но вся сия, яко доблий воин Христов претерпев, не преставал еси просвещати паству твою, моля ученики твоя твердо стояти во истинней вере, ниже козней вражиих устрашатися, но и в скорбех и напастех за вся благодарити Бога, поюще Ему песнь: Аллилуиа.

Икос 10

Стена есте несокрушимая всем православным людем, двоице всехвальная и досточудная, святители Афанасие и Кирилле, ибо Небесе и земли Творец избра вас быти на земли твердии защитницы и непоколебимии столпи веры истинныя, и к лику великих святителей и учителей Церкве Христовы сопричте. Темже умолите благодати Божия сподобитися и в истине устояти всем нам, любящым вас и вопиющым таковая:

Радуйтеся, истину Христову пред людьми небоязненно вещавшии.

Радуйтеся, догматов церковных хранители.

Радуйтеся, божественная словеса в сердцах своих носившии.

Радуйтеся, богомудрыми писаньми вашими сокровище духовное нам оставившии.

Радуйтеся, душ наших от лести сатанинския защитницы.

Радуйтеся, яко молитвами вашими побеждаем козни диавольския.

Радуйтеся, душевных и телесных недугов наших целители.

Радуйтеся, напастьми обуреваемых тихое пристанище.

Радуйтеся, всякаго добра временнаго и вечнаго податели.

Радуйтеся, ходатаи наши пред престолом Судии Небеснаго.

Радуйтеся, яко чистым сердцем Бога ныне зрите.

Радуйтеся, яко и по отшествии в Небесныя обители попечения о нас не оставляете.

Радуйтеся, святители Афанасие и Кирилле, Православия столпи непоколебимии и богомудрии учители.

Кондак 11

Пение молебное наше, во храме пред чудотворною иконою вашею приносимое днесь, милостиво услышите, святители Христовы Афанасие и Кирилле, и требующым вашея благодатныя помощи будите предстатели и молитвенницы, вся благая им дарующе: недужным исцеление, скорбящым утешение, в напастех сущым избавление, да о вас радующеся и Бога славяще, воспоем Ему: Аллилуиа.

Икос 11

Светозарнии светильницы и чудотворцы явистеся, святители Божии Афанасие и Кирилле, от лет древних и до ныне Отечество наше не оставляющии: якоже бо глаголет о том древний летописец, во времена нашествия Батыева Велик Новград заступи Бог и вы, святители Христовы. Темже молим вас, отцы святии, прегрешений оставление даровати всем людем российским чтущым любовию святую память вашу и вопиющым тако:

Радуйтеся, яко во всех странах православных имена ваша прославляются.

Радуйтеся, яко и в земли Российстей церкви во имя ваше созидаются.

Радуйтеся, полчищам агарян путь на Великий Новград преградившии.

Радуйтеся, страны нашея великоименитии покровители.

Радуйтеся, град Москву храмом в вашу честь освятившии.

Радуйтеся, землю нашу и верных чад Церкве Русския возлюбившии.

Радуйтеся, яко сынове Российстии ходатайством вашим спасаются.

Радуйтеся, яко вси вернии молитвами вашими от бед и скорбей свобождаются.

Радуйтеся, в тяжких обстояниих и напастех надеждо наша и заступление.

Радуйтеся, всем нам в годину скорбей дивное утешение.

Радуйтеся, яко молитвами вашими Владыку всех умилостивляете.

Радуйтеся, яко вами красуется и укрепляется Церковь Христова.

Радуйтеся, святители Афанасие и Кирилле, Православия столпи непоколебимии и богомудрии учители.

Кондак 12

Благодать, данную вам от Бога ведуще, память вашу общую празднуем, святители Христовы Афанасие и Кирилле, и усердно к вашему честному образу притекающе, предстательством вашим, яко необоримою стеною ограждаемся, явистеся бо нам целители недугов, наставницы заблуждших и скории помощницы всем призывающым вас и воспевающым Христу Богу песнь: Аллилуиа.

Икос 12

Поюще дивное ваше житие на земли и славу яже на Небеси, смиренно молим вас, святители Афанасие и Кирилле, силу свыше православным христианом на враги видимыя и невидимыя даровати; будите нам, отцы всеблаженнии, во всем благии помощницы, благословите нас миром и любовию, подайте нам твердую веру, чистоту жизни и страх Божий, да вси, душевний покой обретше, в радости воспоем вам тако:

Радуйся, Афанасие, безсмертию тезоименитый.

Радуйся, великий учителю Церкве Христовы.

Радуйся, Кирилле, суемудрия Несториева разорителю.

Радуйся, Александрийскаго престола славо и утверждение.

Радуйся, Афанасие, из Отечества твоего правды ради изгнанный.

Радуйся, в тайне любовию паствы твоея хранимый.

Радуйся, Кирилле, добре и верно за честь Пресвятыя Богородицы потрудивыйся.

Радуйся, яко исходу твоему Сама Пречистая Матерь Господа предстояще.

Радуйся, Афанасие, яко великий Антоний завеща тебе ризу свою.

Радуйся, яко мощи твоя во храме Святыя Софии Цареградския положени быша.

Радуйся, Кирилле, премудрости Божия проповедниче.

Радуйся, архиерею Бога Вышняго.

Радуйтеся, святители Афанасие и Кирилле, Православия столпи непоколебимии и богомудрии учители.

Кондак 13

О пастыри наши всехвальнии, святители Афанасие и Кирилле, приимите малое сие моление наше, от умиленнаго сердца вам приносимое, испросите нам у Христа Бога утверждение в вере истинней, еже ходити нам в заповедех Господних безпорочно, и к Царствию Небесному предстательством вашим приведите всех, да сподобимся радостно воспевати вкупе с вами победную песнь: Аллилуиа.

Этот кондак читается трижды, затем 1 -й икос: «Избрании от Небеснаго Пастыреначальника... » и 1-й кондак: «Ангели земнии...»

Молитва святителям Афанасию и Кириллу Александрийским

О всесвятии отцы Афанасие и Кирилле, теплии наши заступницы, ересей потребители, благочестия защитители, недужным врачеве, в бедах помощницы и всем притекающым к вам теплии предстатели, помозите нам, грешным, в сем житии, и умолите Господа Бога даровати нам грехов оставление и Царствия Небеснаго наследие, да всегда прославляем Отца и Сына и Святаго Духа, и ваше милостивное предстательство, ныне и присно и во веки веков. Аминь.